Isaiah 41:15 - Bible Ni Thothup

¹⁵ Bay gu ngongliyem ngam bod bangi plang ni yima gunugunuy e wheat ngay, ni bang nib be’ech ma bay e richib riy nib m’uth. Bay mu chubu’uy ma ga kirebnag e pi burey ngay; pi burey e bayi puth nge ngal’ ni fiyath.

Isaiah 41:15 Referans Kwoze

Mikah 4:13

Be ga’ar SOMOL, “Mmarod piyu Jerusalem, ngam gechig niged e pi to’ogor romed! Bay gu gel nagmed ni bod ba garbaw ni pumo’on ni bay e gagey rok ni wasey ma rifrif u ay e wasey ni bronze. Pire’ e nam ni bay mu bilged u but’, ma pi fel’ rogon rorad nra feked u fithik’ e yargal e bay mu pi’ed ngog, I Gag Somol ko fayleng ni polo’.”

Zekariah 4:7

Tin be magawon nigem nib ga’ ko pi burey e bayi ling u p’eowchem. Bay mu toy bayay fare Tempel, ma nap’an e ga ra ayliy e bin tomur e malang nga gil’, ma bay i tolul e girdi ni yad be ga’ar, ‘Rib fel’usun, rib fel’usun!’”

Habakkuk 3:12

Ma ga yan u fayleng ni kam damumuw; ma ga yot’yot’ e pi nam nga but’ u fithik’ e damumuw rom nib gel.

Isaiah 21:10

Girdi’ rog nu Israel, ka ni pirdi’iymed ni bod e wheat, machane chiney e nggu weliy ngomed ba sabethin ni bfel’ ni ku gu rung’ag rok SOMOL ni Gubin ma Rayag Rok ni Got nu Israel.

Isaiah 28:27

Dar ma fanay yulay i gul nib tomal ni nge pirdi’iy awochngin e dill ara cumin ngay; ke mang yoch ley i gek’iy ni achichig ni bfel’ ga’ngin e be fanay.

Psalms 18:42

Kug parsiyrad, kar ngal’gad ni ab nra thoyrad e nifeng miyad chuw. Gu be yot’yot’rad ni bod e bar u lan yupa’ i kanawo’.

Isaiah 17:13

Fapi nam e kar gurgad i yib ni bod payngin e n’ew, machane Got e puwan’ ngorad miyad sul nga tomur, rchuwgad ni bod e fiyath ni un ko nifeng u barba’ e burey ara pan ni mlik’ u fithik’ e nanyor.

Isaiah 29:5

Jerusalem, gubin e girdi’ nu bang ni yad be cham ngom e bay ra’ uned ko nifeng ni bod e fiyath, ma yu raba’ i salthaw rorad nib kandaguwen e bay ra changaggad ni bod e chabung. Nib tomgin ni yad ra gin ngay

Isaiah 42:15

Bay gu kirebnag e yochi burey nge pi burey, mu gu mororoynag e pan nge gek’iy riy. Bay gu gagiyegnag e pi loway ni bay e lul’ riy nge ngal’ ni yungi ted ni desert, mu gu gagiyegnag e pi lipath nge par nike mlik’.

Isaiah 64:1

Mang ndab mu bing lanelang nga mub nga but’ me guyem e pi burey ngar t’on gad ko marus?

Jeremiah 9:10

Me gag Jeremiah e gu be ga’ar, “Bayi gafgowan’ug ko fapi burey, mu gu yornag e yungi tagil’ e abich ko gamanman; ya ke yim’ e pan riy, dakuriy be’ ni be milekag riy. Dakunir rung’ag laman e garbaw riy; arche’ nge gamanman ni malboch e kar milgad kar chuwgad riy.”

Jeremiah 51:20

Be ga’ar SOMOL, “Gimed yu Babylon, e gimed e ama ni fanag, ni talin e cham rog ko mael. Gu ma maruwel ngomed nggu pirdi’iy e pi nam nge pi gil’ilungun e pi pilung,

Jeremiah 51:33

Dabki n’uw nap’an ma pi to’ogor e bayi th’abmed nga but’ nge yot’yot’med ni bod e grain u daken e gin yima pirdi’iy riy. I Gag fare SOMOL ni Gubin ma Rayag Rok, ni fare Got nu Israel, e kugog e pi thin ney.”

Ezekiel 33:28

Bay gu gagiyegnag e re nam ney nge par ni ba nam ni kann’ag, ma gelngin e nam rorad nri yad ba uf ngay e bayi m’ay. Pi burey nu Israel e bayi mak’ gerger ndariy be’ ni ku rayag ni nge milekag riy.

Daniel 2:35

Ka chingiyal’nem me muchubu’ fapi wasey, nge fapi but’, nge fapi wasey ni bronze, nge fapi silber, nge fapi gol nge yan i par ni bod e fiyath u daken bangi n’en ni yima gunugunuy wom’ngin e grain riy ko ngal’an e gowel. Me yib i aw e nifeng ngay nge changegnag ni gubin, nde pag buchu’uw i chabungen. Machane me ga’ fare malang nge yan i par nike ngal’ nib burey nike upunguy e fayleng ni ga’ngin.

Mikah 5:8

Ma ku yad ra bod ba layon ni be gay e ggan ni nge kay u fithik’ e gerger ara gin bay e pan riy nma kay e gamanman. Bay i yan nga fithik’ e saf ngi i og ngorad nge popofrad, ma dariy be’ nra ayuwegrad rok.

Joshua 17:18

Gin’en ni go’ burey e bayi par romed. Yug aram rogon nib upong ko gek’iy, ma bay mu tamilang niged mi gimed tafna’ u baley nge mada’ nga baley. Ma piyu Kanaan e bay mu tulufedrad ngar chuwgad u rom, ni yug aram rogon ni bay e pi chariot ni wasey rorad ma yad bogi girdi’ ni yad ba gel.”

Judges 6:16

Me filuweg SOMOL, “Rayag rom ya gu ra ayuwegnem. Bay mu pirdi’iy yu Midian nrib mom ni gowa ta’abe’ e kamcham ngak!”

BABYOR NI JOB 41:30

Ma oloyen yin e bod yungi th’ib ni but’ nike pil nib m’uth; ra yan ma be ker e bar.