Isaiah 41:20 - Bible Ni Thothup

²⁰ Girdi’ e bay ra guyed miyad nang ni Gag SOMOL e kug yodoromnag. Bay ra nanged ni fare Got nib thothup rok yu Israel e ke yodoromnag.”

Isaiah 41:20 Referans Kwoze

BABYOR NI JOB 12:9

Go’ yad manang ni pa’ SOMOL e sunumiyrad.

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Isaiah 43:21

Yad fapi girdi’ ni gu sunumiyrad ni ngar pired ni girdi’ rog, ma bay ur tanggad ni yad be pining e sorok ngog!”

Exodus 9:16

Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

2 Thessalonika 1:10

ya re Rran ni ba’aram nra yib ni nge yog urngin e girdi’ rok e sorok ngak, me liyor urngin e girdi’ ngak nike michan’rad ngak, e ku errogon gimed ni gimed ra un nga fithik’rad, ni bochan e ke mich u wun’med e thin ni yib rok Got ni kug weliyed ngomed.

Psalms 109:27

Mu gagiyegnag e pi to’ogor rog ngar nanged ni gur e cha’ ni ga be ayuwegneg.

Isaiah 66:18

Gu manang e leam rorad nge ngongolrad. Bay gub nggu kunuy e girdi’ u gubin e nam. Nap’an ni yad ra mokun nga ta’bang ma aram e bay ra guyed e tin nge rin’ gelngig

Numbers 23:23

Dariy ba mmotokan ara bmit e pig, Nra yib angin ko nam nu Israel. Chiney e bayi yog e girdi’ murung’agen yu Israel ni bayi lungurad, ‘Mu sapgad ko tin nike rin’ Got!’

Exodus 6:7

Bay gu taymed ni gimed girdi’eg, mu gu par ni kug mang Got romed. Ma bay mu nanged ni gag SOMOL ni Got romed ko ngiyal’ ni bay gu lufmed ko sib ni um ted u lan yu Egypt.

Isaiah 29:24

Girdi’ ni balyang e bay ra nanged fan ban’en, ma gubin e pi’in gubin ngiyal’ ma yad be gun’gun’ e yad ra felfelan’ ni ngar filed ban’en.”

Isaiah 40:5

Ma aram e bayib i m’ug feni muluplup’ SOMOL, ma urngin e girdi’ nu fayleng ni bayi guy. I SOMOL e ke micheg e pi thin ney.”

Isaiah 43:15

I Gag SOMOL, ni Got romed nib thothup. Israel, i gag e gu sunumiyem, mi gag e pilung rom.”

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

Isaiah 66:14

Nap’an ni gimed ra guy ni arrogon ma gimed ra felfelan’; ma ra sulweg gelngimed mi gimed gol bayay. Ma aram e gimed ra nang ni Gag SOMOL ni gu be ayweg e pi’in be fol rog, ma gu be dag e damumuw rog ngak e pi to’ogor rog.”

Isaiah 28:29

Gubin e pi gonop ney e ma yib rok SOMOL ni Gubin ma Rayag Rok. Tin ni tanomnag Got e go’ bfel’, ma urngin ngiyal’ mma yan i aw ni bfel’.

Isaiah 41:4

I mini’ e ke gagiyegnag ke yodorom? I mini’ e turguy e n’en ni ngi i rin’ e girdi’ nu fayleng ko tabolingin i yib? I Gag SOMOL e ug moy ko tabolngin, mi Gag SOMOL e gu bay ko tungun.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.