Isaiah 35:10 - Bible Ni Thothup

¹⁰ Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

Isaiah 35:10 Referans Kwoze

Revelation 21:4

Ma bayi n’ag urngin e lu’ u owcherad. Ma aram e dab ku unim’, ma dabki i kireban’uy, ma dab ku un yor, ma dab ku un amith. Ya tin kakrom ban’en e ke chuw.”

Isaiah 30:19

Gimed e girdi’ ni gimed ma par u Jerusalem e bay mu pired ndab kum yorgad. Ya SOMOL e rib wurngan’, nap’an ni gimed ra yornag e ayuw ngak, ma ra fulweg taban e meybil romed.

Isaiah 25:8

Ma SOMOL ni Th’abi Tolang e bayi kirebnag gelngin e yam’ ni manemus! Bayi faley e lu’ u owchen gubin e girdi’, me girdi’ rok ni yad ba yath u wan’ e fayleng ni ga’ngin ni ur gafgowgad riy e bayi museg. I SOMOL, e ir e be yog e pi thin ney.

Jude 1:21

um pired ni gimed bt’uf rok Got, ma gimed be sonnag e Somol rodad i Jesus Kristus ni nge pi’ e yafos ndariy n’umngin nap’an ngomed ni bochan e be runguymed.

1 Timothy 2:6

ni ir e pi’ ir nge biyuliy urngin e girdi’ ngak Got. Ireram e mich riy ko re ngiyal’ i n’en ni turguy Got, ni ba’adag Got urngin e girdi’ ni ngar thapgad ngak,

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”

Isaiah 65:19

Me gag e ri bay gu felfelan’ ni bochan yu Jerusalem nge girdi’ rok. Bayi par ndakuriy e meyor u rom, ma dab kun ning e ayuw.

John 16:22

Ere ku ireray e n’en ni bay mu rin’ed: chiney e ke kireban’med, machane bay kug guymed bayay, ma bay mfelfelan’gad, ni fa mit nem e felfelan’ ndariy be’ nrayag ni nge fek romed.

Matthew 20:28

ni bod e en ni Fak e Girdi’ nde yib ni ngan pigpig ngak, machane yib ni nge pigpig me pi’ e pogofan rok nge biyuliy bo’or e girdi’ ngay.”

Psalms 84:7

Ra yad be yan ma yad be gel i yan, bay ra guyed fare Got ni ir e th’abi ga’ u fithik’ e pi got u Zion!

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!

Isaiah 60:20

Pi rran ni i yib e gafgow ngom riy e bayi mus. I Gag SOMOL e bay gu mang tamilang ngom ni dariy n’umngin nap’an, Nib thil ko yal’ nge pul ni l’agruw ni bayi m’ay ram’en.

Psalms 51:8

Mu suguyeg ko felfelan’ nge fel’ laniyan’; ni yugu aray rogon ni kam masengseng nigeg ma kam t’areg, mu kug felfelan’ bayay.

Psalms 107:2

Mu uned ngog i pining e sorok ngak SOMOL, ni gimed gubin e pi’in nike ayuwegmed u pa’ e to’ogor romed. I ir e ke lagmed u pa’ e pi to’ogor romed,

Psalms 126:5

Mu gagiyegnag e pi’in ni ur wolduggad ma yad be yor ngar kunuyed wom’ngin e woldug rorad u fithik’ e felfelan’!

Isaiah 1:27

Ya SOMOL e ba mat’aw ere bayi mat’awnag yu Jerusalem nge en ke pi’ keru’ ko kireb rok.

Isaiah 9:3

Somol kam pi’ e felfelan’ ni ba ga’ ngorad; kam gagiyeg nagrad kar felfelan’gad. Yad be felfelan’ ko n’en ka mu ngongliy, ni bod e felfelan’ ni be tay e girdi’ ko ngiyal’ ni yad be kunuy e ggan ko woldug rorad, ara ngiyal’ ni yad be f’oth e chugum nra koled u tan e mael.

Isaiah 35:2

Ted ni desert e bayi tang ma be tolulnag e felfelan’; bayi bod feni fel’ ya’an e Burey nu Lebanon, ma ba yong’ol e but’ riy ni bod e ted u Karmel ngu Sharon. Gubin e girdi’ ni bayi guy e muluplup rok SOMOL, nge feni ga’ nge feni gel gelngin.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Isaiah 41:16

Bay mon’rad ngalang; me yib e nifeng i fekrad, me weregrad e nifeng nib gel. Ma aram e bay mu felfelan’ ni bochan e Gag e Got rom; bay mu pining e sorok ngog i Gag fare Got nu Israel ni gub thothup.

Isaiah 65:18

Ngari mfelfelan’gad ndariy n’umngin nap’an ko pin’en ni gag e bay gu sunumiy. Bin be’ech e Jerusalem ni bay gu sunumiy e bay i par nib sug ko felfelan’, ma girdi’ riy e bay ur pired ni yad ba felfelan’.

Jeremiah 30:19

Girdi’ nma par u rom e bay ra tang niged e og magaer nge sorok; ma bay ra tolul gad ngalang ko felfelan’. Fal’eg wa’ath rog ngorad e ngar yo’or gad; towa’ath rog ngorad e bay un tay farad.

Psalms 14:7

Ri gu be meybil nu Zion e nge yib e ayuw riy ngak yu Israel! Rib gel e felfelan’ nra tay e girdi’ nu Israel nap’an nra fal’eg SOMOL rograd bayay!

Psalms 126:2

Ya u da garusgad, ma gadad be tangnag e felfelan’! Me yog yugu boch e nam murung’agdad ni lungurad, “I SOMOL e ke ayuwegrad, ma rogon nike rin’ e ka ni ngat ngay!”

Isaiah 61:7

Tamra’ ni um ted nge moning ni un tay ngomed e bayi m’ay. Bay um pired ko nam romed, ma pi machaf romed e bayi mun daken; ma felfelan’ romed e bay i par ndariy n’umngin nap’an.