Isaiah 41:27 - Bible Ni Thothup

²⁷ I Gag SOMOL e som’on ni gog ngak yu Zion e re bugithin ney ni bfel’; kug l’oeg be’ nga Jerusalem ni nge ga’ar, ‘Girdi’ rom e yad be yib! Yad be sul i yib nga tabinaw!’

Isaiah 41:27 Referans Kwoze

Isaiah 40:9

Jerusalem, mman nga daken e burey nib tolang; mu weliy e re thin ney ni bfel’! Zion, mu tolul ni ba ga’ lamam; mu weliy e re thin ney ni bfel’! Mu non ni ba ga’ lamam, ma dab mu rus. Mog ngak e pi binaw nu Judah ni fare Got rorad e be yib!

Isaiah 52:7

Rib falan’uy ni ngan guy ba tamal’og ni be yib u daken e pi burey i yib, nike fek e thin ni bfel’ i yib, ni murung’agen e gapas! Nge yib i yog nib ga’ laman ni kan gel me ga’ar ngak Zion, “Got rom e ir e pilung!”

Nahum 1:15

Mu changar, ke yib bmal’og u daken e pi burey nike fek e thin ni bfel’! Ke yib ni nge weliy murung’agen e gapas! Gimed e girdi’ nu Judah, mmadnom niged e pi madnom romed ngam pi’ed ngak Got e n’en ni mu og niged ngak. Pi to’ogor e dakriy bi’id ni ku yad ra cham u lan tafenmed bayay. Ya yad gubin ni kan thang owcharad.

Isaiah 48:3

Be ga’ar SOMOL ngak yu Israel, “Kakrom e u gog ko mang e nge buch; mu gu gagiyegnag nge taw ngay nib tomgin.

Isaiah 44:28

Ke lungug ngak Cyrus, ‘Gur e bay mu gagiyeg ni pa’ag; bay mu rin’ e n’en ni gu ba’adag ni ngam rin’: bay mog ni ngan fulweg yu Jerusalem nga rogon mi ni ubung e def ko Tempel.’”

Revelation 2:8

“Mu yol ngak fare engel ko galesiya nu Smyrna ni nge lungum: “Ba’aray e thin nike pi’ fa’anem ni ir e en ni tabolngin ma ku ir e en ni tungun, ni ir e yim’ ngki fos ko yam’.

Roma 10:15

Mra di’in min machibnag e thin rok ni fa’anra dab nol’oeg e pi’in ngar machib niged e thin rok ngranod ngar machibgad? Ni bod ni be yog e babyor nib thothup ni be ga’ar, “Rib manigil e wub nike tay e pi’in kar feked i yib fare Thin Ni Bfel’!”

Isaiah 48:12

Be ga’ar SOMOL, “Mmotoyilgad ngog gimed e girdi’ nu Israel ni gag e kug piningmed! I gag Got, ko tobolngin nge tungun, kemus ni gag e Got!

Isaiah 44:6

I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Isaiah 43:10

“Gimed e girdi’ nu Israel, gimed e mich rog; kug duwgiliymed ni ngam manged ba nam ni tapigpig rog, ni fan e ngam nanged gag mu gu mich u wun’med, me tamilangan’med riy ni kemus ni Gag e Got. Dakuriy yu gu reb e got nga bang; immoy ndariy, ma ku dariy ni bayib.

Isaiah 41:4

I mini’ e ke gagiyegnag ke yodorom? I mini’ e turguy e n’en ni ngi i rin’ e girdi’ nu fayleng ko tabolingin i yib? I Gag SOMOL e ug moy ko tabolngin, mi Gag SOMOL e gu bay ko tungun.

Isaiah 46:9

Mu leam niged e n’en ni gu rin’ kakrom; mu nanged ni kemus ni Gag e Got, ma dariy be’ ni bod gag.