Isaiah 34:16 - Bible Ni Thothup

¹⁶ U lan fare ke babyor rok SOMOL e rayag ni ngam sapnag ngam pir’eg e gin kan yoloy ngay ni be yog riy, ni dariy ta’reb e tin ni sunmiy Got nra malog, ma dariy reb nra par ndariy e pluw rok. I SOMOL e keyog ni aray rogon; i ir e bayi kunuyrad nga ta’bang.

Isaiah 34:16 Referans Kwoze

Psalms 33:9

Ya nap’an ni non, me sum e fayleng; miki non, me yib i m’ug urngin ban’en.

Joshua 1:8

Thangri dab mu pag talin fare babyor ko Motochiyel, thingar um fil ni rran nge nep’, ma ngam guy rogon ngu’um rin’ urngin ban’en ni bay riy ni kan yoloy. Ma aram e ra fel’ rogom ma ga ra man’og.

Matthew 5:18

Mu ted ngan’med e re bugithin ney! N’umngin nap’an ni ka be par e tharmiy nge fayleng e dariy bochiyang u reb e yol ara bochiyang ko Motochiyel nra nn’ag — ya fin ra taw nga tomuren urngin ban’en.

Psalms 33:6

I SOMOL e non me sum e pi tharmiy, I non me sum e yal’ nge pul nge pi t’uf.

Isaiah 30:8

Got e yog ngog ni nggu yoloy ngalan ba ke babyor e n’en nib mrin’ e girdi’, ya ngi i par ni be micheg ferad kireb.

John 10:35

Gadad manang ni n’en ni be yog e babyor nib thothup e ba riyul’ ndariy n’umngin nap’an; i pining Got e pi got ngak e pi’in ni pi’ e thin rok ngorad.

Proverbs 23:12

Mu l’eg i lim ko sensey rom ma ga fil gubin nrayag rom.

Luke 21:33

Tharmiy nge fayleng e bay chuw; ma thin rog e ri dabi math bi’id.”

Malaki 3:16

Ma girdi’ ni bay madgun SOMOL u wun’rad e ur welthingad ngorad, ma be motoyil SOMOL ngorad me rung’ag e thin ni yad be yog. Bay ba ke babyor rok ni kan yoloy ngay murung’agen e pi’ini bay madgun SOMOL u wun’rad ma yad be tayfan.

Amos 3:7

I SOMOL ni Th’abi Tolang e dariy ban’en nma rin’ nder ma dag ngak e pi profet, ni aram e pi tapigpig rok.

Isaiah 58:14

ma aram e gimed ra pir’eg e felfelan’ nma yib ko pigpig ni yima tay ngog. Ma gu ra gagiyeg nagmed ngu’un tay famed u gubin yang u fayleng; me fel’ rogomed ko re nam ni gu pi’ ngak e ga’ romed i Jakob. I Gag SOMOL e kugog e pi thin ney.”

2 Peter 1:19

Aram fan ni kari pagan’mad ko thin rok Got ni i weliy fapi profet. Bfel’ ni ngam tiyan’med ko pi thin nem, ya bod ba magal ni be par ram’en u fithik’ e lumor nge yani mada’ ko fare Rran ni nge puf e woch riy me gal ram’en fasiran, ni t’ufen e kadbul, nge tamilangnag lanin’med.

Isaiah 1:20

Machane fa’an gimed ra siyeg mi gimed togopluw ngog, ma aram e gafgow gimed ya ngam m’ad. I Gag SOMOL e kugog e pi thin ney.”

Genesis 6:17

Ya bay gu pi’ e ran nge yib nga daken e fayleng ni nge thang mit urngin ban’en nib fos. Ma urngin ban’en ni bay u daken e fayleng ni bay yim’,

John 5:39

Gimed ma be’eg e babyor nib thothup; ya gimed be finey nu fithik’ e re thin nem e gimed ra pir’eg e yafos ndariy n’umngin nap’an riy. Ma pi thin nem ni gimed be be’eg e be weliy murung’ageg!

Deuteronomy 31:21

ma aram e bayi pire’ e gafgow nrib gel ni bayi yib ngorad, machane re tang ney bay i par ni yibe yin’ nib togopluw ngorad, ya pi’in owcherad e bay ur pired ni ka yad be yin’ e re tang ney. Mus ko chiney u m’on ndawor gu fekrad i yan ngalan e re nam nem ni gu micheg ni bay gu pi’ ngorad ma gu manang e n’en ni yad be leamnag.”

Isaiah 14:31

Gimed gubin e binaw nu Filistia ni bay um gawolgad ngalang ma gimed be yornag e ayuw! Mu rusgad ni gimed gubin! Be yib byil’ i ath ko lel’och ni barba’ i salthaw ndariy buchu’uw i marus rorad.

Isaiah 40:5

Ma aram e bayib i m’ug feni muluplup’ SOMOL, ma urngin e girdi’ nu fayleng ni bayi guy. I SOMOL e ke micheg e pi thin ney.”

Isaiah 40:26

Mu sapgad ngalan e lang! Mini’ e sunumiy e pi t’uf ni gimed be guy? En ni be pow’iyrad ni bod baraba’ i salthaw ni pire’; e manang uringrad, ma pining fithingrad ni tata’ reb! Gelngin e rib ga’, dariy reb nike yan ngabang!

Isaiah 21:17

Pi’in ma mun gat’ing e aram e pi’in th’abi falu’ u Kedar, machane buchu’uw i yad e ra par nib fos. I Gag SOMOL ni Got nu Israel, e gu be non.”

Zekariah 4:6

Fare engel e yog ngog ni nggu pi ngak Zerubbabel e re thin ney rok SOMOL: “Bay mman’og ni gathi gelngin e salthaw rom, ma gathi gelngim, ya gelngig.