Isaiah 30:8 - Bible Ni Thothup

⁸ Got e yog ngog ni nggu yoloy ngalan ba ke babyor e n’en nib mrin’ e girdi’, ya ngi i par ni be micheg ferad kireb.

Isaiah 30:8 Referans Kwoze

Habakkuk 2:2

Ba’aray e fulweg ni pi’ SOMOL ngog, “Mu yoloy nga but’ e pin’en ni kug dag ngom, ya nge mom nni be’eg.

Isaiah 8:1

I SOMOL e ga’ar ngog, “Mu fek bangi n’en ni ba ga’ yang ni yima yol nga daken ngam yoloy e yol ni ba ga’ ngay ni be ga’ar: ‘Fek Chugom u Fithik’ e Yargal nib Machreg.’

Deuteronomy 31:22

Ka rofen nem me yoloy Moses e re tang nem me fil ngak yu Israel.

Jeremiah 51:60

Kug yoloy ngalan e babyor gubin e riya’ nra yib nga daken yu Babylon, nge ku tin ba’aray ni murung’agen yu Babylon.

Jeremiah 36:2

“Mu fek e babyor ngam yoloy ngay urngin e pin’en ni kug weliy ngom ni murung’agen yu Israel nge yu Judah, nge urngin e pi nam. Mu yoloy urngin e pin’en ni kug weliy ngom ko th’abi som’on ni gu welthin ngom, nap’an ni Josiah e pilung, nge yib nge mada’ ko chiney.

Deuteronomy 31:19

“Ere mu yoloy e re tang ni ba’aray, ma ga fil ngak yu Israel, ya nge mang mich rog nib togopluw ngorad.

Numbers 24:14

Me ga’ar Balaam ngak Balak, “Chiney e nggu sul ngak e tirog e girdi’, machane som’on e nggog ngom e n’en ni bayi rin’ e girdi’ nu Israel ngak e girdi’ rom ko tin bay yib e rran.”

Deuteronomy 4:30

Nap’an ni gimed ra aw nga fithik’ e gafgow ko pin’ey nike buch romed, ma tomuren e gimed ra sul ngak SOMOL ni Got romed ngam folgad rok.

Jude 1:18

Ya fa’an rogned ngomed ni lungurad, “Ra taw ko tin tomuren e rran ma bayi m’ug e girdi’ ni bay ur moning niged gimed, ni girdi’ ni tin nib kireb ni yad be yim’ ni bochan, e ir e yad be fol riy.”

2 Peter 3:3

Bin som’on e thingar mu nanged ni tin tomur e rran e bay yib i m’ug boch e girdi’ riy ni tin ni yad be yim’ ni bochan e ir e be gagiyegnag pangirad. Bay ur mon’oggad ngomed

1 Timothy 4:1

Keyog fare Kan Nthothup nib tamilang ni boch e girdi’ e bay ra n’iged e michan’ rorad ngak Kristus ko tin tomuren e rran; miyad fol ko pi kan ni yad ma lifith l’ugunrad, ni aram e kar folgad ko machib rok e pi mo’onyan’.

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Ezekiel 38:16

Bay mu cham ko girdi’ rog nu Israel ni bod bang i nifeng nib gel ni be th’ab daken fare nam. Nap’an nra taw ko ngiyal’ i n’em, ma bay gu l’oegem ngam giliwnag e binaw rog ni fan e nge gagyel ko pi nam ko gag Mini’, me dag fanag thothup ko n’en ni kug rin’ u dakanam.

Jeremiah 48:47

Machane pi rran ni bay yib e bayi gagiyegnag SOMOL yu Moab nge sul e flaab rok nga tagil’ bayay. Gubin e pin’ey ni yog SOMOL e aram rogon nra taw ngay u puluwon yu Moab.

Jeremiah 23:20

Dabi m’ay nge yan i mada’ ko ngiyal’ nike mu’nag urngin e tin ke leamnag ni nge rin’. Tin bay e rran ni bay fini yib e bayi nang e girdi’ rok fan e pin’ey me tamilangan’rad riy.”

Isaiah 2:2

Tin bayib e rran nga m’on e re burey ni bay e Tempel riy e bayi par ni ir e th’abi tolang u fithik’ gubin e burey, nge m’ug ngalang u fithik’ gubin e burey. Pire’ e nam ni bay rabad ngay,

Deuteronomy 31:29

Gu manang ni bay gum’ ma bay i gel e kireb romed ngam n’iged e pin’en ni kug fil ngomed. Ma bayi taw nga bangiyal’ ni bay mmachda’ niged e riya’, ni bochan e ka mu k’arnged e damumuw ngak SOMOL ya ka mu ngongliyed e tin ni yog ndab mu rin’ed.”

Isaiah 34:16

U lan fare ke babyor rok SOMOL e rayag ni ngam sapnag ngam pir’eg e gin kan yoloy ngay ni be yog riy, ni dariy ta’reb e tin ni sunmiy Got nra malog, ma dariy reb nra par ndariy e pluw rok. I SOMOL e keyog ni aray rogon; i ir e bayi kunuyrad nga ta’bang.

Jeremiah 30:2

e ga’ar ngog, “Mu yoloy ngalan e babyor urngin e tin kugog ngom,

Jeremiah 36:4

Aram mu gu pining Baruk nib mo’on ni fak Neriah, mu gu weliy ngak urngin e pin’en nike weliy SOMOL ngak. Me yoloy Baruk ni gubin ngalan bangi babyor ni yima bachiy.