Isaiah 40:2 - Bible Ni Thothup

² Mu pi’ed e athamgil nga laniyan’ e girdi’ nu Jerusalem. Mogned ngorad nike gaman n’umngin nap’an ni kar gafgowgad, ma chiney e ken’ag Got fan e denen rorad. Kug gechig nagrad ke yan i mus nga rogon ni bochan urngin e denen rorad.”

Isaiah 40:2 Referans Kwoze

Zekariah 9:12

Mu sulod, e pi kalbus u wuru’ e nam ya chiney e ke yib e l’agan’ romed; mu sulod ko nam romed ndabki buch ban’en romed. Chiney e gu be yog ngomed ni bay gu fulweg ngomed e pi fel’ wa’athan ni l’agruw yay nib yo’or ko pi gafgow ni ku’um ted.

Isaiah 61:7

Tamra’ ni um ted nge moning ni un tay ngomed e bayi m’ay. Bay um pired ko nam romed, ma pi machaf romed e bayi mun daken; ma felfelan’ romed e bay i par ndariy n’umngin nap’an.

Hosea 2:14

Ere nggu fek bayay nga daken e ted nder tugul ban’en riy; mu rom e bay gu weliy lanin’ug ngak riy nrib t’uf rog ma aram me sul ngog.

Revelation 18:6

Mu rin’ed ngak ni bod nike rin’ ngomed, mu gechigniged ni l’agruw yay u gelngin e n’en ke rin’ ngomed. Mu suguyed e kap rok ko n’en ni yima unum nl’agruw yay ni kab gel ko n’en nike ngongliy rogon ni ngam unumed.

Jeremiah 16:18

Bay gu ruw yay nag taban e denen rorad ni nge aw ngorad nge farad kireb, ni bochan e ka ra ta’ay niged e nam rog ko pi liyos ni dariy e yafos riy ni bod e yam’, ni ka ra sugyed ko pi got rorad ni go’ bogi ban’en.”

Isaiah 44:22

Kug chuweg e denen rom ni bod bangi manileng. Mu sul ngog; ya gag e kug biyuliyem.”

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Habakkuk 2:3

Mu yoloy, ya dawori taw nga nap’an ni nge yib i m’ug. Machane ngal’an e be yib nib machreg, ma n’en kugog ngom e bay yib i m’ug. Bay mu leamnag nib sowath ni be yib, machane ngam sonnag; ya ra yib i m’ug ko ngiyal’ ni kug turguy, ma dabi sowath.

Jeremiah 29:11

Yi go’ gag e gumnang e tin ku gu tanomnag ni fan ngomed, tanom ni nggu man’og nagmed ma gathi nggu gafgow nagmed, pi tanom nem e nge yag ngomed e tin u mu nameged.

Isaiah 35:4

Nganog ko pi’in ke mulan’rad ni ngan ga’ar, “Mu pired ni gimed ba gel ma dab mu rusgad! Got e bayib i ayuwegmed, me gechignag e pi to’ogor romed.”

Acts 1:7

Me ga’ar Jesus ngorad, “Ngal’an nge pi rran e ke duwgiliy e Chitamag u daken mat’wun, ma dariy rogon ni ngam nanged.

Daniel 11:35

Ma boch fapi tayugang’ ni yad ba llowan’ e bay nthang e pogofan rorad. Machane girdi’ e bay ra machalboggad ni bochan e ran’ey. Arrogon ni bay i par i yan ngaram nge mada’ ko tomur, ni aram e ngiyal’ nike duwgiliy Got.

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

Galatia 4:4

Machane fa’ani taw nga nap’an e ngiyal’ ni duwgiliy Got, me pi’ Got Fak nge yib. Me yib ni ba girdi’ e chitiningin, mi i par u tan fare Motochiyel rok piyu Israel,

Isaiah 49:25

SOMOL e fulweg ni ga’ar, “Ri aram rogon ni bay nrin’. Pi kalbus ni bay u pa’ e pi salthaw e bay nchuweg u pa’rad, ma pin’en ni fek fa’anem nib yargel u fithik’ e mael e bay ni chuweg u pa’. Bay gu cham ngak e en nra cham ngom, ma bay gu chuweg pifakam u pa’ e to’ogor rorad.

Isaiah 33:24

Dariy be’ ni be par u lan e nam rodad ni bayki yog nib m’ar, ma denen e kem’ay i n’ag fan ni urngin.

Psalms 32:1

Ba felan’ e cha’ nike n’ag Got fan e denen rok, ni kireb rok e ke thang Got.

Zekariah 1:15

ma kar gu damumuw ngak e pi nam ni kar felan’gad u fithik’ e mocha’ nge gapas. De n’uw nap’an nug kadan’ug ko girdi’ rog, ma fapi nam e ra gel niged e gafgow ngak e girdi’ rog nge pag rogon.

Daniel 12:9

Me fuluweg ni ga’ar, “Daniel, ngamman, ya pi thin ney e ngan tay nib mith me par nib mith nge taw ko tungun.

Daniel 12:4

Me ga’ar ngog, “Daniel, chiney e ngam uchumiy fare ke babyor ma ga pag e hang ngay nge par nge yan i mada’ nga tomuren e fayleng. Ma bo’or e girdi’ ni bay ur milgad iyan nge sul, ma bay i ga’ e llowan’ i yan.”

