Isaiah 40:28 - Bible Ni Thothup

²⁸ Da mu nang? Dawor mu rung’ag? I SOMOL e ir fare Got ni bay i par ndariy n’umngin nap’an; ir e sunumiy e fayleng ni ga’ngin. Dar ma yib e magaer ngak ma dar m’ay gelngin. Dariy be’ ni manang e leam rok.

Isaiah 40:28 Referans Kwoze

Psalms 147:5

Somol rodad e ba gel gelngin ma ba sorok; ma gonop rok e dabiyag i foleg.

Filippi 1:6

Ere bmuduwgil u wun’ug ni Got ni ir e tabab i ngongliy e re maruwel ney ni bfel’ u fithik’ i lanin’med e bayi muruwliy i yan nge yan i mada’ ko Rofen ni nge mus riy, ni aram e Rofen ni nge sul Jesus riy.

1 Timothy 1:17

Fare Pilung ni bay i par ndariy n’umngin nap’an, ma dabi yim’ bi’id ma dab ni guy nga owchey, ma kemus ni ir e ta’are Got ni bay, e ir e ngi i liyor e girdi’ ngak me ir e nganog e sorok ngak ndariy n’umngin nap’an! Amen.

Isaiah 40:21

Mogned, dawor mu nanged? Dawor mu rung’aged? Dawor nog ngomed kakrom? Dawor mu rung’aged rogon e fayleng ni sum?

1 Korinth 2:16

Ni bod rogon ni be yog e babyor nib thothup ni be ga’ar: “I mini’ e manang e leam rok Somol? Me mini’ e rayag rok ni nge fonownag?” Machane gadad e laniyan’ Kristus e bay rodad.

John 14:9

Me fulweg Jesus ni ga’ar, “Filip, ke n’uw nap’an ni kug par romed ni gimed gubin; ere ka dawor mu nangeg? Cha’ nike guyeg e ke guy e en ni Chitamangiy. Ere mang ni be lungum, ‘Mu dag ngomad e en ni Chitamangiy’?

Genesis 21:33

Me yung Abraham ba ke gek’iy ni tamarisk u lan yu Beersheba, ni aram e gin’en ni i meybil ngak SOMOL riy, ni fare Got ni manemus.

Hebrews 9:14

Ere fa’anra ireray rogon nib riyul’ e re bugithin ney, me ere ka ba ga’ e tin ni ngongliy racha’en Kristus! Ya fare Kan Nthothup ni bay i par ndariy n’umngin nap’an e ayuweg nge pi’ ir ni maligach ni bfel’ ngak Got. Racha’en e ir e ra be’echnag lanin’dad ko ngongol ndariyfan, nge yag nda pigpiggad ngak fare Got ni be par nib fos.

Luke 24:25

Ma aram me ga’ar Jesus ngorow, “Ri gimew bbalyang, ri gimew ba sowath ni nge mich u wun’mew urngin e tin ke mu’ i yog rok e pi profet!

1 Korinth 6:19

Mogned, da mu nanged ni dowmed e Tempel ko fare Kan Nthothup, ni ir e be par u fithik’ i dowmed, ni fare Kan Nthothup ni Got e ke pi’ ngomed? Ere gathi gimed e mmil famed ngomed, ya Got e mmil famed ngak;

1 Korinth 6:9

Ri gimed manang ni pi’in nib kireb e dabiyag ni ngar manged girdi’en e gin nsuwon Got. Dab mu ban niged gimed: ya girdi’ nma ngongliy e ngongol ko darngal, ara yad ma tayfan ma yad ma meybil ko liyos nma meybil boch e girdi’ ngay, ara yad ma par e pi’in gathi mabgol rorad, ara yad e pumo’on nma darngalnag e pumo’on,

Jeremiah 4:22

I SOMOL e ga’ar, “Girdi’ rog e yad ba ppinat; dar nanged gag. Yad bod e bitir nib balyang; ni de tamilang lanyan’rad. Yad ba salap i ngongliy e n’en nib kireb, machane dar nanged i ngongliy e n’en nib manigil.”

Psalms 90:2

U m’on ndawor mu sunumeg e yochi burey, u m’on ndawor mu sunumeg e fayleng, ni gur ba Got ni urun, ma gur e Got ni dariy n’umngin nap’an.

Isaiah 45:22

“Gimed e girdi’ nu fayleng ni ga’ngin, mu sulod ngog mu gu ayuwegmed! Ya kemus ni gag e ta’are Got ni bay.

Psalms 139:6

Rogon nib tamilangan’um rog e dabiyag ni nge taw lanin’ug ngay; kayigi to’ar u puluwog ndabiyag ni nge tamilangan’ug riy.

