Isaiah 37:12 - Bible Ni Thothup

¹² Pi ga’ rog ni kakrom e ra buthiged e pi binaw nu Gozan, ngu Haran, ngu Rezef, miyad thang e pogofan rok e girdi’ nu Betheden ni ur pired u Telassar, ma dariy reb fapi got ko pi girdi’ nem ni aywegrad.

Isaiah 37:12 Referans Kwoze

Genesis 11:31

Me fek Terah Abram ni be’ nib mo’on ni fak, nge tongin i Lot ni be’ nib mo’on ni fak Haran, miki fek Terah Sarai ni le’engin Abram ni fak me un ngorad ngar chuwgad ko re binaw nem nu Ur ni bay u lan e nam nu Babylonia, miyad yan ni ngranod ko nam nu Kanaan. Miyad mada’ nga Haran miyad par u rom,

Acts 7:2

Me fulweg Stefen ni ga’ar, “Pi walageg nge pi chitamag! Mmotoyilgad ngog! I Got ni ir e ba th’abi fla’ab e yib i m’ug ngak e chitamangidad i Abraham ko ngiyal’ ni be par u lan yu Mesopotamia u m’on ndawori yan i par ngalan yu Haran,

2 Kings 19:12

Pi ga’ rog kakrom e ra gathayed e pi binaw nu Gozan, ngu Haran, ngu Rezef, miyad thang e fan ko girdi’ u Betheden ni ur pired u lan yu Telassar, ma dariy reb e pi got rorad ni yag ni nge ayuwegrad.

2 Kings 18:11

Me fek fare pilung nu Assyria e girdi’ nu Israel nga Assyria ni kalbus, me yan i tay boch i yad ko binaw nu Halah, me tay boch i yad nib chugur ko lul’ ni Habor ko nug nu Gozan, me tay boch i yad ko pi binaw ni bay u lan yu Media.

2 Kings 17:6

ni aram e duw ni mereb ko gagiyeg rok Hoshea, me kol fare pilung nu Assyria yu Samaria u tan e mael, me fek piyu Israel nga Assyria ni yad bogi kalbus, me tay boch i yad ngar pired u lan fare binaw nu Halah, ma boch e ra pired u to’oben fare Lul’ ni Habor u lan fa re gi nug nu Gozan ma boch e ra pired u lan fapi binaw nu Media.

Amos 1:5

Bay gu bilig e garog nu Damaskus mu gu chuweg e pi’in yad ma par u lan e Loway ni Aven nge en nma gagiyeg u Betheden. Ma girdi’ nu Syria e bay ni fekrad ni kar manged kalbus ko nam nu Kir.”

Ezekiel 28:13

Ku’um par u Eden, ni fare gi milay’ rok Got, ni um nunuw ko urngin mit e churwa’ nib totolang puluwon: Rubies nge diamonds; topaz, beryl, carnelian, nge jasper; sapphires, emeralds, nge garnets. Immoy e nunuw rom ni go’ gol. Nni ngongliy ni fanam fa rofen nni sunmiyem.

Ezekiel 27:23

Binaw nu Haran, Kanneh, ngu Eden nge pi ta siyobay u Sheba nge binaw nu Isshur, ngu Chilmad — e yad gubin ni um thilyeged e chugum.

Isaiah 36:20

Urngin e pi nam ney ma wi’in e kaygi ayweg reb fapi got e binaw rok u pa’ e emperor nu Assyria? Ere bu uw rogon ni gimed be leamnag ni nge ayuweg SOMOL yu Jerusalem?”

Genesis 29:4

Me fith Jakob ngorad ni ga’ar, “Pi tafager, u uw e kambad riy?” Me lungurad, “Kugbad u Haran.”

Genesis 28:10

Me chuw Jakob u Beersheba nge yan nga Haran.

Genesis 12:14

Fa’ani th’ab e mathil nge yan ngalan yu Egypt, me guy yu Egypt nib pidorang e bpin rok.

Genesis 2:8

Me yung SOMOL ni Got bang i woldug u lan yu Eden, ni bay ko ngek, me yan i tay fare mo’on nike ngongliy ngaram.

Isaiah 37:13

Bu uw fapi pilung ko fapi binaw nu Hamath, Arpad, Sefarvaim, Hena, ngu Ivvah?”

Genesis 11:32

me yim’ Terah u rom nike gaman 205 e duw rok.

Isaiah 36:18

Dab mpaged Hezekiah nge ban nagmed ngam leam niged ni SOMOL e bayi ayuweg e pogofan romed. Gur, bay reb e pi got u reb e nam ni ka’a yigi ayuweg e pi binaw rorad u pa’ e emperor nu Assyria?

Isaiah 36:19

Bu uw e pi got rok Hamath nge Arpad e chiney? Ma ku bu uw e pi got rok Sefarvaim? Bay bagyad ni ka’a ayuweg yu Samaria?