Isaiah 35:1 - Bible Ni Thothup

¹ Bay i felfelan’ e ted ni desert, ma floras e bay i puf ko yungi binaw ni kan pag.

Isaiah 35:1 Referans Kwoze

Ezekiel 36:35

Gubin e girdi’ ni bay ur weliyed murung’agen e re nam ney ni i par nike mak’ gerger ma ke thil ke par ni bod fa gi woldug nu Eden, nge rogon e pi binaw ni immoy riy ni kan kirebnag urngin ban’en riy, ma kan iring e pin’en ni immoy riy ka ni pag u gil’ nike tagan, ma ke thil ka ni yororiy ni fan ko mael, ma be par e girdi’ u langgin.

Isaiah 51:3

“Bay gu dag e runguy rog nga Jerusalem, ngak gubin e pi’in yad be par u fithik’ e gafgow u rom. Ni yug aram rogon ni kan n’ag e re but’ rok nem, ma bay gu mangnag bangi milay’, ni bod fare milay’ ni gu yung u lan yu Eden. Madnom nge felfelan’ e yira tay u rom, mi ni tangnag e sorok ngog nge ogmagaer.

Isaiah 27:6

Lan e pi rran nem ni bayib e girdi’ nu Israel, ni owchen Jakob e bayib lik’ingirad ni bod ba ke gek’iy, nge puf e floras riy nge yib wom’ngin. Fayleng e ra sug daken u wom’ngin ni be k’uf.

Isaiah 4:2

Bay bangiyal’ ni bayi taw ngay mra tugulnag SOMOL gubin e woldug nge gek’iy u daken e but’ nge dammal me fel’ ya’an. Gubin e girdi’ nu Israel nra magachgad ni yad bfos e yad ra felfelan’ miyad uf nga yong’olen e but’.

Isaiah 40:3

Ba lam ni be non ni ba ga’ gaman e be ga’ar, “Mon’ed bpa’ i kanawo’ u daken e ted ni fan ngak SOMOL! Mu tamilang niged e wo’ u daken e ted ni fan ngak e Got rodad!

Isaiah 29:17

Dabki n’uw nap’an ma fare loway nu Lebanon e bayi par ni bangi flang ko woldug, ma fare gi flang ko woldug e bay ki sul nge buchwo’ i gek’iy bayay.

Psalms 97:8

Ke felan’ e girdi’ nu Zion, nge pi binaw nu Judah e yad be felfelan’ ni bochan e tin ka mu tirigiliy, I gur SOMOL.

Psalms 48:11

nge felfelan’ e girdi’ nu Zion! Ga ma pufthin nib mat’aw; nge felan’ e pi binaw nu Judah!

Isaiah 27:10

Fare binaw ni kan yororiy ni fan ko mael e ke magoth ke par ni go bang i ted ni dakriy ban’en riy. Bayi par ni bang i tagil’ e garbaw nrayag ni ngu’ur toffangad riy miyad be kay e pan.

Psalms 96:12

mu fefelan’gad gimed gubin e pi flang, nge gubin ban’en ni bay u dakenmed! Pi gek’iy u magerger e bay ra tolul niged e felfelan’

Tang Ko Pitang 2:1

I gag e kemus ni gu ba floras u ma’pan u Sharon, ni floras ni giyab nu loway.

Isaiah 6:11

Me lungug, “SOMOL, uw n’umngin nap’an ni nge par ni aray rogon?” Me ga’ar, “Nge mada’ ko ngiyal’ nike mogoth fapi binaw ni dakuriy be’ riy; ma pi naun ni bay riy e dakriy be’ nma par riy, nge ngiyal’ ni kann’ag e re nam ney ni dakriy ban’en ni bfel’ ngay.

Isaiah 7:21

“Ra taw ko ngiyal’nem, ma fa’anra kemus ni ta’reb e garbaw nge l’agruw e kaming ni bay rok be’,

Isaiah 25:9

Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”

Isaiah 35:6

Pi mugutgut e bay ra oggad ngalang ngu’ur churu’gad, ma pi’in ndabiyag ni ngar nonod e bay ur tolul niged e felfelan’. Ma bay i yan yu pa’ i lul’ u daken e ted ni desert;

Isaiah 42:11

Ted ni desert nge yochi binaw riy e ngar pininged e sorok ngak Got; girdi’ nu Kedar e ngar pininged e sorok ngak! Pi’in yad be par u lan e binaw nu Sela e ngar tolul niged e felfelan’ u p’ebugul e pi burey!

Isaiah 43:19

Mu sapgad ko n’en nib be’ech ni nggu ngongliy. Be yib i m’ug e chiney, rayag ni ngam guyed e chiney! Bay gu ngongliy bpa’ i kanawo’ nge yan u daken e ted, mu gu pi’ yu pa’ i lul’ ngomed u rom.