Isaiah 3:25 - Bible Ni Thothup

²⁵ Arogon, pi pumo’on ko fare binaw ni mada’ ko tin th’abi famsow, ma bay nli’rad ngarm’ad ko mael.

Isaiah 3:25 Referans Kwoze

Amos 9:10

Ma pi tadenen ni bay u fithik’ e tirog e girdi’ e bay nli’rad u fithik’ e mael ngarm’ad, ni urngin e pi’in ni be lungrad, ‘I Got e dabi pag e riya’ nge chugur nga to’obdad.’”

Lamentations 2:21

Fel’ yangren nge pilbithir e go’ yad ba aw’ u lan e kanawo’ ni karmad’. Pumo’on nge ppin ni bfel’ yangeren, e karm’ad ko saydon rok e pi to’ogor. Mu thang e pogofan rorad nide wurngan’um ni gelngin e damumuw rom e rofen nem.

Jeremiah 21:9

Cha’ nra par u lan e binaw e yira li’ ko mael ara uyngol ara liliy. Machane cha’ nra yan nga wuru’ e binaw nge pag ir nga pa’ yu Babylon ni yad e chiney e yad be cham ko fare binaw, e ra par ni dab ni li; mra thay ko yam’ nge par nib fos.

Jeremiah 19:7

U roy e bay gu kirebnag riy urngin e tin kem’ay i leamnag rok piyu Judah nge yu Jerusalem. Bay gu gagiyegnag e pi to’ogor rorad ngar felan’gad u puluwrad ngar li’ed yad u fithik’ e mael. Bay gu pi’ e ldow rorad ngak e arche’ nge gamanman ni malboch nge mang ggan rorad.

Jeremiah 18:21

Machane chiney SOMOL, e gu be wenig ngom ni ngam pag pifakrad nge math e fan rorad ni uyongol; ma ga pagrad ngan li’rad u fithik’ e mael. Mu pag e pi’in ni ppin nge thay figirngirad nge pifakrad u pa’rad; mu pag e pi pumo’on ngarm’ad ko liliy, ma ga pag e pi’in ni pagel ngan li’rad u fithik’ e mael.

Jeremiah 14:18

Nap’an ni gu ra yan nga daken e pi flang ma gu be guy e ldow ko pumo’on ni kan li’rad ko mael; ma nap’an e gu ra yan ngalan e yochi binaw, mu gguy e girdi’ ni yad be yim’ ni mak’iy. Pi profet nge pi prist e ka yad be ngongliy e maruwel rorad, machane dar nanged e n’en ni yad be rin’.”

Jeremiah 11:22

Ma aram me ga’ar SOMOL ni Gubin ma Rayag Rok, “Bay gu gechig nagrad! Pi’in pagel e bay nli’rad u tan e mael, ma pifakrad e bayi math’ owcharad ko bilig.

Isaiah 1:20

Machane fa’an gimed ra siyeg mi gimed togopluw ngog, ma aram e gafgow gimed ya ngam m’ad. I Gag SOMOL e kugog e pi thin ney.”

2 Kronicles 29:9

Pi chitmangidad e nli’rad ngarmad’ u fithik’ e mael, ma pi le’engidad nge pifakdad e ka ni fekrad nga wuru’ e nam ni yad ba kalbus.

Isaiah 65:12

Wolen pa’med ni ngam m’ad ko saydon, ni bochan e damur fulweged lungug ara mmotoyilgad ko ngiyal ni gu be non ngomed. Ya kam turguyed ni dab mu folgad rog ma ngam rin’ed e kireb.

Jeremiah 15:8

Ku gu yo’ornag e ppin nike yim’ e pumo’on rorad nike yo’or ko yan’ ni bay u dap’el’ay. Pi’in ni pagel ni pifakmed nike taw nga fel’ngirad e ku gu thang e pogofan rorad, ku gu gagiyegnag pi chitiningirad ka ra gafgowgad. Gugad paag ngorad nib tomgin ke yib e gafgow nib gel ngorad ma kar pired nga fithik’ e marus.