Isaiah 35:6 - Bible Ni Thothup

⁶ Pi mugutgut e bay ra oggad ngalang ngu’ur churu’gad, ma pi’in ndabiyag ni ngar nonod e bay ur tolul niged e felfelan’. Ma bay i yan yu pa’ i lul’ u daken e ted ni desert;

Isaiah 35:6 Referans Kwoze

Luke 11:14

I tuluf Jesus ba mo’onyan’ ndabiyag ni nge non; ma fa’ani chuw u fithik’ fare mo’on mfini yag ni nge non fare mo’on. Me gin fapi girdi’ ni aram urngirad ngay,

Isaiah 32:4

Gathi bay ku’ur ngochngochan’ gad ya yad ra ngongol u fithik’ e gumaen’ nge gonop, nge nangfan, ma thin ni bay u rogned e tin nri ir e yad be leamnag.

Matthew 12:22

Me fek boch e girdi’ be’ nib mo’on i yib ngak Jesus ni be’ nib malmit ma dabiyag ni non, ya ke ying ba mo’onyan’ ngak. Me golnag Jesus fa’anem, nge yag ni non me guy ban’en.

Psalms 51:15

Somol, mu ayuwegneg nggu welthin, mu gu pining e sorok ngom.

Revelation 22:17

Fare Kan Nthothup nge fare pin ni nge mabgol e lungurow, “Moy!” Urngin e girdi’ ni yad ra rung’ag e re bugithin ney e thingar ki lungurad, “Moy!” Moy i gur e en nike yib e belel ngom; ngam fek fare ran ko yafos nib tow’ath ni yira pi’ ngak e en ni ba’adag ni nge yag ngak.

Revelation 22:1

Miki dag fare engel ngog fare lul’ ni bay e ran ko yafos riy, ni be galgal ram’en ni bod e krystal, ni yib u tagil’ Got nge fare Fak e Saf,

Kolose 3:16

Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med.

Acts 8:7

Pi kan nib kireb ni kar yinggad ngak bo’or e girdi’ e ra tolulgad ngar chuwgad u fithik’ fa pi’inem; ma bo’or e girdi’ ni dariy gelngin yu yang u dowrad nge pi’in nib mugutgut ni ki gol nagrad.

Acts 3:2

Ma bay be’ nib mo’on nni gargeleg ma bmugutgut, nike par nga but’ ko re garog nem ni kan tunguy e “Garog ni Bfel’ Yaan” ngay. Gubin e rran ni yima fek i yib ko re garog nem nga nib ntay ngi i man salpiy ngak e girdi’ ni be yan ngalan e Tempel.

Luke 1:64

Ka chingiyal’ nem me yag ni nge non Zakariah bayay, ma aram me tabab i pining e sorok ngak Got.

Matthew 21:14

Me yib e pi’in yad bmalmit nge pi’in yad bmarwoth ngak ngalan e Tempel me gol nagrad.

Matthew 11:5

pi’in malmit e keyag ni ngar guyed ban’en, ma pi’in mugutgut e ke yag ni ngar uned ko yan, ma pi’in ndaraw e ka ra be’echgad, ma pi’in baling e kar rung’aged ban’en, ma pi’in karm’ad e kan fasegrad, ma fare Thin Ni Bfel’ e yibe machibnag ngak e pi’in gafgow.

Zekariah 14:8

Rofen nem e ra map’ e ran nma pi’ e yafos u Jerusalem, baley ko pi ran nem e bay i map’ ngalan fare gi day ni Dead Sea, ma baley riy e bay i map’ ngalan e day ni Mediterranean. Bay i map’ e re ran ney ni gubin ngiyal’ u gubin e duw, nnap’an e yal’ nge n’uw.

Isaiah 48:21

Nap’an ni pow’iy SOMOL e girdi’ rok u daken e ted nib gowal ma ba fengfeng, ma darm’ad ko balel. I gagiyegnag e ran nge yib u fithik’ e war ni fan ngorad; i say e war nge mab, nge yib e ran riy nga wuru’.

Isaiah 35:1

Bay i felfelan’ e ted ni desert, ma floras e bay i puf ko yungi binaw ni kan pag.

Psalms 46:4

Bay ba lul’ ni be fek e felfelan’ i yib ko fare binaw rok Got, ko fare naun nib thothup rok fa’anem ni ir e ba Th’abi Tolang.

Nehemiah 9:15

“Fa’ani yib e bilig ngorad ma ga pi’ e flowa u tharmiy ngorad, ma ga pi’ e ran nge yib u fithik’ e war nga but’ ko ngiyal’ nike yib e belel ngorad. Ma ga yog ngorad ni ngranod ra tafned fare nam ni mmicheg ni bay mpi’ ngorad.

Numbers 20:11

Me tining Moses fare ley i sog ngalang nge toy ko fare war ni l’agruw yay, me po’ e ran riy nga but’ ni pire’, me unum urngin e girdi’ nge gamanman.

Exodus 17:6

Ma bay gu sak’iy nga p’eowchem u rom u daken fare war nu Horeb. Ma ga toy fare war nge yib e ran riy nga but’ nge unum e girdi’.” Me rin’ Moses ni aram rogon u p’eowchen e pi’in yad ma yog e thin rok piyu Israel.

Isaiah 30:25

Rofen nem e nap’an yira kol e yungi tagil’ e damit ko pi to’ogor romed mi ni thang e fan rok e girdi’ rorad, ma yoch pa’ i lul’ e ra map e ran riy u daken gubin e burey nge gubin e yochi burey.

Isaiah 32:2

Ra bagayad ma bayi par ni bod ba manaf ni ngan naf ngay ko nifeng nge yoko’. Yad ra bod e yu pa’ i lul’ ni bay u daken bangi ted nder tugul ban’en riy, ma yad bod e tagalul’ u ba war ni ba ga’ ni ba ga’ ni bay u daken bangi ted.

Isaiah 42:11

Ted ni desert nge yochi binaw riy e ngar pininged e sorok ngak Got; girdi’ nu Kedar e ngar pininged e sorok ngak! Pi’in yad be par u lan e binaw nu Sela e ngar tolul niged e felfelan’ u p’ebugul e pi burey!

Isaiah 51:3

“Bay gu dag e runguy rog nga Jerusalem, ngak gubin e pi’in yad be par u fithik’ e gafgow u rom. Ni yug aram rogon ni kan n’ag e re but’ rok nem, ma bay gu mangnag bangi milay’, ni bod fare milay’ ni gu yung u lan yu Eden. Madnom nge felfelan’ e yira tay u rom, mi ni tangnag e sorok ngog nge ogmagaer.

Joel 3:18

Yungi milay’ ni grapes e bayi peth u daken e pi burey e re ngiyal’ i n’em; ma gubin yang e flang ni bay ni pir’eg e garbaw riy; ma re ngiyal’ i n’em e bay e ran ni pire’ nra gaman yu Judah riy ni polo’. Ra yib ba lul’ u Tempel rok SOMOL, nge taren nag e Loway ni Akacia.

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Psalms 107:35

I pilyeg e ted ni desert nge ngal’ ni lipath, nge but’ ni mlik nge yib e ran riy.

Isaiah 44:3

“Bay gu pi’ e ran ko fare but’ nike balel, mu gu gagiyegnag yu pa’ i lul’ nge yan u daken e but’ nike mlik. Bay gu pu’og e kan nthothup rog nga daken pifakmed, mu gu fal’eg wa’athan e pi’in owchemed.