Isaiah 34:7 - Bible Ni Thothup

⁷ Girdi’ e bay i thig ni bod e gamanman ni garbaw ni malboch nge pifak e garbaw, ma fayleng e bayi row ko racha’ me sug daken ko mam.

Isaiah 34:7 Referans Kwoze

Psalms 68:30

Mu puwan’ ngak Egypt, fare gamanman ni malboch nu fithik’ e ra’uy; mu puwan’ ko pi nam, fa ran’ i garbaw ni pumo’on nge pifakrad; nge taw ko ngiyal’ ni go’ kar siro’gad ngom ngar pi’ed e silber rorad ngom. Mu werwereg e pi’in ba’adag e mael!

Numbers 23:22

I Got e ke fekrad nga wuru’ yu Egypt; Ma cham ni pa’rad ni bod rogon ba garbaw ni pumo’on nib damumuw.

Jeremiah 50:27

Ngan li’ gubin e salthaw rorad! Ngan thang e pogofan rorad! Girdi’ nu Babylon e kar bilged t’ay e gafgow! Ya ke taw ko ngiyal’ ni ngan gechig nagrad!” (

Jeremiah 50:11

I SOMOL e ga’ar, “Gimed e girdi’ nu Babylon, e kam giliw niged fare nam rog. Kam felfelan’gad ma ke puw ufmed gimed be yan yan ni bod ba garbaw ni be yot’yot’ e grain nga but’ fa ba os ni be mayngar,

Jeremiah 46:21

Ni mus ko pi salthaw ni yad ma maruwel rok nike m’ay gelingrad ni bod e garbaw ni kab bitir. De yag nra sak’iy gad ngar cham gad. Miyad cheal ni yad gubin ngar milgad. Ke taw nga t’olrad, ni aram e ngilan’ e riya’ ni nge aw ngorad.

Psalms 92:10

Ka mu gel nigeg kug bod feni gel ba garbaw ni malboch; ma ka mu tow’ath nigeg ko felfelan’.

Deuteronomy 33:17

Josef e bod gelngin ba garbaw ni pumo’on, ni bod e gagey rok ba garbaw ni malboch. Gagey rok e fa yu biyu’ i girdi’ rok Manasseh, nge fa yu ragag i biyu’ i girdi’ rok Efraim. Ir e ma yip’ ngak e pi nam nge thuruyrad i yan nga thathran e fayleng.”

Numbers 24:8

Got e fekrad nga wuru’ yu Egypt; me cham ni fan ngorad ni bod rogon ba garbaw ni pumo’on ni damumuw. Yad ma ful’ e pi to’ogor rorad, miyad bilbilig yilrad, miyad tet’ar gan e gat’ing rorad.

Psalms 22:21

Mu lageg u pa’ e pi layon ney; dabiyag ni gu ayuwegneg ko pi garbaw ni malboch ney.

Isaiah 63:6

Fithik’ e damumuw rog e gotgot’ e pi nam riy ngar masengsenggad, me wear e racha’ rorad u but’.”

Jeremiah 25:34

Mu yor gad, gimed e pi’in gimed ma gagiyeg, nge gimed e pi’in gimed ma gafaliy e girdi’ rog, mu yor gad ngalang! Mu yorgad mi gimed be leap u fithik’ e fiyath. Ya ngiyal’ ni ngan li’med e ke anog, bay ni li’med ni bod e saf ni pumo’on.

Ezekiel 32:6

Bay gu pu’og racha’em nge garer u daken e pi burey me suguy e pi lul’.

Ezekiel 39:17

I SOMOL ni Th’abi Tolang e ga’ar ngog, “Fak e girdi’, mu pining urngin e arche nge gamanman ngarbad u gubin yang ngar longuyed fare maligach ni kug fal’eg rogon ni fan ngorad. Ireram ba madnom nib ga’ u daken fapi burey nu Israel, ni gin bay ra longyed e ufin riy miyad be unum e racha’.

Ezekiel 39:18

Yad e ngar longyed downgin e fapi salthaw miyad unum racha’en e pi tayugang’ nu fayleng, ni pi’in ni ngan li’rad ni bod e saf ni pumo’on nge saf ni kab bitir ara kaming ara garbaw ni pumo’on nib sugsug.