Isaiah 30:21 - Bible Ni Thothup

²¹ Fa’an gimed rayan nga wuru’ e wo’ ko ba’ ni mat’aw ara ba’ ni gilay’, ma gimed ra rung’ag lungun nga fiti keru’med ni be ga’ar, “Ba’aray e wo’. Mu leked.”

Isaiah 30:21 Referans Kwoze

Psalms 32:8

Be ga’ar SOMOL, “Bay gu fil ngom e kanawo’ ni ir e ngam man riy; bay gog ngom e tin ngam rin’ ma bay gu fonow nigem.

Isaiah 58:11

Ma gubin ngiyal’ ni bay ug pow’iymed, me felan’med ko pin’en ni bfel’ ni bay gu pi’ ngomed. Mu gu taymed ni gimed ba gel ma dariy e liliy romed. Gimed ra bod ba milay’ ni pire’ e ran riy, ma bod ba alublub nder ma m’ay e ran riy.

Deuteronomy 5:32

“Girdi’ nu Israel, rnopa’med ni ngu’um rin’ed urngin e tin ke tay SOMOL ni Got romed chiylen ngomed. Dab mu paged ta’reb e pi motochiyel rok ndab mu folgad riy.

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

Isaiah 48:17

Fare Got nib thothup nu Israel, fare SOMOL ni ayuwegmed e ga’ar: “I Gag SOMOL ni Got romed, fa en ba’adag ni nge fil ngomed e tin ni bfel’ me pow’iymed ko fare kanawo’ ni ngam marod riy.

Joshua 1:7

Machane mu par ni gab gel, mar dab mu rus, ma ngam guy rogon ni ngu’um fol u urngin fapi Morochiyel ni pi’ e tapigpig rog i Moses ngom. Dab mpag bochiyang riy ma aram e demturug e gin’en ni ga ra yan ngay ma rayag rom e tin ga be muruwliy.

Proverbs 4:27

Mu pithigem ko kireb ngam man u puluwom nga m’on. Dab mu chaf nga wuru’ e wo’.

Isaiah 29:24

Girdi’ ni balyang e bay ra nanged fan ban’en, ma gubin e pi’in gubin ngiyal’ ma yad be gun’gun’ e yad ra felfelan’ ni ngar filed ban’en.”

2 Kings 22:2

Josiah e i rin’ e tin nib m’agan’ SOMOL ngay; ya i folwok rok David ni ga’ rok kakrom, ri i par ni be fol ko urngin e motochiyel rok Got.

Joshua 23:6

Ere nopa’med ni ngu’um folwokgad ma gimed be rin’ urngin e tin kan yoloy ngalan fare ke babyoren e Motochiyel rok Moses. Dab mu n’iged bang riy,

1 John 2:27

Machane gimed e ke pi’ Kristus e Kan Nthothup rok ngomed. N’umngin nap’an ni be par e Kan Nthothup rok romed e dariy rogon ni nge yib be’ i fil ban’en ngomed. Ya fare Kan Nthothup e be fil ngomed murung’agen urngin ban’en, ma tin be fil ngomed e ba riyul’, ma gathi de riyul’. Ere mfolgad ko tin be fil e Kan Nthothup ngomed ngam pired u fithik’ Kristus.

1 John 2:20

Machane ke pi’ Kristus fare Kan Nthothup ngomed, aram fan ni gimed gubin ma kam nanged e n’en nib riyul’.

1 Samuel 12:23

Me gag e ri dab gu tal i pi’ e meybil romed, ya ra dab gu pi’ e meybil romed ma aram e kug denen nib togopluw ngak. Mu gu par ngu’ug fil ngomed e tin bfel’ nge tin nib mat’aw ni ir e ngu’um rin’ed.