Isaiah 40:7 - Bible Ni Thothup

⁷ Pan e ma mororoy, ma floras e ma kireb ra’en ko ngiyal’ nra pi’ SOMOL e nifeng nge yib ngay. Ma girdi’ e ta’reb rogorad ko pan!

Isaiah 40:7 Referans Kwoze

BABYOR NI JOB 41:21

Pogofan rok e rayag ni nge afweg e nifiy; ma be thay e daramram u lan l’ugun.

James 1:10

ma en ni walagdad ni girdi’en Kristus ni be’ ni pire’ ban’en rok e thingari felan’, ya ke sobut’nag Got laniyan’. Ya cha’ ni pire’ ban’en rok e bay yim’ nge yan ni bod ba floras ni puf u ba ke floras ni bay u fithik’ e pan.

James 1:11

Ma fa’ani tolang e yal’ me yib gowelngin nib gel me mororey fare ke floras; me mul e floras riy, ma ya’an ni immoy ni bfel’ e ke kireb. Ere ku ireray rogon e cha’ ni pire’ ban’en rok ni bayi yim’ ko ngiyal’ ni ka be muruwliy e tirok’ riy.

BABYOR NI JOB 4:9

Ke kireb nagrad Got u fithik’ e damumuw rok ni bod ba yoko’.

BABYOR NI JOB 14:2

Gadad ma ilal ngad mororaygad ni bod feni pay nma mororay e flores; gadad ma ling ni bod e taglul’.

Psalms 90:5

Gur e ga ma chuwegmad ni bod e ran ni sugbur; dabi n’uw nap’anmad ni bod ba lik’ay. Gamad bod e pan ni tugul ni kadbul,

Psalms 90:6

nge ga’ kaen nge puf e floras riy, me blayal’ me m’ingkowon nge mororay.

Psalms 102:4

Kug parde’ nga but’ ni bod e pan nike mroroy; kug fangan’ ko ggan.

Psalms 103:16

Me yib e nifeng i luf nga but’ ma aram e dab ku ni guy.

Isaiah 11:4

ra pithig e oloboch rok e pi’in gafgow nrogon nib mat’aw me n’ufeg mat’wun e pi’in dariy ban’en nrayag rorad. Yug ra pag lungun min gechignag e pi nam, me yim’ e pi’in kireb.

Isaiah 37:27

Girdi’ ni i par u rom e dariy gelingrad; ni u ra pired nike balyangan’rad ko marus. Yad bod e pan nike tugul u daken bang i flang ara garger nike tugul u daken e chigiy ko ngiyal’ nike yib nifengin e ngek nib gawel.

Isaiah 40:24

Yad bod e woldug ni kafini tugul, kafini thay lik’ngin. Ma nap’an ni pi’ SOMOL e nifeng nge yib, me mororay me changegnag e nifeng ni bod ba ke pan nike mlik’.

Isaiah 51:12

I SOMOL e be ga’ar, “I gag e cha’ ni gu pi’ gelingmed. Ere mangfan ni gimed be rus ko girdi’, ni bod e pan ni dar ma n’uw nap’an.

Haggai 1:9

“Um fineyed ni bay mu t’ired wom’ngin e woldug nib yo’or, machane me yan i aw nri buchu’uw. Ma nap’an e mu feked fapi wom’ngin e woldug nga tabnaw, mug kirebnag. Mangfan e binem ni gu rin’? Bochan fare Tempel rog ni be par nib puth u but’ mra bugmed ma ke thay parwon i muruwliy e naun rok.

Psalms 103:15

Gadad e girdi’ nge n’umngin nap’an e yafos rodad e bod e pan, gadad ma ilal nge yan i mus nga fel’ngidad ni bod ba floras u fithik’ e pan.