Isaiah 35:5 - Bible Ni Thothup

⁵ Pi ma’ew e bay ra guyed ban’en ma pi biling e bay rrung’aged ban’en.

Isaiah 35:5 Referans Kwoze

Isaiah 29:18

Ra taw ko rofen nem, ma pi’in yad bbiling e yad ra rung’ag e tin yibe be’eg u babyor nib ga’ lunguy, ma pi’in ma’ew ni ur pired u fithik’ e lumor e ra mab owcharad ngar guyed ban’en.

Psalms 146:8

mma bing owchen e pi’in ma’ew ngar guyed ban’en. Ma sak’iynag e pi’in kar dol’gad; ba t’uf rok e girdi’ ni yad ba mat’aw.

John 9:39

Me ga’ar Jesus, “Ku gub ngaray nga fayleng ni nggu ki’eg e girdi’ ni fan e pi’in yad bmalmit e ngar guyed ban’en, ma pi’in yad be guy ban’en e ngar malmitgad.”

Isaiah 50:4

SOMOL ni Th’abi Tolang e fil ngog e n’en nggog, ya nge yag ni gu pi’ e athamgil nga laniyan’ e pi’in ke mulan’rad. Gubin e kadbul nma pasignag lanin’ug ni nggu motoyil ko n’en ni nge fil ngog.

Matthew 12:22

Me fek boch e girdi’ be’ nib mo’on i yib ngak Jesus ni be’ nib malmit ma dabiyag ni non, ya ke ying ba mo’onyan’ ngak. Me golnag Jesus fa’anem, nge yag ni non me guy ban’en.

Matthew 21:14

Me yib e pi’in yad bmalmit nge pi’in yad bmarwoth ngak ngalan e Tempel me gol nagrad.

Luke 4:18

“Fare Kan ni Thothup rok Somol e ke yib nga dakenag. Ke gapgep nigeg ni nggu machibnag e Thin Ni Bfel’ ngak e pi’in gafgow, ke l’oegeg ni nggog ngak e pi’in kan kolrad kan tayrad ni bay ni pagrad, mu gog ngak e pi’in malmit ni bay ra guyed ban’en, ma nggu chuweg ko gafgow e pi’in yibe gafgow nagrad,

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Efesus 5:14

ya ren’en ni ka nib ndag ngalan e tamilang e ra mang tamilang. Aram fan ni kanog ni kan ga’ar, “Mu od, i gur e en ni ga be mol, mu fos u fithik’ e yam’! Me gal ram’en Kristus nga dakenam.”

Isaiah 43:8

Be ga’ar Got, “Mpininged e girdi’ rog nga tafen e puf oloboch. Bay lan owcherad, machane yad ba ma’ew; bay telrad, machane yad bbaling!

Proverbs 20:12

SOMOL e pi’ lan owochdad ni ngad guyed ban’en ngay nge teldad ni ngad rung’aged ban’en ngay.

Exodus 4:11

Me ga’ar SOMOL ngak, “I mini’ e pi’ l’ugun e girdi’? I mini’ e ma gagiyegnag e girdi’ nge par nike baling ara dabkiyag ni nge non? I mini’ e ke tay e girdi’ ni nge guy ban’en, ara tay nib malmit? I gag SOMOL.

Acts 26:18

Me gur e ngam pithig owcherad ngam pingegrad ngar pi’ed keru’rad ko lumor miyad sap ko tamilang, ma ga pingegrad ngar pi’ed keru’rad nga gelngin Satan miyad pigicheal ngak Got, yu daken e michan’ rorad ngog e bayi n’ag Got fan e denen rorad riy me yag ngorad tagil’rad u fithik’ e pi’in ke mel’egrad Got ni ngar manged girdi’en.’

John 11:37

Machane me yog boch i yad ni lungurad, “Gathi ir fa’anem ni chuweg e malmit rok fare mo’on? Ere gur dabiyag rok ni nge tay Lazarus ni dabi yim’?”

Isaiah 48:8

Gu manang ni dabyag ni nge pagan’uy ngomed, ya go’ yi manangmed ni gimed ba tatogopluw. Aramfan ni dawor mu rung’aged murung’agen e ran’ey, aramfan ndariy bbug e thin riy ni thap nga telmed.

BABYOR NI JOB 33:16

Ma pagrad ngar rung’aged e n’en ni be yog, miyad rus ko tin ni be puwan’nag ngorad.

Jeremiah 6:10

Mu gu fulweg nug ga’ar, “I mini’ e cha’ nra motoyil ngog ni fa’anra gu non ngorad nggu machib ngorad? Ya yad ba gelan’ ma dubrad ni ngar motoyilgad ko thin rom; ur minmingad ko n’en ni u mog ngog ni nggog.

Isaiah 42:18

I SOMOL e be ga’ar, “Motoyilgad, gimed e pi girdi’ baling! Gimed e malmit, mu uthumed e changar romed!

Isaiah 50:5

SOMOL e ke tamilangnag an’ug, ma dawor gu togopluw ngak ara gu pi’ keru’ug ngak.