Isaiah 38:18 - Bible Ni Thothup

¹⁸ Dariy ta’be’ ko fayleng ko yam’ nrayag ni pining e sorok ngom; pi’in yad ba yam’ e dabiyag ni nge pagan’rad nga fanam yul’yul’.

Isaiah 38:18 Referans Kwoze

Eklesiastes 9:10

Demturug ko mang e ga be rin’ ma ngam rin’ ni karimus rogom riy, ni bochan e dakriy ban’en ni ngan rin’, ma dariy e tafinay, ma dariy e llowan’, ma dariy e gonop u lan e fayleng ko yam’ — ni aram e gin ni ngam man ngay.

Psalms 6:5

U lan e fayleng ko yam’ e dariy be’ ni ga ra yib ngan’ riy; ma dariy be’ nra pining e sorok ngom u rom.

Psalms 30:9

“Mang e rayag ngom ko yam’ ni gu ra tay? Mang e ra fel’ ngom ni fa’an gu ra yan nga low? Gur rayag ni nge pining e pi’in karm’ad e sorok ngom? Rayag nra weliyed fanam gol ni dar ma yoyowol?

Matthew 25:46

Ere picha’ ney e bay ni pi’rad ko gechig ndariy n’umngin nap’an; ma pi’in yad bmat’aw e bay ranod ko yafos ndariy n’umngin nap’an.”

Matthew 8:12

Ma pi’in nsusun e ngar pired ko gin nsuwon Got e bay nin’rad nga wuru’ e gin nsuwon Got nga fithik’ e lumor, ko gin ni bay ur yorgad riy ma be chachafin nguwelrad.”

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

Numbers 16:33

Ma aram mranod nga tan e but’ nga tafen e yam’, nib mu’un e chugum rorad ngorad. Me sul e but’ nga ta’bang nge par nrogon, ma kar m’aygad ngabang.

Psalms 28:1

A SOMOL, ni gur e yoror rog, gu be piningem, mmotoyil ko meyor rog! Fa’anra dab mu fulweg lungug, ma bay gu’un ngak e pi’in ngranod nga’ar ko fayleng ko yam’.

Psalms 6:6

Ke aw parwog ko meyor; gubin e nep’ nma munur e chob rog nga lu’ag; gayul rog e ke wanum ko lu’.