Isaiah 35:7 - Bible Ni Thothup

⁷ ma yan’ ni be yik u desert e bayi ngal’ ni bangi lipath, ma yungi but’ nike mlik e bayi sug ko alublub. Ma gin i par e gamanman ni jackal riy e bay i tugul e pan nge ro’uy riy.

Isaiah 35:7 Referans Kwoze

Acts 26:18

Me gur e ngam pithig owcherad ngam pingegrad ngar pi’ed keru’rad ko lumor miyad sap ko tamilang, ma ga pingegrad ngar pi’ed keru’rad nga gelngin Satan miyad pigicheal ngak Got, yu daken e michan’ rorad ngog e bayi n’ag Got fan e denen rorad riy me yag ngorad tagil’rad u fithik’ e pi’in ke mel’egrad Got ni ngar manged girdi’en.’

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

John 4:14

machane en nra unum e ran ni gu ra pi’ ngak e dabki sul e belel ngak bayay. Ya ran ni gu ra pi’ ngak e ra ngal’ ni ba alublub u fithik’ i dow, ni ir e bay i pi’ e ran ngak nma pi’ e yafos, me pi’ e yafos ngak ndariy n’umngin nap’an.”

Isaiah 34:13

Rachangal e bayi tugul u gubin tafen e pilung nge fa yochi binaw ni kan ngongliy e rungrung riy, ma bayi tafnay e jackal nge owl.

Revelation 18:2

Me non ni ba ga’ laman ni ga’ar, “Ke waer! Fare Babylon nib gilbuguwan e ke waer! Chiney e kemang tafen e mo’onyan’ nge pi kan nib tagan; urngin mit e arche’ nib golong nge pi arche’ ni fanenikay ni be par u lan yu Babylon.

John 7:38

Ni bod rogon ni be yog e babyor nib thothup ni be ga’ar, ‘En nra gu mich u wan’ e ra yib e ran u yu pa’ i lul’ nge yib i map’ u lan ngorongoren nga but’, ni ran nma pi’ e yafos.’ ”

Isaiah 13:22

Pi wulyang nge pi naun ni tafen e pilung e bay i kumong lungun e gowol ko gamanman ni hyenas nge jackal riy. Ketaw ko rran rok yu Babylon! Pi rran rok e nge thumur.”

Luke 13:29

Ya bay yib e girdi’ u lan e ngek ngu lan e ngal, ngu lan e lel’och ngu lan e yimuch ngarbad ra pired nga tebel ko gin nsuwon Got.

Matthew 21:43

Me ul ul Jesus ngay nge ga’ar, “Ere nggog ngomed ni gagiyeg rok Got e bay ni chuweg romed ngan pi’ ngak girdi’en reb e nam ni yad e bay yib wom’engirad ni bfel’.”

Isaiah 29:17

Dabki n’uw nap’an ma fare loway nu Lebanon e bayi par ni bangi flang ko woldug, ma fare gi flang ko woldug e bay ki sul nge buchwo’ i gek’iy bayay.

Isaiah 19:6

Ma gin ma mit e ran riy e ra burow ko ngiyal’ ni be mlik’ i yan nib sag’al. Ro’uy nge uchel e bayi mororay,

Psalms 107:35

I pilyeg e ted ni desert nge ngal’ ni lipath, nge but’ ni mlik nge yib e ran riy.

Isaiah 30:25

Rofen nem e nap’an yira kol e yungi tagil’ e damit ko pi to’ogor romed mi ni thang e fan rok e girdi’ rorad, ma yoch pa’ i lul’ e ra map e ran riy u daken gubin e burey nge gubin e yochi burey.

Isaiah 41:18

Bay gu gagiyegnag e lul’ nge yib ko yochi burey ndariy ban’en riy, ma ran ko alublub e bay i yan u lan e pi loway. Daken e ted ni desert e bay gu pingeg nge ngal’ ni lipath, mu gu gagiyegnag e but’ nib mlik e yib e ran ni alublub riy.

Isaiah 43:20

Mus ko gamanman ni malboch ni bayi tay fag; gamanman ni jackal nge arche’ ni ostrich e bay ra pininged e sorok ngog ko ngiyal’ ni bay gu gagiyegnag e lul’ nge yan u lan e ted ni desert, ya nggu pi’ e ran ngak e girdi’ rog ni gag e gu mel’egrad.

Isaiah 48:21

Nap’an ni pow’iy SOMOL e girdi’ rok u daken e ted nib gowal ma ba fengfeng, ma darm’ad ko balel. I gagiyegnag e ran nge yib u fithik’ e war ni fan ngorad; i say e war nge mab, nge yib e ran riy nga wuru’.

Ezekiel 47:8

Me ga’ar ngog, “Re ran ney e be yan u daken e nam nib sor ko ngek nge log ngalan e Loway nu Jordan nge yan ko day ni fithingan e Dead Sea. Nap’an nra lul’ ngalan e Dead Sea, me yin’ luwan e day nge kak’lingnag e ran riy.

Judges 6:38

Ma aram e n’en ni rin’. Fa’an ni od Gideon nri kakadbul me uduy fapi bunu’en e saf, me yib e ran riy nge sugnag baraba’ i dabiy.