Isaiah 29:8 - Bible Ni Thothup

⁸ Urngin e nam ni ka ra mokungad ni ngar chamgad nga Jerusalem e ri bod be’ nike yim’ ko mak’iy me lik’aynag ni be abich me od ni kari yim’ ni mak’iy, fa be’ nike yim’ ko balel me lik’aynag ni be unum e ran me od nib mlik lan ka’ngan.

Isaiah 29:8 Referans Kwoze

Isaiah 44:12

Ba girdi’en e parde’ wasey e fek bangi wasey nge urfiy. Me fek ba ama nga pa’ nib gel nge pirdi’iy fa gi wasey nge ngongliy e liyos riy. Me yib e bilig ngak, nge belel, nge magaer.

Psalms 73:20

A Somol, yad bod ba lik’ay ni kadbul ma dariy; yira od ma ka ni pag talin.

2 Kronicles 32:21

Me l’oeg SOMOL ba engel nge thang e fan rok e salthaw nge tolang ko fa raba’ i salthaw nu Assyria. Ma aram me sul fare pilung nga Assyria nike tamra’. Me yan i reb e rran ni bay u lan e tempel ko got rok, me yib boch i pifak ni pumo’on ni bay e saydon rorad ngar li’ed nge yim’.

Isaiah 54:17

Machane dariy ba talin e cham nrayag ni nge maad’ad ngom; bay u fulweg rom ngak urngin e pi’in yad ra yog ni gab kireb. Bay gu ayuweg e pi tapigpig rog, mu gu gagiyeg nagrad ngar gelgad.” I SOMOL e keyog e pi thin ney.

Nahum 1:15

Mu changar, ke yib bmal’og u daken e pi burey nike fek e thin ni bfel’! Ke yib ni nge weliy murung’agen e gapas! Gimed e girdi’ nu Judah, mmadnom niged e pi madnom romed ngam pi’ed ngak Got e n’en ni mu og niged ngak. Pi to’ogor e dakriy bi’id ni ku yad ra cham u lan tafenmed bayay. Ya yad gubin ni kan thang owcharad.

Psalms 129:5

Mang e yigi urngin e pi’in yad be fananikay yu Zion e ra waergad min tulufrad.

Isaiah 41:11

“Pi’in yad be damumuw ngom e bayi m’ayfarad miyad par ni ka ra tamra’gad. Pi’in yad ra cham ngom e yad ra yim’.

Isaiah 41:12

Pi’in yad ra mael ngom e yira thirifrad u but’.

Nahum 2:1

Nineveh, kan mael ngom! Fare gelngin ni nge biligem e ke yib. Mu fal’eg rogon e talin e cham rom! Mu matanagiy e kanawo’! Mu fal’eg rogom ko mael! (