Isaiah 41:22 - Bible Ni Thothup

²² Mired ngaray ngam yi’iy niged e tin bayib, me yag nda nanged e ngiyal’ ni nge yodrom, mi gimed weliy ngomad rogon urngin ban’en ni bay yan i aw, ya nge yib i m’ug ma gadad nang.

Isaiah 41:22 Referans Kwoze

Isaiah 45:21

Mu feked e oloboch romed i yib nga tafen e puf oloboch, me puruy’ e pi’in ta ayuw u tafen e puf oloboch. I mini’ kakrom e i yi’iynag e n’en ni nge taw ngay? Gathi Gag fare SOMOL, ni fare Got ni ayuweg e girdi’ rok? Dakuriy yugu reb e got ngabang.

Isaiah 48:14

“Mu’ulunggad ngam motoyilgad, ni gimed gubin! Dariy reb e got ni yag ni nge yi’iynag ni fare mo’on ni gu mel’eg e ra cham nga Babylon; ni bayi rin’ e n’en ni gu ba’adag ni nge rin’.

Isaiah 46:10

Gog ko tabolngin e tin bay ko tungun; kab kakrom mu gog e tin bayib. Mu gog ni tin kem’ay i leamnag rog e dabiyag ni nge thil; ya gu ra rin’ urngin e tin kem’ay i leamnag rog.

Isaiah 44:7

Gur bay be’ ngabang nrayag rok e tin kug rin’? I mini’ e yag rok ni yi’iynag nrib tamilang urngin e pin’en ni bay yib ko tabolngin nge yan i thang ko tungun?

John 16:14

Bayi tayfag, ya bayi fek e tin ni nggog ngomed nge weliy ngomed.

John 13:19

Gu be yog e re bugithin ney ngomed e chiney u m’on riy ndawori m’ug ni bochan e nge yib i m’ug me mich u wun’med ni Gag E En Ni Gag.

Isaiah 42:9

Pin’en ni kug yi’iynag e ke yib i m’ug e chiney nib riyul’. Chiney e nggu weliy ngomed boch ban’en nib be’ech u m’on ndawori m’ug.”

Isaiah 41:26

I mini’ e aromed ni ka’a yi’iynag nra yodro’ ni arrogon, me yag ni gogned e sorok ngak ni dawor i yodrom? Dariy bigimed nike yog bbugithin ni murung’agen; dariy be’ ni rung’ag ni mogned ta’ab bugithin!

Isaiah 48:3

Be ga’ar SOMOL ngak yu Israel, “Kakrom e u gog ko mang e nge buch; mu gu gagiyegnag nge taw ngay nib tomgin.

Isaiah 45:22

“Gimed e girdi’ nu fayleng ni ga’ngin, mu sulod ngog mu gu ayuwegmed! Ya kemus ni gag e ta’are Got ni bay.