Isaiah 30:13 - Bible Ni Thothup

¹³ Gimed ba kireb. Gimed bod bangi rungrung ni simen ma ba tolang nike yan e tha’al riy ke mada’ nga but’; bay mu muchbu’gad nga but’ nib tomgin.

Isaiah 30:13 Referans Kwoze

Isaiah 29:5

Jerusalem, gubin e girdi’ nu bang ni yad be cham ngom e bay ra’ uned ko nifeng ni bod e fiyath, ma yu raba’ i salthaw rorad nib kandaguwen e bay ra changaggad ni bod e chabung. Nib tomgin ni yad ra gin ngay

Proverbs 29:1

Fa’anra urngin ngiyal’ nra un fanow nagem ma ga be gelnag lanin’um, mra yan i reb e rran ma bay mu parde’ u but’ ni dabkum gol.

Psalms 62:3

Bu uw n’umngin nap’an ni ngkum chamgad ngak be’ nike bod feni waer ba yoror nike m’ing?

1 Kings 20:30

Ma pi arorad ni magach ni kabfos e ra milgad ngalan fare binaw nu Afek, me puth e pi yoror ko fare binaw nga daken rliw’ nge medlip bbiyu’ i yad. Ma ku errogon Benhadad niki mil ngalan fare binaw nge yan i mith ngalan ba senggil ni bay u tabgul u ba naun.

Luke 6:49

Machane en ni rung’ag e thin rog ma de fol riy e bod be’ ni toy ba naun nga daken e but’ nde ngongliy e def riy; ma fa’ani sugubur e lul’ nge yib e ran nga daken e binaw nge yib ko fare naun me buthug ni ka chingiyal’ nem — me puth nrib ga’ lingan!”

Matthew 7:27

Me aw e n’uw, nge sugubur e lul’ nge yib nga daken e binaw, me yib e nifeng nib gel i aw ko fare naun me puth. Nrib ga’ lingan ni puth!”

BABYOR NI JOB 36:18

Ngam guy rogon ndab pag be’ nib sasalap nge ban nigem, nge pi fel’ rogon nu fayleng nge waliyem nga wuru’ e wo’.

Psalms 62:4

Kemus ni gimed ba’adag ni ngam girngiyed nga but’ u tagil’ nib gil; ma bfel’ u wan’med e sasalap. Gimed ma yog e thin ni fel’faen, machane lanin’med e be gernagey.

Proverbs 6:15

Bochan e ran’ey, ma bayi aw e riya’ ngorad nib tomgin, ngar maad’adgad nib gel.

Isaiah 22:14

I SOMOL ni Th’abi Tolang ma Gubin ma Rayag Rok e ir e non ngog ni ga’ar, “Biney e denen e dabi chuw machan, u n’umngin nap’an e yafos rorad. I Gag, fare SOMOL ni Th’abi Tolang ma Gubin ma Rayag Rok, e kugog e pi thin ney.”

Isaiah 26:21

I SOMOL e be yib u tharmiy ko gin ma par riy ni nge gechignag e girdi’ nu fayleng ko pi denen rorad. Pi mthang pogofan ni un rin’ nib mith u roy u fayleng e ra m’ug, ma but’ e dabki mithag e pi’in nthang e pogofan rorad.

Isaiah 30:26

Pul e ra ga’ ra’en nge bod e yal’, ma ra’en e yal’ e ra ga’ ni medlip yay nga ra’en ni immoy, ni bod ga’ngin e tamilang u medlip e rran ni kan puthuy nga ta’reb e rran. Ran’ey e ra yodroy ko ngiyal’ nra taflay nge golnag SOMOL e maad’ad ni tay ko girdi’ rok.

Isaiah 47:11

Riya’ e bayib nga dakenam, ma dariy reb e pig rom nrayag ni nge taleg. Ba tomgin nra machade’ nigem e gafgow — ni gafgow ni da i bit ngan’um!

Isaiah 48:3

Be ga’ar SOMOL ngak yu Israel, “Kakrom e u gog ko mang e nge buch; mu gu gagiyegnag nge taw ngay nib tomgin.

Isaiah 58:12

Girdi’ ko tabinaw romed e bay ra toyed e pi naun nike puth kakrom, bay ra dimowgad bayay nga daken e pi def nike kakrom. Bay nnangmed ni gimed e girdi’ ni ka mu fulweged e yoror nga rogon, ma kam toyed bayay e pi naun ni puth.”

Isaiah 65:7

puluwon e denen rorad nge denen ko pi chitamangirad ni kakrom. U ra urfiyed e incense u tagil’ e meybil u daken e burey ngak boch e got ma u rogned gag nga kireb. Ere bay gu gechig nagrad nib m’ag ko pi ngongol rorad ni kakrom.”