Isaiah 31:2 - Bible Ni Thothup

² Manang e n’en ni be rin’! Ma pi’ e riya’ nge yib. Ra yog ni nge gechignag e girdi’ ni kireb nge pi’in yad be yoror rorad, ma ra rin’.

Isaiah 31:2 Referans Kwoze

Numbers 23:19

Got e gathi bod e girdi’, nma ban; Gathi ba girdi’ nma thiliyeg laniyan’. Tin nma micheg ni nge rin’ e ma rin’; Ra non ma kem’ay i ngongliy.

Isaiah 45:7

I gag e gu sunumiy e tamilang nge lumor; gu ma fek e fel’ rogon nge gafgow i yib. I Gag SOMOL e gu be rin’ urngin e pin’ey.

Jude 1:25

ta’are Got ni ir e thapegdad ngak u daken Jesus Kristus ni ir e Somol rodad, e ir e ngu’un tay fan, me ir e ngan nang ni ir e ba th’abi tolang, me ir e gubin mrayag rok, me ir e be gagiyegnag urngin ban’en ko tabolngin nge chiney i yan ngam’on ndariy n’umngin nap’an. Amen.

Roma 16:27

I Got nri ta’reb, ni kemus ni ir e ba gonop e ngan tayfan u daken Jesus Kristus ndariy n’umngin nap’an! Amen.

Matthew 24:35

Tharmiy nge fayleng e bay chuw, ma thin rog e ri dabi math bi’id.

Zefaniah 3:8

Me ga’ar SOMOL, “Ere yug muson, muson nag fare rran ni bay gu sak’iy nggu togopluw ko pi nam. Kug turguy u wun’ug ni nggu kunuy e pi nam nga ta’bang ya aram e nggu pagrad ngar thamiyed gelngin e damumuw rog. Ga’ngin e fayleng nra mogothgoth ko damumuw rog ni be mo’oruf.

Amos 3:6

Gur rayag ni yan lingan e yabul ko mael u lan binaw ni dabi rus e girdi’? Gur rayag ni nge aw e riya’ ngab binaw ni gathi SOMOL e pag nge yib?

Jeremiah 10:12

I SOMOL e ngongliy e fayleng nga gelngin; ni gonop rok e sunmeg e fayleng ngay me fil’ath lanelang.

Zekariah 1:6

U daken e pi tapigpig rog nge fapi profet e gu pi’ e motochiyel nge tin ngan kol ayuw riy ngak e pi chitamangimed kakrom, machane miyad fek yathin miyad gafgow u wenegen. Ma aram miyad cheal ngar pi’ed keru’rad ko kireb rorad miyad yog ni Gag fare SOMOL ni Gubin ma Rayag Rok, e kug gechig nagrad ni bay tapgin ni nge aw ngorad ni bod rogon ni kug turguy ni nggu rin’.’”

Ezekiel 29:6

Ma aram e bayi nang gubin e girdi’ nu Egypt ni Gag fare SOMOL.” Be ga’ar SOMOL, “Piyu Israel e gur yu Egypt e be pagan’rad ngom ko ayuw, machane kab gel bochi ley i ren nib wod ngom.

Jeremiah 36:32

Ma aram mu gu fek bang e babyor ni yima bachiy nggu pi’ ngak Baruk ni tayol rog, me yoloy ngay urngin e thin ni gog ngak. I yoloy urngin e thin ni immoy u lan fare gi babyor nsom’on, nge ku boch e thin nib chugur fan ngay.

Jeremiah 10:7

Gur, mini’ e dabi liyor ngom, pilung ko urngin e nam? Bay tapgin ni ngan liyor ngom. Dariy be’ ni bod gur u fithik’ gubin e pumo’on nib gonop ko pi nam fa fithik’ e pi pilung rorad.

Isaiah 32:6

Be’ nib balyang e ma yog e thin ko balyang, mma leamnag e pin’en nib kireb ni nge rin’. N’en ma rin’ nge n’en ma yog e ba togopluw ngak SOMOL, ma dar ma pi’ e ggan ngak e girdi’ ndariy e ggan rorad ara pi’ e garbod ngak e girdi’ ndariy ban’en ni yad ra unum.

