Isaiah 38:17 - Bible Ni Thothup

¹⁷ Buchbuchan’ rog e bayi pilyeg nge ngal’ ni gapas. Gur e ka mu ayweg e pogofan rog u fithik’ gubin e riya’; kamn’ag machan gubin e denen rog u wun’um.

Isaiah 38:17 Referans Kwoze

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Jonah 2:6

Gu wan nga’ar nggu mada’ nga enggin fapi burey; ngalan fa re binaw ni yug ma par e garog riy nib man’ ndariy n’umngin nap’an; machane gur SOMOL ni Got rog e kam fulwegneg u ar nda gum’!

Jeremiah 31:34

Ma dakuriy bagayad ni nge machibnag bagayad, ma dakuriy bagayad ni nge weliy e thin ngak bagayad ni nge ga’ar, ‘Ngam nang SOMOL.’ Yad gubin ni bay ra nanged gag ni mus rok e en nth’abi sobut’ nge mada’ ngak e en nth’abi tolang rorad. Bay gu n’ag fan e denen rorad u wun’ug ma dab ku gu leamnag e kireb ni kar ngongliyed. I Gag SOMOL e kugog e pi thin ney.”

Psalms 30:3

kam teg u orel ko low ko yam’. Kug waen i yan ko wo’ rog nga’ar, machane ma ga fulweg e yafos ngog.

Psalms 86:13

Rib ga’ e t’ufeg rom ngog ni fare t’ufeg ni dabimus! Kam ayuwegneg u pa’ e yam’.

Psalms 85:2

Ka mu n’agfan e denen rok e girdi’ rom; ma ka mu n’agfan urngin e kireb rorad.

Psalms 40:2

Me girngiyeg ngalang nggu chuw u lan ba low u thathren e riya’, nib low u fithik’ e rungdu’! Nge teg nga daken ba war nggu par ndabki buch ban’en rog.

Psalms 10:2

Pi’in kireb e yad ba tolangan’ ma yad be gafgownag e pi’in gafgow; mpagrad ngar awgad ko fapi wup ni kar ngongliyed.

BABYOR NI JOB 29:18

Gubin ngiyal’ ni ug leamnag ni gu ra par nge n’uw nap’ag ma gu ra yim’ u tabnaw rog ni gub munguy.

BABYOR NI JOB 33:24

U fithik’ e wurengan’ mra yog fare engel ni nge ga’ar, “Ngan pag e cha’anir! Ya dabiyan nga’ar ko fayleng ko yam’. Ba’aray puluwon ni ngan pag.”

Psalms 55:23

Machane, gur Got, e bay mon’ e pi’in tathang e fan nge pi’in sasaliyab nga low rorad ni dawor i yan baley ko yafos rorad. Me gag, e gur e bayi pagan’ug ngom.

Psalms 103:12

Rogon feni mal’af e ngek ko ngal, e aram feni mal’af nra chuweg e denen rodad rodad.

Isaiah 38:15

Mang e rayag ni nggog? SOMOL e ke rin’ e ran’ey ni aray rogon. Ke tagan lanin’ug, ni dabkiyag e mol rog.

Psalms 103:3

Ma n’ag fan u wan’ urngin e denen rog mma faseg urngin e liliy nike yib ngog;

Psalms 103:4

i talegeg ni dab gu wan ngalan e low ko yam’, ma ke tow’ath nigeg ko t’ufeg nge runguy.

Jonah 2:7

Nap’an ni gu thamiy rog ni nggum’, ma aram mu gu meybil ngom SOMOL, ma ga rung’ag lamag ngalan e Tempel rom nib thothup.