Isaiah 41:11 - Bible Ni Thothup

¹¹ “Pi’in yad be damumuw ngom e bayi m’ayfarad miyad par ni ka ra tamra’gad. Pi’in yad ra cham ngom e yad ra yim’.

Isaiah 41:11 Referans Kwoze

Exodus 23:22

Machane fa’an gimed ra fal’eg e motoyil ngak mi gimed rin’ urngin ban’en ni kugog ni ngan rin’, ma aram e gu ra cham ngak urngin e to’ogor romed.

Isaiah 45:24

“Bay rogned ni kemus nu dakenag e rayag ni nga ni mat’aw riy me yib gelngiy riy; machane urngin e girdi’ ni yad ra fanenikayeg e yad ra gafgow ko tamra’.

Revelation 3:9

Mmotoyil! Fare ulung i girdi’ nib mil farad ku Satan, ni fapi cha’ ni yad be lifith l’ugunrad ma yad be yog ni yad piyu Israel machane gathi aram rogon e bay gu gagiyeg nagrad ngarbad ra parawgad nga but’ ngar siro’gad ko rifrif u em. Ma yad gubin ni bay ra nanged ni gab t’uf rog.

Acts 16:39

Ma aram marbad ra weniggad ngorow; miyad fekrow nga wuru’ e kalbus miyad wenig ngorow ni ngranow ngar chuwgow u lan e re binaw nem.

Isaiah 54:17

Machane dariy ba talin e cham nrayag ni nge maad’ad ngom; bay u fulweg rom ngak urngin e pi’in yad ra yog ni gab kireb. Bay gu ayuweg e pi tapigpig rog, mu gu gagiyeg nagrad ngar gelgad.” I SOMOL e keyog e pi thin ney.

Daniel 4:35

Ra ni paluwnag e girdi’ nu fayleng ngak mra yan i par e girdi’ nu fayleng nib m’ayfarad; i ir e be gagiyegnag e pi engel nu tharmiy nge girdi’ nu fayleng. Dariy be’ nrayag rok ni nge togopluw ko tin ke duwgiliy u wan’, ara fith ngak e n’en nma rin’.

Exodus 11:8

Me ul’ul Moses ngay nge ga’ar, “Ma urngin e pi tolang rom e bay rabad ra siro’gad ngog, miyad wenig ngog ni nggu fek gubin e girdi’ rog ngu wan. Ma aram e bay gu wan.” Me chuw Moses rok Farao nge yan ni kari damumuw.

Zekariah 12:3

Machane ra taw ko rofen nem, ma bay gu tay yu Jerusalem ni bod bmalang nib tomal, nra nam nra guy rogon ni nge chibiy ngalang e ra maad’ad. Gubin e nam nu fayleng e bay i ta’reb lungrad ni ngar cham gad ngay.

Isaiah 49:26

Bay gu gagiyegnag e pi’in yad be gafgow nigem nge mang yad e ur li’ed yad; gelngin e mathang pogofan nge damumuw ni bayib ngorad e bay ra balyanggad ngay ni gowa karm’ad ko rrum. Ma aram e gubin e girdi’ e bay ra nanged ni Gag e SOMOL, ni gag e gu chuwegmed u pa’ e to’ogor romed. Bay ra nanged ni gag fare Got nu Israel nib gel gelngig.”

Isaiah 41:29

Urngin e pi got nem e dariy farad; dariy ban’en nrayag ni ngar rin’ed, pi liyos rorad e yad bme’waer ma dariy gelngirad!”

Isaiah 29:8

Urngin e nam ni ka ra mokungad ni ngar chamgad nga Jerusalem e ri bod be’ nike yim’ ko mak’iy me lik’aynag ni be abich me od ni kari yim’ ni mak’iy, fa be’ nike yim’ ko balel me lik’aynag ni be unum e ran me od nib mlik lan ka’ngan.

Isaiah 41:24

Gimed nge urngin e tin gimed be rin’ e mm’ay fan; pi’in yad ma meybil ngomed e ri yad ba sonsonogor!

Isaiah 40:17

Pi nam e dabi aw angirad ngak.

Isaiah 17:13

Fapi nam e kar gurgad i yib ni bod payngin e n’ew, machane Got e puwan’ ngorad miyad sul nga tomur, rchuwgad ni bod e fiyath ni un ko nifeng u barba’ e burey ara pan ni mlik’ u fithik’ e nanyor.

Isaiah 29:5

Jerusalem, gubin e girdi’ nu bang ni yad be cham ngom e bay ra’ uned ko nifeng ni bod e fiyath, ma yu raba’ i salthaw rorad nib kandaguwen e bay ra changaggad ni bod e chabung. Nib tomgin ni yad ra gin ngay

Isaiah 29:7

ma urngin e yu raba’ i salthaw ko pi nam ni yad be cham ko fare binaw ni altar rok Got e gubin e talin e cham rorad nge talin e maruwel ni bayi m’ay ngabang ni bod ba lik’ay, bod ban’en ni yib nga lanin’uy ni nep’.

Isaiah 34:12

Dariy reb e pilung ni bayki gagiyegnag fare binaw, ma pi tayugang’ riy e dakriy bagyad ni kabay.

Isaiah 40:2

Mu pi’ed e athamgil nga laniyan’ e girdi’ nu Jerusalem. Mogned ngorad nike gaman n’umngin nap’an ni kar gafgowgad, ma chiney e ken’ag Got fan e denen rorad. Kug gechig nagrad ke yan i mus nga rogon ni bochan urngin e denen rorad.”

Isaiah 54:15

Ra cham be’ ngom ma gathigag e gu pi’ nge yib; ma en nra cham ngom e yira thirif u but’!

Jeremiah 2:3

Israel, kemus ni gag e mmil suwom ngog, I gur e ga ba thothup nib milfam ngog. Gu pi e gafgow nge riya’, nga daken gubin e pi’in u ra gafgow niged gur. I Gag SOMOL e kugog e pi thin ney.”

Exodus 12:29

Me lukngun e nep’ me thang SOMOL e pogofan rok urngin e tin nganni’ i fakey ni pumo’on u Egypt, ni mus rok e bin nganni’ e pagel ni fak Farao ni ir e ra yan nga luwan Farao nge mada’ ko bin nganni’ e pagel ni fak ba kalbus ni bay u kalbus; ma ku er rogon ni urngin e tin som’on u pifak e gamanman nli’rad.

Isaiah 49:25

SOMOL e fulweg ni ga’ar, “Ri aram rogon ni bay nrin’. Pi kalbus ni bay u pa’ e pi salthaw e bay nchuweg u pa’rad, ma pin’en ni fek fa’anem nib yargel u fithik’ e mael e bay ni chuweg u pa’. Bay gu cham ngak e en nra cham ngom, ma bay gu chuweg pifakam u pa’ e to’ogor rorad.

Jeremiah 12:17

Machane fa’anra reb e nam ni dabi fol, ma aram e ri bay gu pug lik’ngin nggu kirebnag. I Gag SOMOL e gu be non.”