Isaiah 32:4 - Bible Ni Thothup

⁴ Gathi bay ku’ur ngochngochan’ gad ya yad ra ngongol u fithik’ e gumaen’ nge gonop, nge nangfan, ma thin ni bay u rogned e tin nri ir e yad be leamnag.

Isaiah 32:4 Referans Kwoze

Isaiah 29:24

Girdi’ ni balyang e bay ra nanged fan ban’en, ma gubin e pi’in gubin ngiyal’ ma yad be gun’gun’ e yad ra felfelan’ ni ngar filed ban’en.”

Galatia 1:23

Kemus ni tin ke yog e girdi’ ngorad nike lunguy ngorad: “Fare mo’on ni fa’anem ni i gafgow nagdad e be machibnag i yan ko girdi’ murung’agen rogon ni nge mich Kristus u wun’uy, ni ireram fare mich u wun’uy ni ir e i guy rogon ni nge thang!”

Acts 6:7

Ma aram mi i wear e thin rok Got i yan. Ma be yo’or pi gachalpen Jesus i yan, ma bo’or e prist ni pig lanin’rad nge mich Jesus u wun’rad.

Acts 4:13

Me gin girdi’en e re ulung nem ngak Peter nge John ngarogon ndarir rusgow, ma ku ra gin gad ngorow ya ra pir’eged ni yow l’agruw ndariy e sukul rorow. Miyad nang ni yow l’agruw ni’ ni ur unew i yan ngak Jesus.

Matthew 16:17

Me fulweg Jesus ngak ni ga’ar, “Simon ni fak John gur, i gur e rib fel’ wa’atham! Ya re bugithin nir nib riyul’ e gathi ba girdi’ e yib rok ngom, machane Chitamag nu tharmiy e ke pi’ ngom.

Matthew 11:25

Ngiyal’ nem me ga’ar Jesus, “Chitamag, ni gur e Somol nu tharmiy ngu fayleng! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul.

Tang Ko Pitang 7:9

ma langam e bod e bin th’abi fel’ e wayin. Ere mu pag e wayin nge map’ nib puluw ko en gamareg, nge map’ nga daken dap’ilugun nge nguwalen.

Exodus 4:11

Me ga’ar SOMOL ngak, “I mini’ e pi’ l’ugun e girdi’? I mini’ e ma gagiyegnag e girdi’ nge par nike baling ara dabkiyag ni nge non? I mini’ e ke tay e girdi’ ni nge guy ban’en, ara tay nib malmit? I gag SOMOL.

Isaiah 35:4

Nganog ko pi’in ke mulan’rad ni ngan ga’ar, “Mu pired ni gimed ba gel ma dab mu rusgad! Got e bayib i ayuwegmed, me gechignag e pi to’ogor romed.”

Isaiah 35:5

Pi ma’ew e bay ra guyed ban’en ma pi biling e bay rrung’aged ban’en.