Isaiah 39:6 - Bible Ni Thothup

⁶ bayi taw nga bangiyal ni gubin ban’en nu lan fare naun rom ni tafen e pilung, ni i cha’riy e pi chitamangim kakrom ke mada’ ko bin ni da’ir e rran e bay ni fek nge m’ay nga Babylonia. Dariy ban’en nra magey.

Isaiah 39:6 Referans Kwoze

2 Kings 24:13

me fek urngin e pin’en nib t’uf ma ba tolang puluwon ni bay u lan e Tempel ngu tafen e en ni pilung u Jerusalem nga Babylon. Me yan i aw ni bod ni yog SOMOL u m’on, ya kirebnag Nebukadnezzar urngin e pin’en nni ngongliy ko gol ni Solomon e tay ngalan e Tempel ni fan ko pigpig ko tempel.

Jeremiah 20:5

Bay ku gu pag e pi to’ogor rorad ngar giliw niged urngin e tin be fel’ rogon e re binaw ney riy, miyad fek urngin e chugom, ni mus ko machaf ni fen e pilung nu Judah miyad fek nga Babylon.

Daniel 1:2

Me gagiyegnag SOMOL Nebukadnezzar nge kol Jehoyakim ni Pilung me fek boch e machaf u Tempel. Me fek boch e kalbus nge un ngak nga tempel ko pi got rok u lan yu Babylon, me tay fapi machaf ni fek ngalan e pi senggil ni yima chubgil riy u lan fare tempel ko pi got rok.

2 Kronicles 36:18

Fare pilung nu Babylon e leag e chugom u Tempel, machaf u Tempel, nge tin nib fla’ab fare pilung riy nge pi tolang ko salthaw rok, nge fek gubin ban’en nga Babylon.

2 Kronicles 36:10

Nap’an fangin e spring, me fek Nebukadnezzar ni Pilung i Jehoyakin nga Babylon nib kalbus nge machaf nu Tempel ni fek. Ma aram me tay Nebukadnezzar i Zedekiah nib mo’on niwalagen e chitamngin Jehoyakin nge mang pilung nu Judah ngu Jerusalem.

Ezekiel 23:26

Bay ra guchthuyed madam miyad fek e machaf nge nunuw rom.

Daniel 1:3

Me yog e en ni pilung ngak Ashpenaz, ni ir e th’abi tolang ko girdi’ ni bay u tan pa’, ni nge mel’eg u fithik’ fapi kalbus nu Israel, boch e pagel ko tabinaw ko pilung nge pi tabinaw nib tolang.