Isaiah 34:17 - Bible Ni Thothup

¹⁷ I SOMOL e ir e ra f’oth e binaw rorad nge pi’ ngorad nra bagyad ma pi’ e gi rok. Bay ra pired riy u reb e mfen ngu reb, nge milfan ngorad ndariy n’umngin nap’an.

Isaiah 34:17 Referans Kwoze

Isaiah 34:10

Bayi gak’ ni rran nge nep’, ma be yan e ath riy ngalang ni dariy n’umngin nap’an. Fare but’ e bayi par ni dakriy e fel’ riy u reb e mfen ngu reb, ma dariy be’ ni bay ki milekag u rom bingyal’.

Acts 17:26

Ri ta’reb e pumo’on ni sunumiy, me sum rok e re mo’on nem girdi’en urngin e nam, me tayrad ni ngar pired u daken e re fayleng ney ni polo’. I ir e turguy ko tabolngin e re ngiyal’ i n’en nge yungi n’en ni ngar pired riy!

Jeremiah 13:25

I yog ni irera’ e n’en ni nge buch romed. Irera’ e n’en ke leamnag ni nge rin’ ngomed, ni bochan e ka mu paged talin ke l’agan’med nga yug boch e got ni go’ bogi ban’en.

Isaiah 17:14

Ra blayal’ miyad be k’ar marus, machane ra kadbul mada ramed. Irera’ e n’en nra rin’ urngin e pi’in yad ma giliwnag tafadad.

Psalms 78:55

I tuluf e girdi’ riy nnap’an ni be yib e tirok e girdi’ i yib; me f’oth e binaw rorad u pa’ e ganong nu Israel me pi’ taferad ko tirok e girdi.

Joshua 18:8

Me yan fapi pumo’on ni aram e ngar yaliyed ngar yoloyed ya’an e re nam nem u but’ u tomuren nike yog Joshua ngorad e tin ni ngar rin’ed ni ga’ar: “Mmarod u daken e re nam ney ni ga’ngin ngam yoloyed rogon ya’an u but’, mi gimed sul ngog. Ma aram u roy u Shiloh e bay gu fith lanyan’ SOMOL riy ni fan ngomed ko pow ni ngan girengiy.”

Acts 13:19

Me therbeg Got girdi’en medlip e nam ni immoy u daken e nam nu Kanaan, me fek e tirok’ e girdi’ nge tayrad ngay nge mang yad e mil suwon e gi nam nem ngorad.

Isaiah 17:13

Fapi nam e kar gurgad i yib ni bod payngin e n’ew, machane Got e puwan’ ngorad miyad sul nga tomur, rchuwgad ni bod e fiyath ni un ko nifeng u barba’ e burey ara pan ni mlik’ u fithik’ e nanyor.

Isaiah 34:11

Ma arche’ ni owl nge gapluw e bay ra tafned fare binaw. I SOMOL e bayi gagyeynag bayay nge par ndariy ban’en ni bfel’ riy, ni bod rogon ko som’on ni sunmiy urngin ban’en.

Deuteronomy 32:9

Ma pi’in owchen Jakob e ir e mel’eg ni ir e nge par rok.