Isaiah 34:11 - Bible Ni Thothup

¹¹ Ma arche’ ni owl nge gapluw e bay ra tafned fare binaw. I SOMOL e bayi gagyeynag bayay nge par ndariy ban’en ni bfel’ riy, ni bod rogon ko som’on ni sunmiy urngin ban’en.

Isaiah 34:11 Referans Kwoze

Lamentations 2:8

I SOMOL e turguy ni fare yoror nu Zion e thangri aw nga but’; I pag e fol nga daken ni nga ri mich ni nge mogothgoth nib polo’. Pi wulyang nge rungrung riy e chiney e go’ bay u but’ nike mogothgoth.

2 Kings 21:13

Bay gu gechignag yu Jerusalem ni bod ni kug rin’ nga Samaria, ni ku bod ni kug rin’ ngak Ahab ni Pilung nu Israel nge pi’in owchen. Bay gu tharbeg girdi’en nge paryu Jerusalem nri dakuriy be’ riy, nikari be’ech ni bod ba raba’ i pilet ni kan’ag e garda’ riy ke be’ech kani pulpaliy.

Zefaniah 2:14

Bayi par e re gin’em nike mang yu ran’ i saf nge garbaw, nge gabin mit e gamanman e yad be par riy. Arche’ ni owl e bay ra pired ko pi naun nike mogothgoth ngu’ur mayngargad u langan e winda. Pi gap’luw e ku yad ra mayngar u langan e tawo’. Ma yungi ren ni cedar ko pi naun riy e bay ni fathiy ngan chuweg.

Revelation 18:2

Me non ni ba ga’ laman ni ga’ar, “Ke waer! Fare Babylon nib gilbuguwan e ke waer! Chiney e kemang tafen e mo’onyan’ nge pi kan nib tagan; urngin mit e arche’ nib golong nge pi arche’ ni fanenikay ni be par u lan yu Babylon.

Isaiah 14:23

Bay gu pilyeg yu Babylon nge bod lan ba mu’ut ni go’ ran, arche’ ni owl e bayi par u rom. Bay gu wolguy yu Babylon ko wolguw nge chuw gubin ban’en riy. I Gag, fare SOMOL ni Gubin ma Rayag Rok e gu be non.”

2 Samuel 8:2

Ma aram miki gel ngak piyu Moab. Me yog ni pi kalbus e ngar thiggad nga but’ min the’egrad ni yu dadalip min li’ l’agruw. Ma aram me par piyu Moab nga tan pa’ ngu’ur pi’ed e tax ngak.

Isaiah 24:10

Lan fare binaw e dakuriy yaramen gubin ban’en riy, ma girdi’ riy e ka ra man’ niged e mab ngorad u naun ni fan e nge dabki buch ban’en rorad.

Psalms 102:6

Gu bod ba arche’ ni malboch u lan e ted ni desert, bod ba arche’ ni owl u bang ni kann’ag nike mogothgoth.

Isaiah 34:17

I SOMOL e ir e ra f’oth e binaw rorad nge pi’ ngorad nra bagyad ma pi’ e gi rok. Bay ra pired riy u reb e mfen ngu reb, nge milfan ngorad ndariy n’umngin nap’an.

Amos 7:8

Me fith ngog ni ga’ar, “Amos, mang e ga be guy?” Me lungug, “Ba fol nib yil’ i gaf ni ba’ ban’en u taban nib tomal.” Me ga’ar, “Mu sap, gu be maruwel ngay ni nge dag rogon gelngin e kireb nike tay e girdi’ rog, ya yad bod bangi rungrung nde k’iy. Dab kug thiliyeg lanin’ug bayay ni nge dab kug gechig nagrad.

Levitikus 11:16

ostrich, nighthawk, seagull, hawk ni demtrug ko mitin ngan riy,