Isaiah 31:9 - Bible Ni Thothup

⁹ Emperor rorad e bayi mil nike rus, ma pi tolang ko salthaw e bayi gel e marus ngorad ngar n’iged e yungi flak ni yad ma fek ko mael.” I SOMOL e be non, fare SOMOL ni yima liyor ngak u Jerusalem, ma nifiy rok e be gak’ u rom ni fan ko maligach.

Isaiah 31:9 Referans Kwoze

Malaki 4:1

I SOMOL ni Gubin ma Rayag Rok e be ga’ar, “Nap’an ni bayi taw ko fare rran ma bayi mo’oruf e pi’in tolngan’ nge girdi’ ni kireb e leam rorad ni bod e pan nike mlik’. Rofen nem e yad ra mo’oruf ni dariy bochyang rorad nra magay.

Isaiah 29:6

ma SOMOL ni Gubin ma Rayag Rok e bayi lagmed u fithik’ e yoko’ ni be chob e dirra’ riy nib almarin nge durru’. Bayi pi’ e yoko’ ni bay e nifeng riy nib gel nge nifiy ni be gabulbul e daramram riy;

Zekariah 2:5

Ya SOMOL e ke micheg ni ir e bayi mang rungrung nib nifiy u wuru’ fare binaw ni nge yororiy ni dabi buch ban’en riy mu rom e bay i par riy nike sug nag felngin.”

Isaiah 18:3

Ngam motoyilgad, gimed gubin e girdi’ nma par u fayleng! Mu sap niged bangi flak ni pow, ni ngan tining u daken p’ebgul e burey. Mi gimed motoyil nga lingan e rapa!

Isaiah 10:17

Got, ni fare tamilang rok yu Israel, e bayi ngal’ ni nifiy. Got nthothup nu Israel e bayi ngal’ ni daramram, nu lan ta’reb e rran me urfiy urngin ban’en, ni mus ko rachngal nge pan ni makankan.

Isaiah 4:4

Fare gelngin Somol e bayi pufthinnag me machalbognag fare nam me maluknag nge chuweg machan e kireb rok yu Jerusalem nge rracha’ ni u ni pu’og u rom.

Deuteronomy 32:37

Ma aram e bayi fith SOMOL ngak e tirok e girdi’ ni nge ga’ar, ‘Bu uw fapi got ni i pagan’med ngorad?

Deuteronomy 32:31

Pi to’ogor rorad e manang ni tirorad e got e ba waer, dar gelgad ni bod rogon e Got rok yu Israel.

Levitikus 6:13

Thangri i par fare nifiy u daken e altar ni dabi math, ni dariy e ngiyal’ ni ngan pag nge math.

Isaiah 30:33

Kakrom e ni fal’eg rogon bangi tagil e nifiy ni ngan urfiy e emperor nu Assyria riy. Gin’em e ba to’ar ma ba ga’ radan, ma ka ni ubung e l’ud riy ngalang. Ma SOMOL e bayi pogofannag ba yil’ i daramram nge aw e nifiy ngay.

Isaiah 11:10

Ra taw nga reb e rran me yib be’ nib pilung ko ganong rok Davib nib be’ech ni nge mang pow ngak e pi nam. Yad ra mu’ulung ngalan fare binaw ni pilung ngar tedfan.

Isaiah 5:26

I SOMOL e be pi’ e pow ni be pining ba nam nib palog nga orel. Ni be felger nagrad ni ngarbad u tungun e fayleng. Ma yad e ray ni karbad ni papay ni kemus payngirad.

Isaiah 10:16

I SOMOL ni Gubin ma Rayag Rok e nge pi’ e m’ar ni nge gechignag e salthaw rok, ni gowalngin e gowal u dakenrad e be yik’.

Isaiah 13:2

U p’ebgul e burey nib tamilang mag girengiy e flak ko mael ngalang! Ma ga tolul ko pi salthaw ni kam tining pa’am ngalang ni pow ni ngar oggad ko garog ko fare binaw nib tolngan’ e girdi’ riy.

Isaiah 26:1

Bayi taw nga reb e rran nra yin’ e girdi’ e re tang ni ba’aray u lan yu Judah: Binaw romad e ba gel! Got e ir e ma n’uf e pi rungrung riy.

Isaiah 27:7

Yu Israel e dawri gechignag SOMOL ni bod feni gel ni gechignag e pi to’ogor rorad, ma ku dawor nli’ e girdi’ rorad ni bod feni yo’or e pi to’ogor rorad ni kan li’.

Isaiah 66:15

I SOMOL e bayib ni yow e nifiy. Bayib u daken pon e yako’ ni nge gechignag e pi’in be damumuw ngorad.

Isaiah 17:13

Fapi nam e kar gurgad i yib ni bod payngin e n’ew, machane Got e puwan’ ngorad miyad sul nga tomur, rchuwgad ni bod e fiyath ni un ko nifeng u barba’ e burey ara pan ni mlik’ u fithik’ e nanyor.

Isaiah 37:37

Me chuw Sennakerib ni emperor nu Assyria nge salthaw rok u rom miyad sul nga Nineveh.