Isaiah 29:24 - Bible Ni Thothup

²⁴ Girdi’ ni balyang e bay ra nanged fan ban’en, ma gubin e pi’in gubin ngiyal’ ma yad be gun’gun’ e yad ra felfelan’ ni ngar filed ban’en.”

Isaiah 29:24 Referans Kwoze

Hebrews 5:2

Ma rayag rok ni nge saf’og ngak e pi’in ndar nanged e tin nib mat’aw ma yad be oloboch, ni bochan e ir rok ma bme’waer.

Isaiah 28:7

Mus ko pi profet nge pi prist ni yad be balyang ko rrum yad be yan ni yad be thigthig. Kari pire’ e wayin nge rrum ni ka ra unumed be tun ayrad ni ka ra balyanggad. Pi profet e kaygi gel e chingnag rorad ndabiyag ni ngar nanged fan e pin’en ni be piliyeg Got e changar rorad yad be guy, ma pi prist e kaygi gel e chingnag rorad ndabkiyag ni ngar turguyed e n’en ni ngan rin’ ko yu pa’ i oloboch ni ka ni fek i yib ngorad.

1 Korinth 6:11

Bay boch i gimed ni immoy ni aram rogon. Machane ke n’ag Got fan e denen romed ke be’ech nagmed; ma ka ni pi’med ngak Got; ma ka ni mat’aw nagmed ngak Got u daken fithingan Somol Jesus Kristus ngu daken fare Kan Nthothup rok e Got rodad.

Acts 6:7

Ma aram mi i wear e thin rok Got i yan. Ma be yo’or pi gachalpen Jesus i yan, ma bo’or e prist ni pig lanin’rad nge mich Jesus u wun’rad.

Acts 2:37

Fa’ani rung’ag fapi girdi’ e re bugithin ney, me ri yib e marus ngorad, me lungurad ngak Peter nge fa tinem e apostel, “Pi walagmad, mang e nggu rin’ed?”

Luke 7:47

Ere nggog ngom ni gelngin nri gub t’uf rok nike dag e ir e ke micheg ni denen rok nib pire’ e ke m’ayfan. Machane cha’ ni bochu’uw e denen rok ni ke m’ayfan, e ri bochu’uw e t’ufeg ni be dag.”

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

Isaiah 60:16

Pi nam nge pi pilung e bay ur ayuweged gur Ni bod ba matin ni be tathuthnag fak. Ma bay mu nang ni Gag SOMOL e kug chuwegem u pa’ e to’ogor rom, Fare Got nu Israel nib gel gelngin e ke tem nike puf rogom.

Isaiah 41:20

Girdi’ e bay ra guyed miyad nang ni Gag SOMOL e kug yodoromnag. Bay ra nanged ni fare Got nib thothup rok yu Israel e ke yodoromnag.”

Isaiah 30:21

Fa’an gimed rayan nga wuru’ e wo’ ko ba’ ni mat’aw ara ba’ ni gilay’, ma gimed ra rung’ag lungun nga fiti keru’med ni be ga’ar, “Ba’aray e wo’. Mu leked.”

Isaiah 32:4

Gathi bay ku’ur ngochngochan’ gad ya yad ra ngongol u fithik’ e gumaen’ nge gonop, nge nangfan, ma thin ni bay u rogned e tin nri ir e yad be leamnag.

Isaiah 54:13

“I gag e bay gu machibnag e girdi’ rom, mu gu pi’ e fel’ rogon nge gapas ngorad.

Jeremiah 31:34

Ma dakuriy bagayad ni nge machibnag bagayad, ma dakuriy bagayad ni nge weliy e thin ngak bagayad ni nge ga’ar, ‘Ngam nang SOMOL.’ Yad gubin ni bay ra nanged gag ni mus rok e en nth’abi sobut’ nge mada’ ngak e en nth’abi tolang rorad. Bay gu n’ag fan e denen rorad u wun’ug ma dab ku gu leamnag e kireb ni kar ngongliyed. I Gag SOMOL e kugog e pi thin ney.”