Isaiah 36:9 - Bible Ni Thothup

⁹ Mus ko bin th’abi sobut’ e salthaw nu Assyria ma dabyag ni ngam puluweg, ma chiney ma gimed be tay ngak yu Egypt ni ngar pi’ed e chariot nge pumo’on nma yan u daken e os ngomed.

Isaiah 36:9 Referans Kwoze

Isaiah 10:8

Ya i ufanthin ni ga’ar, “Gubin e ga’ ko salthaw rog ma ba pilung!

Jeremiah 2:36

Kam mom nigem ko pi got u boch e nam. Bayi kirebnag piyu Egypt lanin’um, ni bod ni rin’ yu Assyria ngom.

Isaiah 36:6

Gimed be ta’ ngak yu Egypt, machane ri bod rogon boch lay i uchel nim sog ngay — ra m’ing me rog nga pa’am. Aram rogon e pilung nu Egypt nra toer be’ ngak.”

Isaiah 31:3

Piyu Egypt e gathiyad e got, kemus ni yad e girdi’! Pi os rorad e gathiyad e kan! Ra maruwel SOMOL, ma re nam nem nib gel e ra muchbu’ nga but’, ma fare nam nib waer ni be yib e ayuw ngak ko fare nam nib gel e ku ra thay; l’agruw nra kireb.

Isaiah 30:7

Ayuw nra pi’ yu Egypt e mm’ay fan. Ere kug turguy fithingan yu Egypt ni fare ‘Dragon ndabiyag ni nge rin’ ban’en ngak be’.’”

Isaiah 20:5

Pi’in be pagan’rad nga Ethiopia ma uf uf rorad yu Egypt e bayi balyang lanin’rad me mulan’rad.

Proverbs 21:31

Rayag ni ngam fal’eg rogon e os ni fan ko mael, machane SOMOL e ir e ma gel nigey.

2 Kings 18:24

Dabi chuchugur rogmew e bin th’abi sobut’ u fithik’ pilungen e salthaw nu Assyria, ma kam leamnag ni nge pi’ yu Egypt e chariot ngom nge girdi’ ni nge yan riy!

Deuteronomy 17:16

En nra pilung e dabi leamnag ni nge yo’ornag e os rok ni fan ko ba’ rok e salthaw, ma dabi l’oeg e girdi’ nga Egypt ni ngar chuw’iyed e os. Ya keyog SOMOL ni girdi’ rok e dakuriy bi’id ni ngki sul ngaram.

2 Kings 7:6

Ya ke gagiyegnag SOMOL e salthaw nu Syria kar rung’aged lingan e os nge chariot ni bod e salthaw ni pire’ nike yib, me leamnag e salthaw nu Syria nike pi’ e pilung nu Israel puluwon e pilung ko Hittite ngu Egypt nge salthaw rorad ni ngar chamgad.

Isaiah 36:8

Nggu ngongliy ba m’ag u daken fithingan e emperor nu Assyria. Bay gu pi’ ngomed l’agruw e biyu’ e os ni fa’an gimed ra pir’eg aram oren e pumo’on ni nge yan u daken.