Isaiah 3:23 - Bible Ni Thothup

²³ nge mad ni mat’uft’uf rorad, nge hangkach ni wech, nge yungi mad ni yima m’ag nga lolgey nge yung i mad nib n’uw yang ni yad ma upnguy lolugrad ngay.

Isaiah 3:23 Referans Kwoze

Revelation 19:14

Ma salthaw nu tharmiy e yad be lek keru’ ni kar afgad nga daken e os nib wechwech ni ka ron’ed e mad nib be’ech ma ba wechwech.

Revelation 19:8

Ya ka ni pi’ mat’awun ni nge yin’ e mad nib be’ech ma ba wechwech ni be galgal ram’en.” (Mad nib wechwech e ireram e ngongol nib mat’aw ni i rin’ e pi’in ni girdi’en Got.)

Luke 16:19

“Immoy be’ nib mo’on ni pire’ ban’en rok nma yin’ e mad nib tolang puluwon ma tin ntolang puluwon ban’en e be kay ma be fanay ni gubin e rran.

Ezekiel 16:10

Mu gon’ e bin th’abi fel’ e mad ni kan sisyunag nga dakenam nge sus rom ni gu pi’ nni ngongliy ko bin th’abi fel’ e keru’ e garbaw, nge ba te’eliyaw nlifeth ko mad ni wech, nga ba wuru’ e man nib mur’mur’ downgin.

Tang Ko Pitang 5:7

Pi tamatnag ko binaw e ra pir’eged gag; miyad pirdi’iyeg ngar maad’adgad ngog; fapi matnag ni yad bay ko yoror ko binaw a ra gochthiyed e thal ni wuru’ e mad rog.

1 Kronicles 15:27

Ke chuw David ngab mad nni ngongliy ko mad ni wech’, ma ku errogon fapi girdi’en e musik, nge Kenaniah ni ir e ma gafaliyrad, nge pi Levite ni yad be fek fare Kahol. Miki chuw David ngab mad ni efod.

Ruth 3:15

Me ga’ar Boaz ngak, “Mu fek e re mad ni be’er ni kamon’ nga daken e mad rom ngam filath nga but’!” Me rin’ ni bod rogon nike yog, me pu’og Boaz gonap’an wugem e pawn e barley ngalan, me ayuweg Ruth ngar chibiyew ngalang ngar tew nga daken pon Ruth; ma aram me sul Ruth ngalan binaw nike fek.

Exodus 38:8

I ngongliy barba’ i dabiy nge ay ko wasey ni bronze, ni ngongliy u yuyang i therik ni fen e ppin ni yad ma pigpig u mit fare Tent u p’eowchen SOMOL.

Genesis 41:42

Me luf Farao e luwew u bugul i pa’ ni bay e pow rok riy nge tay nga bugul i pa’ Josef; me yin’ e mad nib tolang puluwon nga daken Josef, me the’ ba kiy i chen ni gol nga belel’ugun Josef.

Genesis 24:65

me fith ngak fare tapigpig rok Abraham ni ga’ar, “I mini’ e re mo’on ni ba’aram u daken e flang ni be yib i yib ngodad?” Me fulweg fare tapigpig ni ga’ar, “Ir e masta rog.” Me fek Rebekah bangi mad nma upunguy owchen ngay nge upunguy owchen.

Isaiah 3:22

nge pi mad rorad ni fafalel’, nge pi wuru’ e mad rorad, nge ku yugmad rorad nge kabang rorad;

Isaiah 3:24

Florida ni yad ma thiy ngay e thil nge kirebnag bon dowrad, pi le’ed rorad ni fafalel’ e thil nge mang yuyal’ i tal, piyan lolugrad ni bfel’ e thil ngar pired ni kar madro’gad, mad rorad ni fafalel’ e bayi thil nge par ni mad ni mogmogchoth e yad be yin’; tamra’ e bayi yin’ luwan e ufan pidorang rorad.

Isaiah 47:2

Mu cheleg e malang nib tlulbuy! Ngam blig e wheat ngay! Mu luf e mad u owchem ma ga luf e mad u dakenam ni fafalel’! Mu ker e sikato rom ngalang ngam th’ab e pi lul’.

Zekariah 3:5

Me gafaliy fa pi’in yad ni ngar ted ba turban nib be’ech nga lolugen Joshua. Miyad rin’ ni aram rogon, ma aram miyad yin’ e mad nib be’ech nga daken e ngiyal’ i n’em nib sak’iy fare engel rok SOMOL u rom.