Isaiah 32:17 - Bible Ni Thothup

¹⁷ Ra be’ ma bay i rin’ e tin nib mat’aw, ma aram fan ni bay un par u fithik’ e gapas nge pagan’ ni gubin ngiyal’.

Isaiah 32:17 Referans Kwoze

Isaiah 26:3

I gur, SOMOL, e ngam pi’ e gapas nib manigil ngak e pi’in nib muduwgil lanin’rad ma gur e ma lagan’rad ngom.

Psalms 119:165

Pi’in nib t’uf e motochiyel rom rorad e yad bay u lan e yoror ni dabi buch ban’en rorad, ma dariy ban’en nrayag ni nge mulegrad.

Psalms 85:8

Gu be motoyil ko n’en ni be yog SOMOL ni Got; gapas e be micheg ngodad e girdi’ rok, ni fa’anra dab kudsulod ko yupa’ i kanawo’ rodad ni oloboch.

Roma 14:17

Ya gagiyeg rok Got e dariy rogon e abich nge garbod ngay, ya mat’aw, nge gapas, nge felfelan’ nma pi’ fare Kan Nthothup e bay rogon ngay.

1 John 4:17

Ba’aray fan ni rogon nib t’uf Got rodad nge girdi’ e nge yan i aw ngarogon u fithik’dad, ni fan e ngari pagan’dad ko Chirofen ni bayi pufthinnag Got e girdi’ riy, ni bochan e gadad be par u roy u fayleng ni bod ir.

Ezekiel 39:29

Bay gu pu’og e kan nthothup rog nga daken e girdi’ nu Israel ma dakriy bingyal’ ni gu ra pi’ keru’ug ngorad. I Gag fare SOMOL ni Th’abi Tolang e kugog e pi thin ney.”

Isaiah 57:19

Ma bay gu pi’ e gapas ngak gubin e girdi’, ni tin yad ba chugur nge tin yad bpalog! Bay gu golnag e girdi’ rog.

Isaiah 55:12

“Bay mu chuwgad u Babylon u fithik’ e felfelan’; bay ni pow’iymed nga wuru’, e re binaw nem u fithik’ e gapas. Pi burey nge yochi burey e bay ra tanggad, ma pi gek’iy e bay ra tolul niged e felfelan’!

Hebrews 6:11

N’en ni kug m’ad ni bochan e mang e yigi bigimed me par ni be athamgil nge yan i taw ko tomur, nge yag ni yib i m’ug nib riyul’ e pin’en ni ir e be l’agan’med ngay.

Isaiah 48:18

“Fa’an mang e um motoyilgad ko tin kugog nigu reg e thinriy ni ngan rin’! Ma aram e ra map’ e fla’ab nga dakenmed ni bod ba lul’ ni der mlik. Ma aram bay u mu gelgad ko mael ni bod e n’ew ni be lobeb i yib nga dep’el’ay.

2 Korinth 1:12

Ba’aray e ren’en ni gamad ba felfelan’ ngay: lanin’mad e be micheg ngomad ni ngongol romad u roy u fayleng, ni ba ga’ nrogon e ngongol romad ngomed nrogon feni tamilang nge rogon feni yul’yul’ e thin romad ngomed, e Got e i gagiyegnag me ir e pi’ gelngimad nge yag, ma gathi yib ko gonop rok e girdi’.

Ezekiel 37:25

Bay ra pired ko fare nam ni gu pi’ ngak e tapigpig rog i Jakob, ni fare nam ni i par pi chitamangirad ni kakrom riy. Bay ra pired u rom, ma ku er i tay pifakrad nge urngin e pi’in bay yib ni owcherad ni dariy n’umngin nap’an. Ba pilung ni bod e tapigpig rog i David e bay i gagiyeg nagrad ni dariy n’umngin nap’an.

Isaiah 66:12

Be ga’ar SOMOL, “Bay gu pi e fla’ab ngomed ni dariy n’umngin nap’an; fla’ab ko pi nam e bayi map’ ngomed ni bod ba lul’ ndar mlik. Bay mboded bbitir ni be tathuthnag e chitiningin, ni be dibey be ayweg u fithik’ e t’ufeg.

Isaiah 30:15

I SOMOL ni Th’abi Tolang, ni Ir Facha’ nu Israel nib Thothup e be ga’ar ko girdi’, “Mu sulod ngam pagan’med ngog. Ma aram e gimed ra par ni gimed ba gel ma dabki buch ban’en romed.” Machane mu siyeged ni ngam rin’ed!

Isaiah 11:13

Fare nam nu Israel e bay dabki awanrad ngak yu Judah, ma yu Judah e bayi par ni gathi kuyad e to’ogor rok yu Israel.

Proverbs 14:26

Daguwen SOMOL e ma pi’ e ga’an’ nge pagan’ ngak be’ nge chon e tabnaw rok.

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Hebrews 12:11

Ma fa’an bayi gechig nagdad Got, ma gadad finey e ngiyal’ i n’em nre n’em nike yib ngodad e ban’en ni nge kireban’dad ngay, ma gathi nge felfelan’ nagdad. Machane fa’ani tomur riy, ma fa pi’in ni mit nem e gechig e ke yib mangin ngorad ni kar moding gad, e aram e ke yag pulwon ngorad, ni ke gapas lanin’rad ma ke yal’uw pangirad u mit Got.

Psalms 85:10

T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.

Isaiah 11:10

Ra taw nga reb e rran me yib be’ nib pilung ko ganong rok Davib nib be’ech ni nge mang pow ngak e pi nam. Yad ra mu’ulung ngalan fare binaw ni pilung ngar tedfan.

Isaiah 28:12

Ba’adag ni nge pi’ e toffan ngomed me fal’eg lanin’med ni gimed gubin, machane dabumed ni ngam telmed ngak.

Ester 9:30

Re gi babyor ney e ni yoloy ni nge yan ngak gubin e Jew, min pi’ yuyang nge yan ko fa 127 yang i nug ko nam nu Persia. Ni be athapeg e gapas nge fel’rogon nga daken e pi Jew,

Proverbs 1:33

Machane en nra i motoyil ngog e dabi buch ban’en rok. Ra i par nib pagan’ ndariy rogon ni nge rus.”

Isaiah 33:6

me tay e re nam ney nike duwgil. Gubin ngiyal’ nma yoror rok e tirok e girdi’ ma be pi’ e gonop nge llowan’ ngorad. N’en nib th’abi t’uf rorad e madgun SOMOL ni ngi i par u wan’rad.