Isaiah 37:17 - Bible Ni Thothup

¹⁷ SOMOL chiney, e ngam motoyil ngomad ma ga yaliy e n’en ni yibe rin’ ngomad. Ma ga motoyil nga urngin e pin’en ni be yog Sennakerib ni be m’ay nagfam, gur fare Got ni ga be par ni gab fos.

Isaiah 37:17 Referans Kwoze

2 Kronicles 6:40

“Got rog, ere chiney e ngam changar ngomad ma ga motoyil ko pi meybil romad ni gamad be pi’ ngom u lan e re gin’ey.

Isaiah 37:4

Fare emperor nu Assyria e ke l’oeg pilungen e salthaw rok ni nge dariyfannag Got ni be par nib fos. I SOMOL ni Got rom e mang e yigi rung’ag e pi thin nem me gechignag e pi’in i yog. Ere mu meybil ngak Got ni fan ngak e girdi’ rodad nra magach nib fos.”

Psalms 17:6

A Got, gu be meybil ngom, ya ga ma fulweg taban e meybil rog; ere mu sap ngog ngam rung’ag e thin rog.

1 Peter 3:12

Ni fan e Somol e ke yiluy e changar rok ngak e pi’in yad bmat’aw ma gubin ngiyal’ nma rung’ag e meybil rorad; machane ma togopluw ngak e pi’in yad ma ngongliy e tin nib kireb.”

Psalms 74:22

Got, mu sak’iy ngam bigbigiy e tirom! Mu leamnag e pi’in dariyfam u wun’rad ni yad be minmin ngom ni polo’ e rran.

Psalms 79:12

Somol, mu fulweg labgen ngak e pi nam ni medlip yay ni bochan urngin e thin ni kireb ni yad be rugoy ngom.

Psalms 74:10

A Got, bu uw n’umngin nap’an ni ngi i minmin e pi to’ogor romad ngom? Ngu’ur dariy fanaged fithingam ni manemus?

Psalms 71:2

Bochan ni gab mat’aw, ere mu ayuwegneg nga mu lageg ko riya’. Mmotoyil ngog, ngam ayuwegneg!

BABYOR NI JOB 36:7

Ma yoror rok e pi’in nib mat’aw; ma pi’ mat’awrad ni ngar gagiyeggad ni bod e pilung mu’un ta’farad ni manechibog.

2 Samuel 16:12

Ya sana ra guy SOMOL e gafgow ni kug tay me pi’ e tin ni bfel’ ngog nge yan nga luwan e thin nib kireb ni be yog ngog.”

2 Kings 19:16

SOMOL, mu sap ko n’en ni kani rin’ ngomad. Mmotoyil nga urngin e thin nib kireb ni be yog Sennakerib ni be darifan nigem, ni gur Got ni gab fos.

Psalms 116:1

Ba t’uf SOMOL rog ya ma rung’ag lungug; ma motoyil ko meybil rog.

2 Kronicles 7:15

Bay ug matanagiy e re Tempel ney ma gubin ngiyal’ ni kug fal’eg rogog ni nggu rung’ag urngin e meybil ni yibe pi’ ngog u roy,