Isaiah 30:22 - Bible Ni Thothup

²² Bay mu feked e pi liyos nni ngongliy ko silber nge pi liyos romed ni ka ni liyef ko gol, ngam n’iged ni bod e dow ni gimed be tolul ni gimed be ga’ar, “Mu chuw riy!”

Isaiah 30:22 Referans Kwoze

Isaiah 31:7

Bay ba ngiyal’ ni be yib ni gimed gubin ni bay mu n’iged fapi liyos ni mu ngongliyed ko silber nge gol ni be waliymed ko denen.

Zekariah 13:2

Ma rofen nem e bay gu chuweg fithngan e pi liyos u daken e re nam ney, nge dab ku’urbad ngan’uy. Ma ku bay gu chuweg u daken e re nam ney e pi profet ni go’ bogi ban’en, mug chuweg u wun’uy chogowen e pi liyos ni nga un tayfan.

Isaiah 46:6

Girdi’ e yad ma bing tafen e salpiy rorad ngar pu’oged e gol riy nga but’; miyad thabthabelnag e silber. Miyad pi’ puluwon be’ nma maruwel ko gol nge ngongliy ba liyos riy; mu ur siro’gad ngay ma yad be meybil ngay!

Hosea 14:8

Ma girdi’ nu Israel e dakriy bochi ban’en ni yad ra rin’ ko pi liyos, ma aram e bay ug fulweg taban e meybil rorad ma gu be ayuwegrad. Bay gu par ni kug mang manaf rorad ni bod fa mit i gek’iy ni yugu ma par nib galunglung yuwan; I gag kenggin gubin e pi fla’ab rorad.”

Ezekiel 36:31

Bay yib ngan’med pangimed nib kireb nge tin tagan ni um ngongliyed, mi gimed dabuymed ni bochan e denen romed nge kireb ni um rin’ed.

Revelation 19:20

Min kol fare gamanman ngan fek, nge fare profet ni yugu ban’en ni ir e i ngongliy e maang’ang u p’eowchen. (Pi maang’ang nem e ir e bannag e pi’in ni bay e pow ko fare gamanman u dowrad, nge pi’in ni ur ted fan ma yad be meybil ko fare liyos nni ngongliy ni ya’an fare gamanman.) Ma fare gamanman nge fare profet ni go’ ban’en e yow l’agruw nnin’row ni ka yow ba fos ngalan fare lipath i nifiy ni sulfur e be urfiy.

Ezekiel 18:6

Dar ma meybil ko pi liyos ni be meybil piyu Israel ngay ara kay ufin e gamanman ni ka ni pi’ ni maligach u altar rok yugu boch e got. Dar ma bannag le’engin be’ nge dabki yul’yul’ ngak figirngin, ara ra pirew be’ ni bpin ko ngiyal’ nib pael.

Lamentations 1:17

“Gu k’iyeg pa’ag, ma dariy be’ nra aywegeg. Ke pining SOMOL e pi to’ogor ni ngar togopluwgad ngog u gubin yang; Pangirad ngog e bod ni gag e dow nib alit.

Isaiah 27:9

Kemus ni ta’reb e kanawo’ nrayag ni ngan n’agfan e kireb nge denen rok yu Israel riy: Thingar ra buthuged e pi altar ni malang rok yug boch e kan ngar bilbilged nge yochyang ni bod e chalk, nge dabki par reb e altar ko incense ara reb e pow rok Asherah ni fare got ni bpin.

2 Kronicles 31:1

Nga tomuren nike m’ay fare madnom ma gubin e girdi’ nu Israel nranod ngalan gubin e pi binaw nu Judah ngar bilged e yu raba’ i malang, miyad th’ab nga but’ e pi pow rok Ashera ni fare got ni bpin, miyad gathay e pi altar nge yungin tagil’ e tayfan rok e pi’in ndar nanged Got. Ma ku aram e n’en ni rrin’ed u daken yu Judah ni ga’ngin, nge fa yuyangi nug rok Benjamin, Efraim, nge Manasseh; ma aram miyad sul ni yad gubin nga taferad.

Matthew 4:10

Me fulweg Jesus ngak ni ga’ar, “Satan, mman ngam chuw! Ya babyor nib thothup e be ga’ar, Mu tay fan Somol ni Got rom ma yigo ir e ngam pigpig ngak!”

Isaiah 40:19

De bod ba liyos nma ngongliy e girdi’ nib salap, ma be’ nma maruwel ko gol e gabdiy e gol nga wuru’, me duwgiliy ay nga daken e silber nge par nike sak’iy.

Ezekiel 7:19

Bay ron’ed e gol nge silber rorad ngalan e yupa’ i kanawo’ ni bod e dow, ni bochan e silber nge gol e dabiyag ni nge aywegrad u nap’an nra pu’og SOMOL e damumuw rok. Dabkiyag ni ngar faned nge gamaneg e ar ar rorad, fa suguy e yal rorad. Ya gol nge silber e fekrad i yan ko denen.

Ezekiel 14:6

“Ere chiney, e ngamog ngak yu Israel ni Gag fare SOMOL ni Th’abi Tolang e gu be ga’ar: Mu kalgad ngan’med mu sulod mi gimed pag e pi liyos romed ni sunsonogor.

Levitikus 13:52

Ma fare prist e thangri urfiy fare n’en, ni bochan e ke garar e pthethaw riy ni dabisiy ni thingar ni kirebnag ko nifiy.

Deuteronomy 7:25

Mu urfiyed e pi liyos ni ya’an fapi kan rorad. Dab mu chogow niged e silber nge gol ni kan tay ko pi liyos nem, ma dab mu feked ni ngam faned, ya fa’an gimed ra rin’, ma ra yib riy’en ngomed. Ya SOMOL e dabun ni nge tay e girdi’ fan e liyos fa ra meybilgad ngay.

Ezekiel 7:20

Immoy bangiyal’ ni ur ufanthin gad ko churwo’ rorad ni bfel’ ya’an, machane miyad fek ngar ngongliyed e pi liyos ni sonsonogor riy. Aram fan ni SOMOL e ke gagiyegnag e fla’ab rorad ke chuwan’rad riy.