Isaiah 38:15 - Bible Ni Thothup

¹⁵ Mang e rayag ni nggog? SOMOL e ke rin’ e ran’ey ni aray rogon. Ke tagan lanin’ug, ni dabkiyag e mol rog.

Isaiah 38:15 Referans Kwoze

BABYOR NI JOB 7:11

Danga’! Dabi yag ni gu th’ab gulungag! Kug damumuw ma ke buchbuchan’ug. Thingar gu non.

1 Kings 21:27

Fa’ani mu’ Elijah ko welthin, me guchthuy Ahab e mad rok nge chuweg u daken, me yin’ e mad ni tutuw nga daken. Me par ndaki abich, mi i mol ni kabay fare tutuw ni mad u daken, mi i yan ni kari kireban’.

BABYOR NI JOB 10:1

Ke ngochan’ug ko yafos rog. Mmotoyil nggu weliy e tin dabug ngom.

John 12:27

“Chiney e ke magaf lanin’ug — susun e mang e nggog? Gur nge lungug, ‘Chitamag, dab mpag e re awa ney nge yib ngog’? Machane aray fag ni ku gub, bochan e nggu mada’nag e gafgow ni bay u lan e re awa ney.

BABYOR NI JOB 21:25

Ma boch e girdi’ e dariy buchu’uw i felfelan’ rorad; yad ma par u fayleng ngarm’ad nib buchbuch lanin’rad.

Ezra 9:10

Got, me’ere chiney, mang e ku rayag ni nggogned nga tomuren urngin e tin’ey? Ya kug pi’ed keru’mad bayay ko tin mog ngomad

2 Kings 4:27

Ma fa’ani yib ngak Elisa me yib i paraw nga but’ me kol rifrifen ay. Me yib Gehazi ni nge therbeg fare pin nga orel, machane me ga’ar Elisa, “Mfan rok e cha’nir. Damur guy ni kari kireban’? Ma dariy ban’en nike yog SOMOL ngog u murung’agen e tin ke buch rok.”

1 Samuel 1:10

I Hannah e kari kirban’, ma aram me meybil ngak SOMOL ni be yor nib gel.

Joshua 7:8

SOMOL, mang e ku rayag ni nggog e chiney nike tuluf e pi to’ogor yu Israel kar sulod?

Proverbs 31:6

Alkul e fan ngak e pi’in ngarm’ad, ni pi’in ka ra bilged t’ay e gafgow.

Isaiah 38:17

Buchbuchan’ rog e bayi pilyeg nge ngal’ ni gapas. Gur e ka mu ayweg e pogofan rog u fithik’ gubin e riya’; kamn’ag machan gubin e denen rog u wun’um.

Psalms 116:1

Ba t’uf SOMOL rog ya ma rung’ag lungug; ma motoyil ko meybil rog.