Isaiah 29:22 - Bible Ni Thothup

²² Ere chiney e SOMOL, ni Got rok piyu Israel, ni ayuweg Abraham ko gafgow, e be ga’ar, “Girdi’ rog, dab ku mu pired nib m’ay famed, ma dabki awat owchamed ko tamra’ bingyal’.

Isaiah 29:22 Referans Kwoze

Jeremiah 30:10

“Girdi’ rog dab murus gad; gimed e girdi’ nu Israel, dabi aw e marus nga yal romed. Ya bay gu laegmed ko fare binaw nib palog, fare binaw ni gimed ba kalbus riy. Bay mu sulod nga tabnaw ngam pired u fithik’ e gapas; bay um pired ni dariy ban’en ni ku ra buch romed, ma dariy be’ ni ku ra k’ar marus ngomed.

Isaiah 51:2

Mu leamnag e ga’ rom i Abraham, nge Sarah, ni yow e mub rorow. Ngiyal’ ni gu pining Abraham e dariy fak, machane mu gu tow’athnag nggu pi’ e bitir ngak; mu gu yo’ornag e pi’in owchen.

Isaiah 45:17

Machane SOMOL e ke chuweg yu Israel u pa’ e to’ogor rok, ma felfelan’ rok yu Israel nike gel e bayi par ni dariy n’umngin nap’an; ma girdi’ rok e dab kun darifan nagrad.’”

Joel 2:27

Ma gimed piyu Israel e bay mu nanged ni gu ba’ u fithik’med, me Gag SOMOL, e Gag e Got romed, ma dakuriy yugu reb e Got ngabang. Girdi’ rog e gathi bay kun darifannagrad bayay.

Isaiah 54:4

Dab mu rus, ya dab kun darifan nigem bayay; dab kun tamra’ nigem. Bay mu pag talin e yul’yul’ ni da um tay ngak e pumo’on rom ko ngiyal’ ni kagab rugod, ma ku er i tay e kireban’ rom nib gel ko ngiyal’ ni yim’ figirngim.

Luke 1:68

“Ngad pininged e sorok ngak Somol, ni ir fare Got rok yu Israel! Ya ke yib ni nge ayuweg e girdi’ rok nge biyuliyrad.

Revelation 5:9

Miyad yin’ ba tang nib be’ech ni ga’ar: “I gur e bay rogom ni ngam fek fare gi babyor ni kan bachiy ngam guchthuy fapi hang riy. Ya nli’em nga mum’, ma racha’em ni map’ u kuruth e ir e mu chuw’iy e girdi’ ngay ni ngar manged girdi’en Got, ni girdi’ u urngin e ganong, nge thin, nge gubin mit e girdi’, nge nam.

Ezekiel 39:25

I SOMOL ni Th’abi Tolang e ga’ar, “Machane chiney e bay gu par ni bay e marnguy rog nga daken e pi’in owchen Jakob, ni fapi girdi’ nu Israel, ma bay gu gagiyegnag ngar fla’abgad bayay. Bay gu yororiy fithingag nib thothup.

Ezekiel 37:28

Nap’an ni bay gu tay e Tempel rog ngaram ni nge par u fithik’rad ni dariy n’umngin nap’an, ma aram e pi nam e bay ra nanged ni Gag SOMOL e ku gu mel’eg yu Israel ni ngar manged girdi’ rog.”

Ezekiel 37:24

Ba pilung ni bod e tapigpig rog i David e bayi mang pilung rorad. Yad gubin ni bay ra cheaggad nge par ni ta’ab pilung e be gagiyeg nagrad ma bay ur folgad ko pi motochiyel rog nri yad ba yul’yul’ ngay.

Isaiah 63:16

Ya gur e chitamangimad gur. Mus ngak Abraham nge Jakob ni gal ga’ romad ni dabiyag ni ngar ayuwegew gamad, machane gur SOMOL e chitamangimad gur. Ya gur e en ni gubin ngiyal’ ni um chuwegmad u pa’ e to’ogor romad.

Isaiah 51:11

Pi’in mu lagrad ko gafgow e bay ra tawgad nga Jerusalem u fithik’ e felfelan’, yad be tang ma yad be garusnag e felfelan’. Bay ra pired ni yad ba felfelan’ ndariy n’umngin nap’an, ni ka ra pufgad ni urun ko kirban’ nge gafgowan’.

Isaiah 45:25

I Gag SOMOL e bay gu chuweg urngin e pi’in owchen Jakob u pa’ e to’ogor rorad, ma bay ra pininged e magaer nge sorok ngog.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Genesis 48:16

Ma fare engel ni chuwegeg u fithik’ urngin e riya’ e ngi i fal’eg wa’athrow. Fithingag nge fithingan e gal chitamag i Abraham nge Isak e ngi i par u dakenrow. Nge yo’or pifak row ngar manged baraba’ i girdi’ ni pire’.”

Isaiah 50:7

Machane moning ni yad be tay ngog e dariy ban’en nra rin’ ngog, ya SOMOL ni Th’abi Tolang e be pi’ e ayuw ngog. Kug athamgil, ya gu manang ndabiyag ni nge yan i aw ndariy fag,