Isaiah 41:18 - Bible Ni Thothup

¹⁸ Bay gu gagiyegnag e lul’ nge yib ko yochi burey ndariy ban’en riy, ma ran ko alublub e bay i yan u lan e pi loway. Daken e ted ni desert e bay gu pingeg nge ngal’ ni lipath, mu gu gagiyegnag e but’ nib mlik e yib e ran ni alublub riy.

Isaiah 41:18 Referans Kwoze

Psalms 107:35

I pilyeg e ted ni desert nge ngal’ ni lipath, nge but’ ni mlik nge yib e ran riy.

Isaiah 58:11

Ma gubin ngiyal’ ni bay ug pow’iymed, me felan’med ko pin’en ni bfel’ ni bay gu pi’ ngomed. Mu gu taymed ni gimed ba gel ma dariy e liliy romed. Gimed ra bod ba milay’ ni pire’ e ran riy, ma bod ba alublub nder ma m’ay e ran riy.

Isaiah 30:25

Rofen nem e nap’an yira kol e yungi tagil’ e damit ko pi to’ogor romed mi ni thang e fan rok e girdi’ rorad, ma yoch pa’ i lul’ e ra map e ran riy u daken gubin e burey nge gubin e yochi burey.

Revelation 7:17

ya fare Fak e Saf ni bay u lulukngun i tagil’ e ir e bay i gafaliyrad ni bod e en nma gafaliy e saf, me pow’iyrad ko fapi alublub ni bay e ran ko yafos riy; ma bay n’ag Got e lu’ u owcherad.”

Isaiah 44:3

“Bay gu pi’ e ran ko fare but’ nike balel, mu gu gagiyegnag yu pa’ i lul’ nge yan u daken e but’ nike mlik. Bay gu pu’og e kan nthothup rog nga daken pifakmed, mu gu fal’eg wa’athan e pi’in owchemed.

Revelation 22:1

Miki dag fare engel ngog fare lul’ ni bay e ran ko yafos riy, ni be galgal ram’en ni bod e krystal, ni yib u tagil’ Got nge fare Fak e Saf,

Zekariah 14:8

Rofen nem e ra map’ e ran nma pi’ e yafos u Jerusalem, baley ko pi ran nem e bay i map’ ngalan fare gi day ni Dead Sea, ma baley riy e bay i map’ ngalan e day ni Mediterranean. Bay i map’ e re ran ney ni gubin ngiyal’ u gubin e duw, nnap’an e yal’ nge n’uw.

Joel 3:18

Yungi milay’ ni grapes e bayi peth u daken e pi burey e re ngiyal’ i n’em; ma gubin yang e flang ni bay ni pir’eg e garbaw riy; ma re ngiyal’ i n’em e bay e ran ni pire’ nra gaman yu Judah riy ni polo’. Ra yib ba lul’ u Tempel rok SOMOL, nge taren nag e Loway ni Akacia.

Isaiah 32:2

Ra bagayad ma bayi par ni bod ba manaf ni ngan naf ngay ko nifeng nge yoko’. Yad ra bod e yu pa’ i lul’ ni bay u daken bangi ted nder tugul ban’en riy, ma yad bod e tagalul’ u ba war ni ba ga’ ni ba ga’ ni bay u daken bangi ted.

Isaiah 12:3

Ni bod rogon e ran ni be’ech nma yibnag e felfelan’ ko pi’in ke yim’ ko balel, e aram rogon e girdi’ rok Got nma felfelan’rad ko ngiyal’ nma aywegrad.”

Isaiah 48:21

Nap’an ni pow’iy SOMOL e girdi’ rok u daken e ted nib gowal ma ba fengfeng, ma darm’ad ko balel. I gagiyegnag e ran nge yib u fithik’ e war ni fan ngorad; i say e war nge mab, nge yib e ran riy nga wuru’.

Psalms 105:41

Me bing ba war, me po’ e ran riy nga but’ nge yan u daken e ted ni bod ba lul’.

Psalms 46:4

Bay ba lul’ ni be fek e felfelan’ i yib ko fare binaw rok Got, ko fare naun nib thothup rok fa’anem ni ir e ba Th’abi Tolang.

Psalms 104:10

Ga be gagiyegnag e pi alublub ngi i yan e ran riy u lan e yu pa’ i loway, ma pi lul’ be yan u thilin e pi burey.

Isaiah 33:21

I SOMOL e bayi dag ngodad e fla’ab rok. Bay ud pired u to’oben bogi lul’ nge yu pa’ i lul’ ni ba ga’ radan, ma dariy e barkow ko to’ogor nra yan u langgin.

Isaiah 35:1

Bay i felfelan’ e ted ni desert, ma floras e bay i puf ko yungi binaw ni kan pag.

Isaiah 65:13

Ma ere nggog ngomed ni pi’in ma meybil ngog mma fol rog e ra yo’or garad nge n’en ni ngu’ur garbodgad ngay, machane gimed e bay um m’ad ko bilig nge balel. Bay ur felfelan’gad, machane gimed e bayi m’ay famed.

Judges 15:19

Me bing Got bangi but’ nib aw nga but’ u rom u Lehi, me yib e ran riy. Me unum Samson e ran riy, me fel’ rogon. Min tunguy fithingan e re alublub nem ni Hakkore; re alublub nem e kabay u rom u Lehi.

Psalms 126:4

SOMOL, mu fal’eg rogmad bayay, nri bod e n’uw ni fulweg e ran ngalan e pi lul’ nike mlik’.