Daniel 9:12

Kam rin’ e tin mog ni bay mu rin’ ngomad nge ngak e pi’in ni ur gagiyeg niged gamad. Kab gel e gechig ni kam pi’ ngak yu Jerusalem ko gechig ni kam pi’ ngak yugu reb e binaw u roy u fayleng.

Daniel 9:2

Bin som’on e duw ni mang pilung, e gag Daniel e ug be’eg fapi babyor nib thothup ngu’ug leamnag fa medlip i ragag e duw ni bayi par yu Jerusalem nike mogothgoth, ni bod rogon ni weliy SOMOL ngak Jeremiah ni profet.

Jeremiah 17:18

Mu tamra’nag e pi’in yad be gafgow nageg, ma ga faleg riy nga bang, SOMOL. Mu suguyrad ko marus, machane dab mu k’ar marus ngog. Mu girengiy e riya’ nga puluwrad nga mu tet’arad ngar yoch yang gad.

2 Kronicles 30:22

Me pining Hezekiah e sorok ngak epi Levite nga ferad salap i gagiyegnag rogon fare liyor ngak SOMOL. Nap’an ni m’ay fa medlip i rran ni ur pi’ed e maligach riy ni yibe pining e sorok ngak SOMOL ni Got rok e pi chitamngirad,

Genesis 34:3

Me pir’eg rok ni ba’adag Dinah ma ke t’uf rok me guy rogon ni ngki magan’ Dinah ngak.

Isaiah 6:7

Me yib i matheg fa gi kol ni be yik’ nga dap’il’ugunag me ga’ar, “Re gin’ey e ke math nga dap’il’ugunam, ere chiney e ke chuw e kireb rom, ma denen rom e kann’ag fan.”

Isaiah 14:3

I SOMOL e bayi pithig yu Israel ko amith nge gafgow nge maruwel nib gel ni un motogel ngorad ni ngar rin’ed.

Isaiah 53:5

Machane ni maad’ad ngak ni bochan e denen rodad, mi ni pirdi’iy ni bochan e kireb ni kad ngongliyed. Gechig ni gafgow riy e ke palo’ nagdad, dumow ni aw ngak e ke gol nag dad.

Isaiah 53:6

Gadad gubin ni gadad bod e saf ni yan ngabang, ra bagadad me yan ko gin be leamnag. Me gagiyegnag SOMOL e gechig nge aw ngak, ni fare gechig ni gadad gubin ni bay tapgin ni nge aw ngodad.

Isaiah 54:15

Ra cham be’ ngom ma gathigag e gu pi’ nge yib; ma en nra cham ngom e yira thirif u but’!

Isaiah 54:17

Machane dariy ba talin e cham nrayag ni nge maad’ad ngom; bay u fulweg rom ngak urngin e pi’in yad ra yog ni gab kireb. Bay gu ayuweg e pi tapigpig rog, mu gu gagiyeg nagrad ngar gelgad.” I SOMOL e keyog e pi thin ney.

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

Isaiah 66:13

Bay gu fel’eg lanin’med u lan yu Jerusalem, ni bod e matin ni be fel’eg laniyan’ fak.

Jeremiah 51:10

Be ga’ar SOMOL, “Girdi’ rog mu tolulgad ni nge lungmed, ‘I SOMOL e ke gagyelnag ni gadad bmat’aw. Darod nga doged ko girdi’ nu lan yu Jerusalem e n’en nike rin’ SOMOL ni Got rodad.’”

Lamentations 4:22

Zion e ke pi’ puluwon e denen rok; i SOMOL e dabki ta’mad ni kalbus u milekag nib n’uw nap’an. Machane gur Edom, e bayi gechig nigem SOMOL; nge pug ngalang ngonglem ni kireb.

Ezekiel 16:42

Ma aram e bay i m’ay e damumuw rog, mug gapas. Bay dab kug damumuw ara gu talyeg bi’id.

Zekariah 1:13

Me fulweg SOMOL lungun fare engel ko thin nib manigil,

Psalms 85:3

Ka mu tal ko damumuw ngorad; ni kar mu kadan’um u gelngin e damumuw rom.

Eklesiastes 3:4

Ma turguy ngal’an ni nge kireban’uy nge ngal’an ni nge felan’uy; nge ngal’an e dolol’oy nge ngal’an e churu’;

Isaiah 27:9

Kemus ni ta’reb e kanawo’ nrayag ni ngan n’agfan e kireb nge denen rok yu Israel riy: Thingar ra buthuged e pi altar ni malang rok yug boch e kan ngar bilbilged nge yochyang ni bod e chalk, nge dabki par reb e altar ko incense ara reb e pow rok Asherah ni fare got ni bpin.

Isaiah 51:17

Jerusalem, mu od! Mu sak’iy! Ka mu unum fare kap ko gechig ni fithik’ e damumuw rok SOMOL e ke pi’ riy ngom ni ngam unum; kam unum kem’ay, ga be thigthig.

Hosea 2:16

Ma aram e bayi piningeg ni gag figirngin, ma dabki piningeg ni gag e Baal.

Zefaniah 3:15

I SOMOL e ke taleg e gechig romed; ir e ke chuweg e pi to’ogor romed ni gubin. I SOMOL, ni fare pilung nu Israel e be par romed; ere dakuriy tapgin ni ngam rusgad e chiney.