Isaiah 33:6 - Bible Ni Thothup

⁶ me tay e re nam ney nike duwgil. Gubin ngiyal’ nma yoror rok e tirok e girdi’ ma be pi’ e gonop nge llowan’ ngorad. N’en nib th’abi t’uf rorad e madgun SOMOL ni ngi i par u wan’rad.

Isaiah 33:6 Referans Kwoze

1 Timothy 4:8

Dowef ni yima gelnag u fithik’ urngin mit e gosgos e bay fan, machane gel ni yima tay ko bin nib be’ech e pangiy nike pi’ Got e ri ba ga’ fan u gubin ban’en, ya ba ga’ fan ko biney e tamilang nge binem e tamilang.

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

Proverbs 19:23

Mu fol rok SOMOL ma ga par nib n’uw nap’an e yafos rom, ma ga ba gaman ndariy ban’en nra buch rom.

1 Timothy 6:6

Liyor ni yima tay ngak Got e ri ra fel’ rogon be’ riy ni fa’anra kefel’ u wan’ e tin bay rok.

Eklesiastes 7:19

Gonop e kabga’ angin ngak be’ ko ragag i tagagiyeg ni nge yib angirad ngab binaw.

Proverbs 14:27

Ga ba’adag ni ngam liyeg ko yam’? Daguwen SOMOL e ba thang’el ko yafos.

Psalms 28:8

I SOMOL e ir gelngin e girdi’ rok; ma ir e manaf rok e re pilung ni ir e mel’eg.

Isaiah 51:6

Mu changar nga lanelang; ma ga changar ko fayleng! Lanelang e bayi m’ay ngabang ni bod e ath; ma fayleng e bayi wod ni bod e mad nike kaday, ma girdi’ riy e bay i yim’ ni bod e chachangeg. Machane pufrogon nge mat’aw ni nggu fek i yib e bayi par ndariy n’umngin nap’an; aram e gel ni nggu tay ko tomur.

Eklesiastes 7:12

mra yororiyem ni bod rogon e salpiy. Gonop e ra aywegem ndabi buch ban’en rom — irera’ fel’ngin e llowan’.

Proverbs 28:2

Nap’an nra denen ba nam, me yo’or e pilung ni thilthil riy. Machane ba nam e ra gel nge par ni bfel rogon ni fa’anra bay e llowan’ riy, ma pi tayugang’ riy e ba sul lanyan’rad ngorad.

Proverbs 15:16

Kabfel’ ni ga ba gafgow ma bay madgun SOMOL u wan’um ko bin nge yo’or ban’en rom ma der aw e gapas u wan’um.

Psalms 140:7

SOMOL rog nib Th’abi Tolang, ni yoror rog nib el, kam rungrung ngog u fithik’ e mael.

Psalms 45:4

Mman u fanam falu’ ngam gel ni fan ko tin riyul’ nge tin bmat’aw gelngim e ra i gel nigem ko pi mael!

2 Korinth 6:10

kan kirebnag an’mad, ma gubin ngiyal’ nib felan’mad; gowa ri gamad ba gafgow, machane bo’or e girdi’ ni kug fal’eged rogorad; gowa dariy ban’en romad, machane riyul’ ni urngin ban’en ni bay romad.

Proverbs 29:4

Fa’anra ba ga’fan e tin yal’uw u wan’ ba pilung, ma fare nam rok e bay i gel gelngin, machane fa’anra salpiy e ba m’on u w’an, mra gathey e nam rok.

2 Kings 18:7

Ere SOMOL e immoy rok, ma gubin ban’en ni ngongliy me yan ni aw ni bfel’ rogon. Me togopluw ngak fare pilung nu Assyria ni de m’ing ngak.

Proverbs 14:26

Daguwen SOMOL e ma pi’ e ga’an’ nge pagan’ ngak be’ nge chon e tabnaw rok.

Isaiah 11:9

Zion, burey nib thothup rok Got e ra par ndariy e kireb riy ara ban’en nra maad’ad ngak be’. Ma girdi’ ko nam e ri bayi tamilangan’rad u murung’agen SOMOL ni bod rogon lan e yungi day nib sug ko day.

Isaiah 26:1

Bayi taw nga reb e rran nra yin’ e girdi’ e re tang ni ba’aray u lan yu Judah: Binaw romad e ba gel! Got e ir e ma n’uf e pi rungrung riy.

Isaiah 33:20

A mu sapgad nga Zion, ni fare binaw ni ud madnom niged riy e madnom ni fan ngak SOMOL. Mu sapgad nga Jerusalem, nib binaw nra ni par riy ma dabi buch ban’en rok be’! Bay i par ni bod ba tent ndabi rur, ni dabiyag ni nge puw e pin’en ni yuluy riy ma dabi math’ gafan.

Isaiah 45:17

Machane SOMOL e ke chuweg yu Israel u pa’ e to’ogor rok, ma felfelan’ rok yu Israel nike gel e bayi par ni dariy n’umngin nap’an; ma girdi’ rok e dab kun darifan nagrad.’”

Isaiah 51:14

Pi’in yad ba kalbus e dabki n’uw nap’an mi ni pagrad; bay ra pired ko re fayleng ney nib n’uw nap’an me yag ngorad urngin e ggan nib t’uf rorad.

BABYOR NI JOB 4:6

Um par ni ga be liyor ngak Got, ndariy thibngim, ere thangri pagan’um me l’agan’um ngak.

Proverbs 2:5

Fa’an ga ra rin’ ma ga ra nang fan rogon ni ngan rus ngak SOMOL mra fel’ rogon ni ngam nang murung’agen Got.

Proverbs 14:24

Pi’in gonop e yira tow’ath nagrad ko fel’ rogon, ma pi’in balyang e yira nangrad nga farad balyang.

Isaiah 32:17

Ra be’ ma bay i rin’ e tin nib mat’aw, ma aram fan ni bay un par u fithik’ e gapas nge pagan’ ni gubin ngiyal’.

Isaiah 32:18

Pi naun rok e girdi’ rok Got e bay un par riy u fithik’ e gapas ma dabi buch ban’en rorad, ma kem’ay e magafan’ rorad.

Jeremiah 31:34

Ma dakuriy bagayad ni nge machibnag bagayad, ma dakuriy bagayad ni nge weliy e thin ngak bagayad ni nge ga’ar, ‘Ngam nang SOMOL.’ Yad gubin ni bay ra nanged gag ni mus rok e en nth’abi sobut’ nge mada’ ngak e en nth’abi tolang rorad. Bay gu n’ag fan e denen rorad u wun’ug ma dab ku gu leamnag e kireb ni kar ngongliyed. I Gag SOMOL e kugog e pi thin ney.”

Habakkuk 2:14

Bayi sug e fayleng ko tamilangan’ ni bay nnang felngin nge maluplup’en SOMOL ni bod feni sug e regur ko day.