Isaiah 29:6 - Bible Ni Thothup

⁶ ma SOMOL ni Gubin ma Rayag Rok e bayi lagmed u fithik’ e yoko’ ni be chob e dirra’ riy nib almarin nge durru’. Bayi pi’ e yoko’ ni bay e nifeng riy nib gel nge nifiy ni be gabulbul e daramram riy;

Isaiah 29:6 Referans Kwoze

Mark 13:8

Ya bayi reb e nam me cham ngak reb e nam, ma gin nsuwon reb e pilung e bayi mael ko gin nsuwon reb e pilung. Ma bo’or yang ni bay i yib e durru’ riy, ma bo’or e nam ni bay yib e uyongol riy. Pin’ey e bod e bin som’on e amith nma yib ngak be’ ni nge gargel.

Revelation 16:18

Me matmat e uluch, me yan lingan bogi ban’en, ma be chub e dirra’, me yib ba durru’ nrib gel. Dawori yib e durru’ ni bod e biney ni ka nap’an e ngiyal’ nsunumiy e girdi’ riy; ni ireray e bin th’abi gel e durru’ u fithik’ urngin e durru’!

Revelation 11:19

Me mab e Tempel rok Got u tharmiy, ma fare Kahol ko M’ag rok Got e ni guy u lan e Tempel rok. Me matmat e uluch, me yan lingan bogi n’en, ma be chub e dirra’, me yib ba durru’, me mul e ayis ni gagang’ yang u lang nga but’ ni bod e n’uw.

Matthew 24:7

Ya bay reb e nam me cham ngak reb e nam, ma gin nsuwon reb e pilung e bayi mael ko gin nsuwon reb e pilung. Ma bay i yib e uyongol nge durru’ u gubin yang.

1 Samuel 2:10

Pi to’ogor rok SOMOL e bay ni thirifrad u but’; bayi par u tharmiy nge non ngorad ni gowa dirra’. I SOMOL e bayi pufthinnag e fayleng ni ga’ngin; bayi pi’ gelngin fare pilung ni ir e turguy, bayi gagiyegnag fare pilung ni mel’eg ngi i gel.”

Revelation 11:13

Ka chingiyal’ nem me yib ba durru’ nib gel; me kireb ta’ab guruy u ragag i guruy ko fare binaw, ma medlip i biyu’ e girdi’ e yim’ ko re durru’ nem. Ma tin ni magey e girdi’ e ra m’ad ko marus miyad yog nrib sorok Got nu tharmiy.

Luke 21:11

ma gubin yang ni bay i yib e durru’ nib gel riy, nge uyongol, nge liliy nib machreg nma af ko girdi’ i yan, ma bayi m’ug bogi ban’en u lanelang nib gel e marus ni bay nta’ riy nge bogi pow ni ba ga’.

Isaiah 30:30

I SOMOL e bayi gagiyegnag nge rung’ag gubin e girdi’ lungun ni yima rus ngay’, miyad thamiy gelngin e damumuw rok. Ra yib e nifiy, nge n’uw nib tomgin nib almarin, nge malang ni bay e nifiy riy ni be mulmul, nge n’uw ni sarbul.

Isaiah 28:2

I SOMOL e ke fal’eg rogon be’ nrib gel ni nge cham ngorad. Bay yib ni bod ba yoko’ ni bay e ayis ni gagang’ yang u fithik’ ni be mul nga but’, ni bod e n’uw ko sarbul, ni bod e ran ni yib i tharey daken e binaw nib machreg.

2 Samuel 22:14

Me gagiyegnag SOMOL ngi i chub e dirra’ u lanelang, min rung’ag laman Got nib Th’abi Tolang.

Psalms 55:8

Gu ra gur nigeg ngu pir’eg e gin nggu gif ngay ngu chuw ko nifeng ni gel nge yoko’.

Isaiah 10:3

Mang e gimed ra rin’ ko ngiyal’ ni nge gechig nagmed Got? Ma ba mang e gimed ra rin’ ko ngiyal’ nra girengiy e riya’ u reb e nam nga dakenmed? U uw e gimed ra mil ngay ni ngam pir’egged e ayuw riy? Ma uw e gin gimed ra mithag talinmed ngay?

Isaiah 26:14

Chiney e karm’ad ma dab kur fosgad bayay; ya’al rorad e dab ku ra fosgad bayay, ni fan e gur e ka mu gechig nagrad ka mu thangrad. Dariy be’ ni ku yad ra yib ngan’ bi’id.

Isaiah 26:21

I SOMOL e be yib u tharmiy ko gin ma par riy ni nge gechignag e girdi’ nu fayleng ko pi denen rorad. Pi mthang pogofan ni un rin’ nib mith u roy u fayleng e ra m’ug, ma but’ e dabki mithag e pi’in nthang e pogofan rorad.

Isaiah 43:2

Ga ra yan u fithik’ e ran nib to’ar ma gu bay rom; gafgow ni bay i yib ngom e dabiyag ni nge gel ngom. Ga ra yan u fithik’ e nifiy ma dab mu gak’; ma pin’en nib mo’maw’ ni bay i yib ngom e dariy ban’en nra rin’ ngom.

Amos 1:14

Ere bay gu tay e nifiy ko pi yoror nu Rabbah nge mo’oruf e pi naun ni bay riy ni ka ni ngongliy rogon ni fan ko mael. Bay un tolul ko rofen ni yibe mael, me achangiy fare cham ni gowa bang i yoko’.

Nahum 1:3

I SOMOL e ba sowath nma damumuw, machane ir e ba gel gelngin ma der ma pag e pi’in kireb ndabi gechig nagrad. Yungin ma yan SOMOL riy e ma sum yungi yoko riy; pi manileng e aram e fiyath ni be tar u rifrifen ay.

Zekariah 14:5

Gimed ra mil ngam thumur gad u lan e re loway ney nike ki’eg fare burey ni l’agruw guruy. Gimed ra mil ni bod e pi chitamangimed kakrom u nap’an ni yib fare durru’ fa ngiyal ni Uzziah e Pilung nu Judah. I SOMOL ni Got rog e bay yib nike un urngin e pi engel ngak.

Isaiah 31:9

Emperor rorad e bayi mil nike rus, ma pi tolang ko salthaw e bayi gel e marus ngorad ngar n’iged e yungi flak ni yad ma fek ko mael.” I SOMOL e be non, fare SOMOL ni yima liyor ngak u Jerusalem, ma nifiy rok e be gak’ u rom ni fan ko maligach.

Ezekiel 38:22

Bay gu gechignag ko liliy nge yam’. N’uw ni gel nge ayis ni be mul u lang, nib mu’un e nifiy nge sulfur ngay, ni bay i m’ap nga daken nge nga daken e raba’ i salthaw rok nge nga daken e pi nam ni yo’or ni yad bfol ngak.