Isaiah 3:21 - Bible Ni Thothup

²¹ nge luwaw ni yad ma yon’ nga buglipa’rad nge pethungrad;

Isaiah 3:21 Referans Kwoze

Genesis 24:47

Me lungug ngak, ‘I mini’ e chitamam?’ Me ga’ar, ‘Fak Bethuel gag, mi Bethuel e be’ ni fak Nahor nge Milkah.’ Ma aram mu gu tay fare luwaw nga p’ethungun mu gu yuy’ fa yu gaf i bachal nga pa’.

James 2:2

Susun e errogon me yib be’ nib mo’on ngalan e mu’ulung romed, ni be’ ni bo’or ban’en rok ma bay e luwew nib gol u bugul i pa’ ma be yin’ e mad ni bfel’, miki yib be’ nib mo’on ngalan e mu’ulung romed, ni be’ nib gafgow nib mogchoth e mad rok.

Luke 15:22

Machane me kunuy e chitamngin e pi tapigpig rok nge ga’ar ngorad, ‘Mu gurgad ngam feked i yib e bin th’abi fel’ e mad nga mon’ed nga daken. Mi gimed tay reb e luwew nga bugul i pa’ mi gimed yin’ e sus nga ay.

Ezekiel 16:12

Mu gu pi’ e talbuch ni fen p’ethngum nge telim nge ba te’eliyaw nrib fel’usun ni ngam tay nga lolugem.

Tang Ko Pitang 5:14

Rifrifen pa’ e rib fel’ i chamay, baye luwaw riy nni ayliy e malang ni galgal ngay. Downgin e bpach ni bod e ivory, ni kan ayliy ko sapphire.

Ester 8:12

Re thin ney e ni fanay u ga’ngin yu Persia ko rofen nturguy ni ngan thang mit e Jew, rofen ni ragag nge dalip ko bin ragag nge l’agruw e pul ni Adar.

Genesis 41:42

Me luf Farao e luwew u bugul i pa’ ni bay e pow rok riy nge tay nga bugul i pa’ Josef; me yin’ e mad nib tolang puluwon nga daken Josef, me the’ ba kiy i chen ni gol nga belel’ugun Josef.

Exodus 35:22

Ere rabad ni ppin nge pumo’on ni pi’in nib magan’rad ngay, ni kar feked i yib bogi ping ni bfel’ ya’an, nge talbuch, nge luwaw, nge churwo’, nge gubin mit nunuwan dowey nni ngongliy ko gol, ngar pi’ed ni aram e kar og niged ngak SOMOL.

Isaiah 3:22

nge pi mad rorad ni fafalel’, nge pi wuru’ e mad rorad, nge ku yugmad rorad nge kabang rorad;