Isaiah 40:13 - Bible Ni Thothup

¹³ Rayag rok be’ ni nge yog ngak SOMOL e n’en ni nge rin’? Mini’ e rayag rok ni nge fil ban’en ngak ara fonownag?

Isaiah 40:13 Referans Kwoze

1 Korinth 2:16

Ni bod rogon ni be yog e babyor nib thothup ni be ga’ar: “I mini’ e manang e leam rok Somol? Me mini’ e rayag rok ni nge fonownag?” Machane gadad e laniyan’ Kristus e bay rodad.

Roma 11:34

Ni bod ni be yog e babyor nib thothup ni be ga’ar: “Mini’ e manang laniyan’ Somol? Mini’ e rayag rok ni nge fonownag?

BABYOR NI JOB 21:22

Rayag ni nge fil be’ ban’en ngak Got, ni ir e ma pufthin ni mus ngak e pi’in nib tolang e liw rorad?

Luke 10:22

“Chitamag e ke pi’ urngin ban’en ngog. Dariy be’ ni manang ko mini’ e en ni Fak, ya kemus ni en ni Chitamangiy e manang, ma dariy be’ ni manang ko mini’ e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.”

Efesus 1:11

Ya urngin ban’en ma kan rin’ nrogon ni kem’ay i leamnag rok Got ke tay nge rogon ni turguy; mi Got e ir e turguy ni ngad manged girdi’en ko ta’ab girdi’ ni ngad ted Kristus ni fan ko tin ke leamnag, ni tin be finey ni kem’ay i duwgiliy rok aram ko tabolngin.

John 1:13

Dar manged pifak Got ni bod rogon nra sumgad ko girdi’, nni gargelegrad nib girdi’ e chitamangirad; machane Got e ir e en ni Chitamangirad.

Genesis 1:2

ma fayleng e dawori sum ma dariy ya’an. Ma day ni bay u gubin yang e ba upong ko rumug, ma Kan Nthothup rok Got e ke gapopow nga daken e day.

Isaiah 41:28

Nap’an e gu changar nga fithik’ e pi got, ma dariy bagayad ni bay bbugithin ni nge yog; dariy ta’a bagayad ni yag rok ni nge fulweg e n’en ni gu fith.

Jeremiah 23:18

Mug ga’ar, “Dariy reb e pi profet ney ni ka’a nang laniyan’ SOMOL. Dariy bagayad ni ka’a rung’ag ara ka’a nang fan e thin rok, ara ka’a motoyil ara tiyan’ ko tin keyog.