Isaiah 31:3

Piyu Egypt e gathiyad e got, kemus ni yad e girdi’! Pi os rorad e gathiyad e kan! Ra maruwel SOMOL, ma re nam nem nib gel e ra muchbu’ nga but’, ma fare nam nib waer ni be yib e ayuw ngak ko fare nam nib gel e ku ra thay; l’agruw nra kireb.

Isaiah 30:3

Ma re pilung nem e dabiyag rok ni nge ayuwegrad, ma yoror ni bayi tay yu Egypt ngorad e bayi ngal’ nib riya’;

Isaiah 28:21

I SOMOL e ra cham ni bod ni rin’ ko fare Burey nu Perazim ngu lan e loway nu Gibeon, ni bochan e nge rin’ e tin ni leamnag ni nge rin’, nib thil nga rogon e tin marin’. Ra mu’nag e maruwel rok, ni maruwel ni dab nnang fan.

Isaiah 22:14

I SOMOL ni Th’abi Tolang ma Gubin ma Rayag Rok e ir e non ngog ni ga’ar, “Biney e denen e dabi chuw machan, u n’umngin nap’an e yafos rorad. I Gag, fare SOMOL ni Th’abi Tolang ma Gubin ma Rayag Rok, e kugog e pi thin ney.”

1 Samuel 2:3

Mu taleged e thin ni gimed be yog ni ba ga’ lammed ni gimed e soromed; ngam th’abed gulungumed ndab ku mu weliyed e thin ko ufanthin. Ya SOMOL e ba Got ni manang urngin ban’en, me ir e ma thabthabelnag urngin e tin be rin’ e girdi’.

Joshua 23:15

Machane rrogon nike rin’ urngin e tin ni micheg nra rin’ ngomed, e ri ku aram rogon nra pag urngin e riya’ nge yib ngomed.

Numbers 10:35

Ma nap’an ni yira fek fare Kahol ko M’ag nni yan, me ga’ar Moses, “SOMOL, mu’un ngomad ngam wereg e pi to’ogor rom, ma ga gagiyegnag e pi’in ni fanenikarad gur ngar milgad!”

Isaiah 1:4

Ka mu riya’gad, gimed girdi’en ba nam ni gimed ba sug ko denen ma kam mak’gad nga but’ ko kireb! Ka mu n’iged SOMOL, ni ir fare Got nib thothup nu Israel, ma kam pi’ed keru’med ngak.

Isaiah 9:17

Ere Somol e dabi digey reb e pagel nge thay nge mil ko gechig, ma dabi runguy e pi’in keyim’ figirngirad nge pi’in kanim’ rorad, ni bochan e ke gubin e girdi’ mada kurir liyorgad ngak Got ma ba kireb ngongolrad, ma urngin e pin’en yad be yog e thin ko balyang. Damumuw rok SOMOL e dawrimus, ni ka be par pa’ nib k’iy ni nge gechig.

Isaiah 14:20

Bochan e mu kirebnag e nam rom ni um thang e pogofan rok e girdi’ rom, aramfan ni dab ni k’ayagem ni bod rogon boch e pilung. Dariy reb i girdi’en e tabnaw rom ni bogi kireb nra magach nib fos.

Isaiah 28:29

Gubin e pi gonop ney e ma yib rok SOMOL ni Gubin ma Rayag Rok. Tin ni tanomnag Got e go’ bfel’, ma urngin ngiyal’ mma yan i aw ni bfel’.

BABYOR NI JOB 12:13

Ma Got e bay e gonop rok ma ba gel gelngin; ma ba tanom ma ir e manang.

BABYOR NI JOB 12:16

Got e ba gel ma gubin ngiyal’ nma par nib gel; en ni kan bannag nge en ke ban e go’ yow bay u tan gelngin.

Isaiah 21:17

Pi’in ma mun gat’ing e aram e pi’in th’abi falu’ u Kedar, machane buchu’uw i yad e ra par nib fos. I Gag SOMOL ni Got nu Israel, e gu be non.”

Isaiah 30:7

Ayuw nra pi’ yu Egypt e mm’ay fan. Ere kug turguy fithingan yu Egypt ni fare ‘Dragon ndabiyag ni nge rin’ ban’en ngak be’.’”