Isaiah 33:13 - Bible Ni Thothup

¹³ Urngin e girdi’ nib chugur nge tin nib mal’af e rrung’aged e tin kug rin’ miyad nang gelngig.”

Isaiah 33:13 Referans Kwoze

Psalms 48:10

Girdi’ u gubin yang e yad be pining e sorok ngom, ma bugwam e ke garer u fayleng i yan. Ga ma gagiyeg nib mat’aw;

Isaiah 49:1

Mu telmed ngog e pi nam nib mal’af, ni gimed e girdi’ ni mal’af! Dawor ni gargel nigeg ma ke mel’egeg SOMOL, me turguyeg ni nggu mang tapigpig rok.

Daniel 3:27

Ma urngin e pilung ko yungi nug, nge pi pilung ko pi binaw, nge pi’in yad mmigid ngak e pi pilung ko pi binaw, nge pi llowan’ ni yad ma puruy’ e en ni pilung e ra mu’ulung gad ni ngar yaliyed e pi girdi’ nem ndariy ban’en ni rin’ e nifiy ngorad. Mus nga piyan lolugrad nde yik’, ma mad rorad e de yik’, ma ku dariy bon e nifiy u dowrad.

Isaiah 57:19

Ma bay gu pi’ e gapas ngak gubin e girdi’, ni tin yad ba chugur nge tin yad bpalog! Bay gu golnag e girdi’ rog.

Isaiah 37:20

SOMOL, ni Got romad, mu aywegmad e chiney u pa’ yu Assyria, ya nge nang urngin e nam u fayleng ni kammus ni gur e Got.”

Isaiah 18:3

Ngam motoyilgad, gimed gubin e girdi’ nma par u fayleng! Mu sap niged bangi flak ni pow, ni ngan tining u daken p’ebgul e burey. Mi gimed motoyil nga lingan e rapa!

Psalms 148:14

I ir e be gagiyegnag e birok e nam be par nib gel, ya nge urngin e tirok e girdi’ miyad pining e sorok ngak, ni piyu Israel, nri yad ba t’uf rok! Ngu’un pining e sorok ngak SOMOL!

Psalms 97:8

Ke felan’ e girdi’ nu Zion, nge pi binaw nu Judah e yad be felfelan’ ni bochan e tin ka mu tirigiliy, I gur SOMOL.

1 Samuel 17:46

Daba’ e nge pi’em SOMOL nga pa’ag; bay ggel ngom, mu gu th’ab k’angam nggu luf lolugem, mu gu pi’ downgin e salthaw ko pi Filistine ngak e arche’ nge gamanman ngar longuyed. Ma bayi nang ga’ngin e fayleng ni yu Israel e bay ba Got rorad,

Exodus 15:14

Pi nam e rrung’aged murung’agen, miyad t’on ko marus; me m’ag e marus piyu Filistine.

Isaiah 52:10

I SOMOL e bayi maruwel nga gelngin nib thothup; bayi ayuweg e girdi’ rok, ma ga’ngin e fayleng ni bay ni guy riy.