Isaiah 32:10 - Bible Ni Thothup

¹⁰ Kam pired e chiney ni bfel’ rogomed, machane ngiyal’ney ko binem e duw e bay mpired nike magafan’med, ya dariy wom’ngin e woldug romed ni grape ni ngam t’ared ngam ayuweged nga naun.

Isaiah 32:10 Referans Kwoze

Jeremiah 8:13

“Gu ba’adag ni nggu kunuy e girdi’ rog, ni bod ba girdi’en e woldug nma kunuy wom’ngin e woldug; machane yad bod kenggin e grape ndariy e wom’ngin, fa gek’iy ni fig ndariy wom’ngin; ni mus nga yuwan ma ke mororay. Ere bay gu pag e girdi’ u bang ngar gagiyeg naged fare binaw.”

Isaiah 7:23

“Ra taw ko ngiyal’nem ma yungi woldug ni grapes ni bfel’ nra bang ma bbiyu’ kaen e woldug ni grape ni bay riy, mra bang ma bbiyu’ yang e silber nni pi’ ngay, e bayi sug e pan riy ni bay rachangalen.

Zefaniah 1:13

Urngin e tin ke fel’rogorad riy e bay ni fek u fithik’ e yargal min thirif e pi naun rorad u but’. Dabkur pired bi’id ko pi naun ni yad be toy ara ra unumed e wayin ni bay yib u wom’ngin fa yungi woldug ni grape ni yad be yung.”

Habakkuk 3:17

Yugra yan i par ndariy wom’ngin e gek’iy ni fig, ma dariy wom’ngin e grape; Yugra de k’uf e gek’iy ni olive, ma de k’uf e grain; mus nra yim’ urngin e saf, ma yugra par tafen e garbaw ndakuriy e garbaw riy;

Joel 1:12

Fa yu ke grape nge gek’iy ni fig e ke l’ud, ma gubin e gek’iy nma k’uf e ke mororoy ke yim’. Ke chuw e felfelan’ ko girdi’.

Joel 1:7

Kar kireb niged e yu ke grape rodad ma kar longuyed e yu ke gek’iy rodad ni fig. Kar fathiyed keru’ ni gubin, ke par papa’ngin nike wech.

Hosea 3:4

Fan e ren’ey e bayi par e girdi’ nu Israel nib n’uw nap’an ndariy e pilung rorad ara pi’in ni nga urogned e thin rorad, ma dariy e gamanman ni maligach ni yad be pi’ ngak Got, ma dariy e malang nib thothup ni kan suweg, ma dariy e liyos ara fon ban’en ni yima bey ngay.

Hosea 2:12

Bay gu kirebnag e woldug rok ni grape nge fa yu ke gek’iy rok ni fig, ni i yog ni pi ilingen e ra pi’ed ngak ni bochan e i pigpig ngorad. Bay gu pingeg e yungi grape nge gek’iy ni fi’in nge par nike ba chuwo’ i gerger, ma bay yib e gamanman ni malboch nge kirebnag.

Isaiah 16:10

Chiney e dakriy be’ ni be felfelan’ u lan fa yungi flang nib yung’ol. Dakriy be’ ni be tolul ara be tang u lan fapi milay’. Dariy be’ ni be pirdi’iy e grape ni nge ngongliy e wayin riy; laman e felfelan’ e dakriy.

Joel 1:5

Mu odgad ngam yorgad, gimed e pi tachingaw’; mu yorgad, gimed e pi tamu’un wayin nir; fapi grape ni ngan ngongliy e wayin nib be’ech riy e kan kirebnag.