Isaiah 35:9 - Bible Ni Thothup

⁹ Ma dariy e gamanman ni layon riy; ma dariy e gamanman riy nma cham. Pi’in ke lagrad SOMOL u fithik’ e gafgow e yad ra yan nga taferad u daken e re kanawo’ nem.

Isaiah 35:9 Referans Kwoze

Isaiah 62:12

Bay ni piningmed ni “Girdi’ Rok Got Ni Thothup,” “Fapi Girdi’ Nike Ayuwegrad SOMOL.” Jerusalem e bay nog ni “Fare Binaw Nib T’uf Rok Got,” “Fare Binaw Ni de Fek Got Owchen Riy.”

Hosea 2:18

Re ngiyal’ i n’em e bay gu ngongliy ba m’ag u thilmad urngin e gamanman ni malboch nge arche’, nge dab ra gafgow niged e girdi’ rog. Bay gu chuweg urngin talin e cham ni fan ko mael u daken e nam, ni urngin e saydon nge gat’ing, mu gu tay e girdi’ rog ngu’ur pired u fithik’ e gapas ndakuriy ban’en nra buch rorad.

Ezekiel 34:25

Bay gu ngongliy reb e m’ag u thilmad ni ir e bayi micheg ngorad ni dabki buch ban’en rorad. Bay gu chuweg ko nam rorad urngin e gamanman nra i maad’ad ngorad, ni fan e nge yag ni par e saf rog u daken e ted ma yad be mol u fithik’ e gerger ni dabki buch ban’en rorad.

Isaiah 65:25

Gamanman ni wolf nge pifak e saf e bay ur abichgad u ta’bang, ma pi gamanman ni layon e bay ur ked kenggin e grain ni bod e garbaw. Pi porchoyog e dab kur maad’adgad ngak e girdi’. Zion ni fare burey rog nib thothup e bayi par ndakuriy e kireb riy ma dariy ban’en riy ni yira maad’ad ngay.”

Isaiah 63:4

Ya gu turguy ni ngiyal’ ni nggu ayuweg e girdi’ rog e ke taw; ya ke taw nga nap’an ni nggu gechignag e pi to’ogor rorad.

Isaiah 30:6

Ba’aray e thin nike yog Got ni murung’agen e pi gamanman nma par ko fa gi ted ni desert ni bay ko yimuch ni be ga’ar: “Pi’in owchen e nam nga reb nam e yad be milekag u daken e ted ni yad be yan u thathren e riya’, ya bay e gamanman ni layon riy, nge porchoyog ni bay e yub u l’ugun, nge dragon nma changeg. Ka ra sug niged daken keru’ e gamanman rorad ni dongki nge kamel ko tow’ath nib tolang puluwon ni tow’ath rorad ngak ba nam ndabiyag ni nge pi’ e ayuw ngorad.

Psalms 107:2

Mu uned ngog i pining e sorok ngak SOMOL, ni gimed gubin e pi’in nike ayuwegmed u pa’ e to’ogor romed. I ir e ke lagmed u pa’ e pi to’ogor romed,

Levitikus 26:6

“Bay gu pi’ e gapas ngomed u lan e binaw romed, ma rayag ni ngam molod ndab um rusgad ngak be’. Bay gu chuweg e gamanman ni tacham u lan e binaw romed, ma bayi m’ay e mael u lan e binaw romed.

Exodus 15:13

Mu par ni gab yul’yul’ ko tin ni mmicheg, ya mu gafaliy e pi girdi’ ni mu lagrad ko gafgow; gelngim e mu pow’iyrad ngay nga tafnam nib thothup.

Revelation 5:9

Miyad yin’ ba tang nib be’ech ni ga’ar: “I gur e bay rogom ni ngam fek fare gi babyor ni kan bachiy ngam guchthuy fapi hang riy. Ya nli’em nga mum’, ma racha’em ni map’ u kuruth e ir e mu chuw’iy e girdi’ ngay ni ngar manged girdi’en Got, ni girdi’ u urngin e ganong, nge thin, nge gubin mit e girdi’, nge nam.

1 Peter 1:18

Ya gimed manang e n’en ni kan pi’ nga puluwmed ni fan e ngan pithigmed u pangimed nib m’ayfan ni af ngomed rok pi chitamangimed ni kakrom. Gathi ban’en nrayag ni nge kireb, ni bod rogon e silber ara gol;

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

Galatia 3:13

Machane Kristus e ke chuwegdad ko buch wa’athan ni Motochiyel e ke fek i yib ngodad, ni bochan e kemang ir e ke buch wa’athan ni fan ngodad. Ni bod rogon nike yog e babyor nib thothup ni be ga’ar, “En ni kan tining nga ba ley i gek’iy e kan bucheg wa’athan.”

Isaiah 1:27

Ya SOMOL e ba mat’aw ere bayi mat’awnag yu Jerusalem nge en ke pi’ keru’ ko kireb rok.

Isaiah 5:29

Salthaw e ke mada’ lungrad ngalang ni bod lungun e pi gamanman ni layon ni ka ra li’ed ba gamanman ni yad be fek i yan ngabang ndariy be’ nrayag ni lag rorad.

Isaiah 30:21

Fa’an gimed rayan nga wuru’ e wo’ ko ba’ ni mat’aw ara ba’ ni gilay’, ma gimed ra rung’ag lungun nga fiti keru’med ni be ga’ar, “Ba’aray e wo’. Mu leked.”

Isaiah 51:10

Ku gur e mu mliknag e regur ma ga ngongliy e kanawo’ nge th’ab e day nga barba’, pi’in mu aywegrad e yag nra thapgad nga barba’.

Jeremiah 30:10

“Girdi’ rog dab murus gad; gimed e girdi’ nu Israel, dabi aw e marus nga yal romed. Ya bay gu laegmed ko fare binaw nib palog, fare binaw ni gimed ba kalbus riy. Bay mu sulod nga tabnaw ngam pired u fithik’ e gapas; bay um pired ni dariy ban’en ni ku ra buch romed, ma dariy be’ ni ku ra k’ar marus ngomed.

Isaiah 43:19

Mu sapgad ko n’en nib be’ech ni nggu ngongliy. Be yib i m’ug e chiney, rayag ni ngam guyed e chiney! Bay gu ngongliy bpa’ i kanawo’ nge yan u daken e ted, mu gu pi’ yu pa’ i lul’ ngomed u rom.

Isaiah 62:10

Gimed e girdi’ nu Jerusalem, marod nga wuru’ e binaw ngam ngongliyed e kanawo’ ni fan ko girdi’ romed ni be sul! Mu falfleged ba kanawo’ nib ga’; magmed chuweg e malang riy! Mi gimed tining e pow riy ngalang ya nge yag ni nge nang e pi nam.

Ezekiel 34:27

Ma bay i k’uf e gek’iy, ma be yib e ggan ko woldug, mra be’ ma be par ko girok’ e binaw ndabki buch ban’en rok. Ngiyal’ ni gu ra luf e chen ko girdi’ rog ngar chuwgad u tan pa’ e pi’in ni ka ra tedyad ni sib, ma aram e bay ra nanged ni Gag SOMOL.