Isaiah 30:12 - Bible Ni Thothup

¹² Machane ba’aray e n’en ni be yog fare Got nu Israel nib thothup ni be ga’ar: “Ka mu feked yathin e n’en ni kugog ngomed ma kam toergad ko cham nge sabanban.

Isaiah 30:12 Referans Kwoze

Isaiah 5:24

Ere chiney, e ri bod e kenggin e uchel nge pan nike mlik ni be yik’ u fithik’ e nifiy, lik’ngimed e bayi malad ma mak’uf romed e bayi fengfeng nge changag ngabang, ni bochan e ka mu n’iged SOMOL ni Gubin ma Rayag Rok, ni fare Got nib thothup nu Israel.

1 Thessalonika 4:8

Ere cha’ nra n’ag e re machib ney e gathi ke n’ag e girdi’, ya ke n’ag Got ni ir e ma pi’ e Kan Nthothup rok ngomed.

Amos 2:4

Be ga’ar SOMOL, “Girdi’ nu Judah e kar denen gad bayay nge bayay, erfan nri bay gu gechig nagrad. Ya kar darifan niged e machib rog ma darir folgad ko thin ni kugog. Ke waliyrad e pi got rorad ni go’ bogi ban’en nga wuru’ e wo’, ni bogi got ni i pigpig e pi chitamangirad ni kakrom ngorad.

Isaiah 47:10

“I pagan’um ngom u fithik’ e kireb rom; um leamnag ni dariy be’ nrayag ni nge guyem. Gonop rom nge fanam llowan’ e ke waliyem nga wuru’ e wo’, mag ga’ar u wun’um, ‘I gag Got — dariy be’ ni bodeg.’

Luke 10:16

Me ga’ar ngak pi gachalpen, “En nra motoyil ngomed, e ke motoyil ngog; ma en nra dabuymed e ke dabuyeg; ma en nra dabuyeg e ke dabuy e cha’ ni ir e ke l’oegeg ku gub.”

Jeremiah 13:25

I yog ni irera’ e n’en ni nge buch romed. Irera’ e n’en ke leamnag ni nge rin’ ngomed, ni bochan e ka mu paged talin ke l’agan’med nga yug boch e got ni go’ bogi ban’en.

Isaiah 30:7

Ayuw nra pi’ yu Egypt e mm’ay fan. Ere kug turguy fithingan yu Egypt ni fare ‘Dragon ndabiyag ni nge rin’ ban’en ngak be’.’”

Isaiah 30:1

I SOMOL e ke ga’ar: “Pi’in yad be gagiyegnag yu Judah e ka ni turguy e gechig nga dakenrad, ya yad be togopluw ngog. Yad be fol u bogi n’en ni gathigag e gu turguy, ma yad be sayinnag e babyor ko m’ag u thilrad nge boch e nam nib togopluw ko tin nib m’agan’ug ngay. Yad be yin’ daken e denen ni yad be rin’.

Isaiah 28:15

Gimed be uf ni ka mu ngongliyed e m’ag u thilmed nge yam’, ma ke ta’reb lungmed fare fayleng ko yam’. Mmich u wun’med nra yib e riya’ ma dabi bit’ ngomed, ya gimed be toer ko malulifith l’ugun nge sabanban ni nge yororiymed ndabi buch ban’en romed.

Isaiah 5:7

Israel e fa gi woldug ni grape rok SOMOL ni Gubin ma Rayag Rok; girdi’ nu Judah e yad fapi woldug ni grape ni i yung. I leamnag ni ngu’ur rin’ed e n’en ni bfel’, machane dar rin’ed miyad par ngu’ur thanged e pogofan! I leamnag ni ngu’ur rin’ed e n’en nib manigil, machane pi’in ur gafgow niged e ra yor niged e tin bmat’aw!

Psalms 62:10

Dabi pagan’med nga fanmed yargal; dabi l’agan’med ko n’en ni yibe iring; ma ku ra mun daken e fel’ rogon romed, ma dabi pagan’med ngay.

Psalms 52:7

“Muguyew, ba’aray facha’ nda i naf ngak Got ni nge ayuweg, ya i pagan’ nga feni yo’or bogi ban’en rok, ma fel’ rogon rok e ke mang yoror rok.”

Proverbs 24:2

K’ar oloboch e kemus e tin yad ma leamnag; gubin ngiyal’ ni yad ra pithig langrad me nge gafgow be’.

Isaiah 3:14

I SOMOL e ke fek e pi’in pi’lal nge pi’in tayugang’ ko girdi’ rok ko pufthin. Me yog e tin ka ra bucheged ni ga’ar: “Kam giliw naged e pi milay’ ko grape, ma pi naun romed e ba sug ko pin’en ni ka mu feked ko pi’in gafgow.

Isaiah 3:15

Dariy mat’awmed ni ngam pirdi’iyed e girdi’ rog, ma ke mang i tay ngomed ni ngu’um gafgow niged e pi’in gafgow. I Gag, fare SOMOL ni Th’abi Tolang ma Gubin ma Rayag Rok, e kugog e pi thin ney.”

Isaiah 7:9

Yu Israel e de gel ko fare binaw ni tochuch rok nu Samaria, ma yu Samaria e de gel ngak Pekah ni Pilung. “Fa’anra dabi muduwgil e michan’ romed, ma dab mmuduwgilgad.”

Isaiah 8:6

ni ga’ar, “Bochan e ke dabuy e girdi’ ko re nam ney e ran ko Lul’ nu Shiloah ni be yan nib sowath, ma yad be rus ngak fa gal pilung ni Rezin nge Pekah ma karanod ra m’aged e fager ngorow,

Isaiah 26:21

I SOMOL e be yib u tharmiy ko gin ma par riy ni nge gechignag e girdi’ nu fayleng ko pi denen rorad. Pi mthang pogofan ni un rin’ nib mith u roy u fayleng e ra m’ug, ma but’ e dabki mithag e pi’in nthang e pogofan rorad.

Isaiah 59:4

Ma lan tagil’ e puf oloboch ni ga ra yan ngay, ma tin mat’aw e dariy u barba’ i to’bem. Ya sasalap l’ugun e ir e kam ta’ ngay ni ngam gel riy u kort. Ka mu rin’ e tin nim gonpiy ni ngam gafgownag boch e girdi’ riy.

Isaiah 59:13

Kug togopluwgad ngom, ku gu pi’ed keru’mad ngom, ma da gur leked gur. Gamad be gafgownag boch e girdi’ ku gu paloggad rom. Leam romad e go’ ban, thin romad e go’ malfith.