Isaiah 30:7 - Bible Ni Thothup

⁷ Ayuw nra pi’ yu Egypt e mm’ay fan. Ere kug turguy fithingan yu Egypt ni fare ‘Dragon ndabiyag ni nge rin’ ban’en ngak be’.’”

Isaiah 30:7 Referans Kwoze

Isaiah 2:22

Dab mu tay e pagan’ rom nga daken e girdi’ nra yim’. Mang e yad bfel’ ngay?

Hosea 5:13

“Fa’ani guy Israel feni gel e m’ar nike yib ngak, me guy yu Judah e maad’ad nike tay, ma aram me yan Israel nga Assyria ni nge wenig ngak fare pilung ni nge ning e ayuw, machane de yag rok ni nge gol nagrad ara faseg e maad’ad rorad.

Lamentations 3:26

Ere rib fel’ ngodad ni ngu’ud son gad u fithik’ e gumaen’, ni ngad son niged ni nge mat’aw nagdad ngak.

Isaiah 7:4

Mog ngak nge par nike fal’eg rogon’, ma dabi wagagey laniyan’, ma dabi rus ara magafan’. Damumuw rok Rezin ni Pilung nge yu Syria ni girdi’ rok, nge damumuw rok Pekah ni Pilung e dabi rus ngay, ya dariy ban’en nra rin’, ya bod rogon e ath ni be yib u l’agruw ley i l’ud.

Exodus 14:13

Me ga’ar Moses ngak e girdi’, “Dab mu rusgad! Mu pired ni gimed ba muduwgil, mi gimed guy e n’en ni bayi rin’ SOMOL ni nge yoror romed e daba’ ni dabi buch ban’en romed. Pi girdi’ nem nu Egypt ni gimed be guy e daba’ e gathi bay kum guyed yad bayay.”

Jeremiah 37:7

ngak Zedekiah, “Fa raba’ i salthaw nu Egypt e karbad ni ngar ayuweged gur, machane bay ra sulod nga taferad.

Isaiah 51:9

SOMOL, mu’ od ngam aywegmad! Mu maruwel nga gelngim ngam aywegmad; mu maruwel ngay ni bod ni mu rin’ kakrom. I gur faram e mu theth’ab fare gamanman nu maday ni Rahab nge yochyang.

Isaiah 30:15

I SOMOL ni Th’abi Tolang, ni Ir Facha’ nu Israel nib Thothup e be ga’ar ko girdi’, “Mu sulod ngam pagan’med ngog. Ma aram e gimed ra par ni gimed ba gel ma dabki buch ban’en romed.” Machane mu siyeged ni ngam rin’ed!

Isaiah 28:12

Ba’adag ni nge pi’ e toffan ngomed me fal’eg lanin’med ni gimed gubin, machane dabumed ni ngam telmed ngak.

BABYOR NI JOB 9:13

Damumuw rok Got e dar ma thil. Ke pirdi’iy e pi to’ogor rok nra ayuweged Rahab ni fare kan nu maday ngar togopluwgad ngak.

Psalms 87:4

“Ra gu the’eg e pi nam ni yad ma fol rog, mra gu uneg yu Egypt nge yu Babylonia ngay; ma ku bay gog ni yu Filistia nge yu Tyre, nge yu Ethiopia e bay ku ni mathe’eg ngorad ni girdi’en yu Jerusalem.”

Psalms 89:10

I Rahab nib gel gelngin e kam pirdi’iy ke yim’; gelngim nib gel e ke gel nigem ngak e pi to’ogor rom.

Isaiah 10:3

Mang e gimed ra rin’ ko ngiyal’ ni nge gechig nagmed Got? Ma ba mang e gimed ra rin’ ko ngiyal’ nra girengiy e riya’ u reb e nam nga dakenmed? U uw e gimed ra mil ngay ni ngam pir’egged e ayuw riy? Ma uw e gin gimed ra mithag talinmed ngay?

Isaiah 20:6

Ra taw ko ngiyal’nem, ma girdi’ nma par u pel’ay u Filistia e bay ra ga’argad, ‘Mu changar ko nen ke buch ko girdi’ ni yad e pagan’ rodad ni ngar ayweged gadad u pa fare emperor nu Assyria! Are bu uw rogon ni dab dam’ad?’”

Isaiah 30:5

ma girdi’ nu Judah e bay ra kalgad ngan’rad ni bochan e pagan’rad ngak e re nam nem ndabiyag ni ngan toer ngorad, ni ba nam ndar ma yag ni ngar pi’ed e ayuw ko ngiyal’ nma t’uf e ayuw rorad.”

Isaiah 36:9

Mus ko bin th’abi sobut’ e salthaw nu Assyria ma dabyag ni ngam puluweg, ma chiney ma gimed be tay ngak yu Egypt ni ngar pi’ed e chariot nge pumo’on nma yan u daken e os ngomed.

Proverbs 25:19

Gif ngak be’ ni dabiyag i toer ngak u fithik’ e gafgow nike achngiy, e bod ni ngan yengyeng ban’en ngab nguwol nike thekthek, ara ni mod ngab rifrif nib yaf.