Isaiah 33:10 - Bible Ni Thothup

¹⁰ Be ga’ar SOMOL ngak e pi nam, “Chiney e nggu mithmith. Nggu dag fanag gel.

Isaiah 33:10 Referans Kwoze

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Amos 6:1

Kar mu gafgow gad e pi’in ni gimed be par u Zion nib mom urngin ban’en ngomed ndariy ban’en ni be magafan’med ngay, nge gimed e pi’in ni kam pired u Samaria ni gimed be finey ndariy ban’en nra buch romed, ni gimed e pi tagagiyeg ni gilbugwan ko fare nam nu Israel nib ga’, gimed e pi’in ma yib e girdi’ ngomed ni ngam ayuweged!

Zefaniah 3:8

Me ga’ar SOMOL, “Ere yug muson, muson nag fare rran ni bay gu sak’iy nggu togopluw ko pi nam. Kug turguy u wun’ug ni nggu kunuy e pi nam nga ta’bang ya aram e nggu pagrad ngar thamiyed gelngin e damumuw rog. Ga’ngin e fayleng nra mogothgoth ko damumuw rog ni be mo’oruf.

Isaiah 10:33

I SOMOL ni Gubin ma Rayag Rok e bayi pirdi’iyrad nga but’ ni bod papa’ngin e gek’iy nthab u lang. Yu kan nth’abi tolang ma th’abi uf uf e bay ni th’ab nga but’ ngan sobut’nag.

Isaiah 10:16

I SOMOL ni Gubin ma Rayag Rok e nge pi’ e m’ar ni nge gechignag e salthaw rok, ni gowalngin e gowal u dakenrad e be yik’.

Psalms 78:65

Me tomur, me od SOMOL ni gowe ki i mol; bod be’ nib mo’on nib gel nike taf daken ni bochan e wayin.

Psalms 46:10

Be ga’ar, “Mu paged e cham, mi gimed nang ni gag Got, ni gag e th’abi tolang u fithik’ e pi nam, mi gag e th’abi tolang u fayleng!”

Psalms 7:6

SOMOL, mu sak’iy u fithik’ e damumuw rom, mu togopluw ko damumuw rok e pi to’ogor rog, mu od ngam ayuwegneg. Tin nib mat’aw e ir e ga be ta’chiylen,

Exodus 14:18

Nap’an ni gu ra gel ngorad, ma bayi nang piyu Egypt ni gag e SOMOL.”

Isaiah 2:21

Ngiyal’ nra yib SOMOL ni nge rurug e fayleng, ma girdi’ e bay ra mithgad ngalan e pi yiy ko yochi burey ni go’ war ni yad be guy rogon ni ngar milgad ko damumuw rok miyad mith u gelngin nge feni maluplup’.

Psalms 94:16

Mini’ e sak’iy ni pa’ag nge togopluw ko pi’in kireb? Mini’ e mang ngog ngug togopluwgow ngak e pi’in ma rin’ e kireb?

Isaiah 2:19

Girdi’ e bay ra mithgad ngalan e yiy ko yochi burey ni go’ war fa ra kired e low nga fithik’ e but’ ni yad be guy rogon ni ngar milgad ko damumuw rok SOMOL, miyad mith u gelngin nge feni maluplup’, ko ngiyal’ ni bay yib ni nge rurug e fayleng.

Isaiah 5:16

Machane SOMOL ni Gubin ma Rayag Rok e be dag feni sorok ko n’en ni be rin’ nib mat’aw, ma be gagyalnag feni thothup ko pufthin ni be tay ko girdi’ rok.

Psalms 12:6

Tin ma micheg SOMOL e rayag ni nge pagan’uy ngay; bod feni fel’ e silber, ni kan urfiy ke be’ech u mit e nifiy ni medlip yay.