Isaiah 38:12 - Bible Ni Thothup

¹² Ya yafos rog e kan th’ab kemus, ni bod ba tent ni kan pilig nga but’, ni bod e mad ni kan th’ab ko fare n’en ni yima lifith e mad riy. Gu leamnag nike museg Got e yafos rog.

Isaiah 38:12 Referans Kwoze

Hebrews 1:12

Ma bay mu bichibichiy ni bod rogon ba ke mad, ma bay nthiliyeg. Mi gur e bay um par ni karrogom, ni yafos rom e dariy e ngiyal’ nra mus.”

2 Korinth 5:1

Ya gadad manang nre tent ney ni gadad be par u lan — ni aram e re dowef rodad ney nu fayleng — e nap’an nra puth, ma bay e naun rodad u tharmiy ni ngdarod da pired ngalan, nib naun ni Got e ke ngongliy, ni bay i par ndariy n’umngin nap’an.

Psalms 73:14

A Got, kam teg gu be gafgow ni kakadbul nge mada’ ko nep’; gubin e kadbul ni ga ma gechig nigeg!

James 4:14

Ma mus ko n’en ni bay yib ngomed gabul ma da mu nanged! Ya gimed bod bochi yang i ath ni sum ko garbeb, ni yib i m’ug ma de n’uw nap’an me m’ay nga bayang.

2 Korinth 5:4

Ma ngiyal’ ni gadad be par u lan e re tent ney nu fayleng e gadad be gel’gel’ nike tomalan’dad; gathi fene gadad ba’adag ni ngad n’iged e dowef rodad nu fayleng, machane gadad ba’adag ni ngan tay e bin nu tharmiy nga dakendad, ni fan e bin nra yim’ e bayi mang yafos e ful’.

Isaiah 13:20

Dariy be’ nrayag ni ngki par u rom. Dakriy reb e Arab i yug be yan ni ku ra n’uf e tent rok u rom, ma aram rogon e pi tagafaliy e gamanman ni dakriy bagyad nra gafaliy e gamanman rok u rom.

Isaiah 1:8

Kemus ni binaw nu Jerusalem e kabay, machane kanin’ nga longob, ni bod bochi naun nib waer ni tafen e matanag u bangi woldug ni grape, ara bochi yang i togorba’ u bang i flang ko kiyuri.

Psalms 119:23

Pi tagagiyeg e ka ra mada’gad kar makathgad nib togopluw ngog, machane bay gu fil e machib rom.

Psalms 102:11

Yafos rog e bod e taglul’ ni ganowrug; Gu bod e pan nike mroroy.

Psalms 31:22

Gu rus mu gu leamnag nike chuwegeg u p’eowchen. Machane me rung’ag e meyor rog nnap’an ni gu pining ni nge ayuw.

BABYOR NI JOB 17:1

Ke chugur nga tungun e yafos rog. Ke mo’maw’ ni nggu pogofan; ke gonowrug u puluwog kemus ni ba low e be son nigeg.

BABYOR NI JOB 14:2

Gadad ma ilal ngad mororaygad ni bod feni pay nma mororay e flores; gadad ma ling ni bod e taglul’.

BABYOR NI JOB 6:9

Mang e yigi li’eg ngum’!

BABYOR NI JOB 4:20

Gadad e girdi’ e rayag ni nge kadbul ma gadad ba fos, ma dawori aw e lumor me aw e fan rodad ndariy be’ ni manang.

Psalms 90:5

Gur e ga ma chuwegmad ni bod e ran ni sugbur; dabi n’uw nap’anmad ni bod ba lik’ay. Gamad bod e pan ni tugul ni kadbul,