Acts 13:47

Ya ba’aray e thin ni pi’ Somol ngodad ni fa’ani ga’ar: ‘Kug tiyem ni ngam mang tamilang ngak e pi’in gathi yad piyu Israel, me gur e ngam mang kanawo’ ni ngan thap riy ngak Got ni fan ngak urngin e girdi’ nu fayleng.’ ”

John 5:17

Ma aram me fulweg Jesus ngorad ni ga’ar, “Chitamag e gubin ngiyal’ ni be maruwel, ere ku er rogog nthingar gu maruwel.”

Mark 16:14

Me tomur riy me m’ug Jesus ngak fa ragag nge ta’reb i gachalpen ko ngiyal’ ni yad be abich; me puwan’ ngorad ni bochan e de pagan’rad ko thin ni yog, nge bochan e kayigi gel e gelan’ rorad nde riyul’ u wun’rad e tin ni yog e pi’in nra guyed Jesus nike fos.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Psalms 138:8

Bay mu rin’ urngin e tin kam micheg; SOMOL, tuf’eg rom e ba manemus. Mmu’nag e maruwel ni kam tababnag.

Isaiah 59:1

Dab mu leamnag ni SOMOL e kaygi me’waer ni nge aywegnem fa kari bling ni nde rung’ag lamam ni ga be ning e ayuw!

Deuteronomy 33:27

Ka faram i yib ni be par Got ni ir e yoror romed, pa’ nma par ni manemus e be ayuwegmed ngay. I tuluf e pi to’ogor romed ma gimed be yan nga m’on, me yog ngomed ni ngam thanged e fan rorad ni yad gubin.

1 Korinth 6:16

Sana da mu nanged ni cha’ nra pi’ e dowef rok ngak be’ ni bpin nma pi’ ir nchuway’ e aram e kar ta’ab dowef fare pin? Ya babyor nib thothup e be yog nib tamilang ni be ga’ar, “Fa gali cha’ e bay ra pirew ni kar ta’ab dowef.”

Mark 9:19

Me fulweg Jesus ngorad ni ga’ar, “Ri der mich Got u wun’med! Uw n’umngin nap’an nthingar gu par romed? Uw n’umngin nap’an ni nggu k’adan’ug romed? Mfeked fachi pagel i yib ngog!”

Roma 16:26

Machane chiney e kan dag e tin riyul’ u daken e tin ni yoloy e pi profet; mi Got ni bay i par ndariy n’umngin nap’an e ir e yog ni ngan wereg e re thin nem ngak urngin e nam, ni fan e nge urngin e girdi’ me mich u wun’rad e re thin nem ngar folgad riy.

1 Samuel 2:10

Pi to’ogor rok SOMOL e bay ni thirifrad u but’; bayi par u tharmiy nge non ngorad ni gowa dirra’. I SOMOL e bayi pufthinnag e fayleng ni ga’ngin; bayi pi’ gelngin fare pilung ni ir e turguy, bayi gagiyegnag fare pilung ni mel’eg ngi i gel.”

Jeremiah 10:10

Machane gur SOMOL, e gur e bin rriyul’ e Got, ni gur fare Got nib fos ni pilung ni manechibog ko pi chibog. Gur e nap’an ni ga ra damumuw, me rur e fayleng; ni dabiyag ni nge lubeg e pi nam e damumuw rom. (

Isaiah 66:9

Dab mu leamnag ni bay gu fek e girdi’ rog i yib nge taw ko ngil’an e gargel ma dab gu pag ngan gargelegrad.” I SOMOL e be non.

Psalms 145:3

I SOMOL e ba sorok, ma ri lr e thingar ni pining e sorok ngak; rogon feni sorok e dabi taw e leam ngay.

Isaiah 37:26

“Amog, dawor mu rung’ag ni gag e gu tanomnag gubin e pin’ey ni kab kakrom? Ma gag e gu gagiyegnag ni nge yodro’ e chiney. I gag e gu pi’ gelngim ni ngam gathay e pi binaw ni kan yororiy ni fan ko mael.

Isaiah 42:4

Dabi mulan’ ma dabi pag ir, ma tin nib yal’uw e bayi tay nga fayleng. Pi nam nib mal’af e ri yad be sonnag e machib rok.”

BABYOR NI JOB 38:18

Ga manang feni ga’ e re fayleng ney? Mu fulweg lungug ni fa’anra ga manang.

Jeremiah 32:17

“SOMOL, Ntha’bi Tolang, I gur e mu sunmiy e fayleng nge lanelang nga gelngim nib gel; ya dariy ban’en nib mom’aw ngom.