Isaiah 37:25 - Bible Ni Thothup

²⁵ Kam th’um ngay ga be yog ni kam ker e pi luwed ma ga be unum e ran u lan e yug boch e nam, ma rifrifen ay e salthaw rom e ke yotyot e lul’ ni Nile ke mlik.

Isaiah 37:25 Referans Kwoze

1 Kings 20:10

rok Benhadad: “Gu ra fek urngin e pumo’on ni ba gaman ni nge gathay e re binaw rom nir miyad fek chabungen ngalan pa’rad. Mang e yigi li’eg e pi got nggum’ ni fa’anra dab gu rin’.”

Isaiah 36:12

Me fulweg ni ga’ar, “Gimed be leamnag ni go’ gimed nge an pilung e ke l’oegeg e emperor ni ngog e pi thin ney ngomed? Aram e danga’, ya kug be non ngak e pi girdi’ nir ni yad bay u daken e rungrung, ni bay ra ked ta’rad ma yad be garbad ko fi’ rorad, ni bod rogon ni bay kum rin’ed.”

Deuteronomy 11:10

Fare nam ni aram e ngam marod nga langgin ngam pired riy e de bod e but’ nu Egypt, ni gin um pired riy ni som’on. U Egypt e gimed ra yung e grain ma ngam maruwelgad nib gel ngu’um taran niged e yungi n’em;

Isaiah 19:6

Ma gin ma mit e ran riy e ra burow ko ngiyal’ ni be mlik’ i yan nib sag’al. Ro’uy nge uchel e bayi mororay,

Isaiah 10:13

Emperor nu Assyria e ufanthin nge ga’ar, “Yigo’ gag e ku gu ngongliy urngin e pin’ey. Ya gub madangdang ni gub gonop ma gub llowan’. Ku gu thirif ke chuw e pi mathil u thilin e pi nam ma kug fek e pi chugom rorad. Kug yot’yotrad nga but’ ni bod ba garbaw ni pumo’on e pi’in yad ma par u rom.

Isaiah 10:14

Pi nam u fayleng e yad bod rogon ba tafen e arche’, ku gu kunkunuy e pi fla’ab rorad ni bod feni mom i kunuy e tamango ko arche’. Dariy ba pon e arche ni furfuruy ni gu tamdag ngay; dariy reb e arche’ ni fal l’ugun ni nge tolul ngog.”

Isaiah 19:5

Bayi sobut’ e ran u lan e lul’ ni Nile, me munmun me mlik’.